ਨਵੀਂ ਦਿੱਲੀ: ਅੱਜ-ਕੱਲ੍ਹ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ 'ਚ ਮਾਈਕ੍ਰੋਵੇਵ ਰਸੋਈ ਦਾ ਇੱਕ ਅਹਿਮ ਹਿੱਸਾ ਬਣ ਗਿਆ ਹੈ। ਚਾਹੇ ਸਵੇਰੇ ਦਫ਼ਤਰ ਜਾਣ ਦੀ ਜਲਦੀ ਹੋਵੇ ਜਾਂ ਬੱਚਿਆਂ ਲਈ ਲੰਚ ਤਿਆਰ ਕਰਨਾ ਹੋਵੇ, ਮਾਈਕ੍ਰੋਵੇਵ ਹਰ ਕੰਮ ਨੂੰ ਆਸਾਨ ਬਣਾ ਦਿੰਦਾ ਹੈ। ਪਰ ਮਾਹਿਰਾਂ ਅਨੁਸਾਰ, ਸਹੂਲਤ ਦੇ ਨਾਲ-ਨਾਲ ਸਾਵਧਾਨੀ ਵਰਤਣੀ ਵੀ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਕੁਝ ਖਾਸ ਚੀਜ਼ਾਂ ਨੂੰ ਮਾਈਕ੍ਰੋਵੇਵ 'ਚ ਗਰਮ ਕਰਨ ਨਾਲ ਸਿਹਤ 'ਤੇ ਬੁਰਾ ਅਸਰ ਪੈ ਸਕਦਾ ਹੈ।
ਖ਼ਤਰਨਾਕ ਸਾਬਤ ਹੋ ਸਕਦੀਆਂ ਹਨ ਇਹ ਆਦਤਾਂ
ਸਰੋਤਾਂ ਅਨੁਸਾਰ, ਕਈ ਵਾਰ ਲੋਕ ਮਾਈਕ੍ਰੋਵੇਵ 'ਚ ਅਜਿਹੀਆਂ ਚੀਜ਼ਾਂ ਗਰਮ ਕਰ ਦਿੰਦੇ ਹਨ ਜੋ ਸਰੀਰ ਲਈ ਨੁਕਸਾਨਦੇਹ ਸਾਬਤ ਹੁੰਦੀਆਂ ਹਨ। ਕਈ ਵਸਤੂਆਂ ਗਰਮ ਹੋਣ 'ਤੇ ਆਪਣੇ ਪੋਸ਼ਕ ਤੱਤ ਗੁਆ ਦਿੰਦੀਆਂ ਹਨ, ਜਦੋਂ ਕਿ ਕੁਝ ਵਿੱਚੋਂ ਖ਼ਤਰਨਾਕ ਕੈਮੀਕਲ ਨਿਕਲਣ ਲੱਗਦੇ ਹਨ।
ਇਨ੍ਹਾਂ ਚੀਜ਼ਾਂ ਨੂੰ ਮਾਈਕ੍ਰੋਵੇਵ 'ਚ ਰੱਖਣ ਤੋਂ ਬਚੋ
ਅੰਡੇ: ਅੰਡਿਆਂ ਨੂੰ ਕਦੇ ਵੀ ਉਨ੍ਹਾਂ ਦੇ ਛਿਲਕੇ ਸਮੇਤ ਮਾਈਕ੍ਰੋਵੇਵ 'ਚ ਗਰਮ ਨਹੀਂ ਕਰਨਾ ਚਾਹੀਦਾ। ਅੰਦਰ ਬਣਨ ਵਾਲੀ ਭਾਫ਼ ਕਾਰਨ ਅੰਡਾ ਫਟ ਸਕਦਾ ਹੈ, ਜਿਸ ਨਾਲ ਨਾ ਸਿਰਫ਼ ਮਾਈਕ੍ਰੋਵੇਵ ਗੰਦਾ ਹੁੰਦਾ ਹੈ, ਬਲਕਿ ਇਹ ਖ਼ਰਾਬ ਵੀ ਹੋ ਸਕਦਾ ਹੈ। ਅੰਡਾ ਗਰਮ ਕਰਨ ਲਈ ਉਸ ਨੂੰ ਪਹਿਲਾਂ ਛਿੱਲ ਲੈਣਾ ਚਾਹੀਦਾ ਹੈ ਜਾਂ ਤੋੜ ਕੇ ਅੰਦਰ ਰੱਖਣਾ ਚਾਹੀਦਾ ਹੈ।
ਪਲਾਸਟਿਕ ਦੇ ਡੱਬੇ : ਬਹੁਤ ਸਾਰੇ ਪਲਾਸਟਿਕ ਦੇ ਕੰਟੇਨਰ ਗਰਮ ਹੋਣ 'ਤੇ ਕੈਮੀਕਲ ਛੱਡਦੇ ਹਨ ਜੋ ਸਿੱਧੇ ਖਾਣੇ 'ਚ ਮਿਲ ਜਾਂਦੇ ਹਨ ਤੇ ਸਰੀਰ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਇਸ ਲਈ ਪਲਾਸਟਿਕ 'ਚ ਖਾਣਾ ਗਰਮ ਕਰਨ ਤੋਂ ਪਹਿਲਾਂ ਦੋ ਵਾਰ ਸੋਚਣਾ ਚਾਹੀਦਾ ਹੈ।
ਹਰੀਆਂ ਪੱਤੇਦਾਰ ਸਬਜ਼ੀਆਂ: ਪਾਲਕ ਅਤੇ ਮੇਥੀ ਵਰਗੀਆਂ ਸਬਜ਼ੀਆਂ 'ਚ ਨਾਈਟ੍ਰੇਟਸ ਪਾਏ ਜਾਂਦੇ ਹਨ। ਇਨ੍ਹਾਂ ਸਬਜ਼ੀਆਂ ਨੂੰ ਵਾਰ-ਵਾਰ ਮਾਈਕ੍ਰੋਵੇਵ 'ਚ ਗਰਮ ਕਰਨ ਨਾਲ ਇਹ ਨਾਈਟ੍ਰੇਟਸ ਹਾਨੀਕਾਰਕ ਤੱਤਾਂ 'ਚ ਬਦਲ ਸਕਦੇ ਹਨ, ਜੋ ਸਿਹਤ ਲਈ ਘਾਤਕ ਹੋ ਸਕਦੇ ਹਨ।
ਇਸ ਲਈ ਇਹ ਬਹੁਤ ਜ਼ਰੂਰੀ ਹੈ ਕਿ ਮਾਈਕ੍ਰੋਵੇਵ ਦੀ ਵਰਤੋਂ ਸਿਰਫ਼ ਸਹੂਲਤ ਲਈ ਹੀ ਨਹੀਂ, ਸਗੋਂ ਪੂਰੀ ਸਾਵਧਾਨੀ ਨਾਲ ਕੀਤੀ ਜਾਵੇ ਤਾਂ ਜੋ ਤੁਹਾਡੀ ਸਿਹਤ ਨਾਲ ਕੋਈ ਖਿਲਵਾੜ ਨਾ ਹੋਵੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Aloe vera ਜੂਸ ਪੀਣ ਦੇ ਕੀ ਹਨ ਫਾਇਦੇ, ਜਾਣ ਕੇ ਹੋ ਜਾਓਗੇ ਹੈਰਾਨ
NEXT STORY 
