ਗੈਜੇਟ ਡੈਸਕ - ਟੈਲੀਕਾਮ ਦਿੱਗਜ ਏਅਰਟੈੱਲ ਨੇ ਆਪਣੇ ਗਾਹਕਾਂ ਲਈ ਇਕ ਵਿਸ਼ੇਸ਼ ਸਹੂਲਤ ਪੇਸ਼ ਕਰਦਿਆਂ 'One Airtel' ਸੇਵਾ ਨੂੰ ਮੁੜ ਲਾਂਚ ਕੀਤਾ ਹੈ। ਇਸ ਸੇਵਾ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਹ ਹੈ ਕਿ ਹੁਣ ਉਪਭੋਗਤਾਵਾਂ ਨੂੰ ਵੱਖ-ਵੱਖ ਸੇਵਾਵਾਂ ਲਈ ਵੱਖਰੇ ਪਲਾਨ ਲੈਣ ਦੀ ਲੋੜ ਨਹੀਂ ਪਵੇਗੀ।
ਇਕੋ ਛੱਤ ਹੇਠ ਮਿਲਣਗੀਆਂ ਸਾਰੀਆਂ ਸਹੂਲਤਾਂ
'One Airtel' ਸੇਵਾ ਦੇ ਤਹਿਤ, ਗਾਹਕਾਂ ਨੂੰ ਇਕੋ ਹੀ ਬੰਡਲ ਪਲਾਨ 'ਚ ਪੋਸਟਪੇਡ ਮੋਬਾਈਲ ਕਨੈਕਸ਼ਨ, ਵਾਈ-ਫਾਈ (WiFi) ਬ੍ਰੌਡਬੈਂਡ ਅਤੇ DTH/IPTV ਦਾ ਲਾਭ ਦਿੱਤਾ ਜਾਵੇਗਾ। ਇਹ ਕੰਪਨੀ ਦੀ ਇਕ ਅਜਿਹੀ ਬੰਡਲ ਸੇਵਾ ਹੈ ਜਿਸ 'ਚ ਉਪਭੋਗਤਾ ਆਪਣੀਆਂ ਜ਼ਰੂਰਤਾਂ ਅਨੁਸਾਰ ਸੇਵਾਵਾਂ ਨੂੰ ਇੱਕਠਾ ਕਰ ਸਕਦੇ ਹਨ।
ਏਅਰਟੈੱਲ ਬਲੈਕ ਦੀ ਹੋ ਰਹੀ ਰੀਬ੍ਰਾਂਡਿੰਗ
ਸਰੋਤਾਂ ਅਨੁਸਾਰ, ਕੰਪਨੀ ਆਪਣੀ ਮੌਜੂਦਾ 'Airtel Black' ਸੇਵਾ ਨੂੰ ਰੀਬ੍ਰਾਂਡ ਕਰ ਰਹੀ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਕੰਪਨੀ ਪਹਿਲਾਂ ਵੀ ਇਸ ਸੇਵਾ ਨੂੰ 'One Airtel' ਦੇ ਨਾਂ ਨਾਲ ਹੀ ਪੇਸ਼ ਕਰਦੀ ਸੀ, ਪਰ ਬਾਅਦ 'ਚ ਇਸ ਦਾ ਨਾਂ ਬਦਲ ਕੇ 'Airtel Black' ਕਰ ਦਿੱਤਾ ਗਿਆ ਸੀ। ਹੁਣ ਕੰਪਨੀ ਇਕ ਵਾਰ ਫਿਰ ਆਪਣੇ ਪੁਰਾਣੇ ਨਾਂ ਵੱਲ ਪਰਤ ਰਹੀ ਹੈ।
ਇਸ ਸੇਵਾ ਦਾ ਮੁੱਖ ਉਦੇਸ਼ ਗਾਹਕਾਂ ਨੂੰ ਬਿਲਾਂ ਦੀ ਅਦਾਇਗੀ ਅਤੇ ਸੇਵਾਵਾਂ ਦੇ ਪ੍ਰਬੰਧਨ 'ਚ ਸਹੂਲਤ ਪ੍ਰਦਾਨ ਕਰਨਾ ਹੈ, ਤਾਂ ਜੋ ਉਹ ਇਕੋ ਪਲਾਨ ਰਾਹੀਂ ਆਪਣੇ ਘਰ ਅਤੇ ਮੋਬਾਈਲ ਦੀਆਂ ਸਾਰੀਆਂ ਸੰਚਾਰ ਜ਼ਰੂਰਤਾਂ ਨੂੰ ਪੂਰਾ ਕਰ ਸਕਣ।
ਭਾਰਤੀ ਸਮਾਰਟਫੋਨ ਬਾਜ਼ਾਰ ਨੂੰ ਝਟਕਾ, ਵਿਕਰੀ 'ਚ 4.1 ਫੀਸਦੀ ਦੀ ਗਿਰਾਵਟ
NEXT STORY 
