ਆਟੋ ਡੈਸਕ- ਹੁੰਡਈ ਨੇ Grandi 10 Nios ਹੈਚਬੈਕ ਦੇ ਲਾਈਨਅਪ 'ਚ ਇਕ ਨਵਾਂ ਮਿਡ-ਸਪੇਕ ਵੇਰੀਐਂਟ ਜੋੜਿਆ ਹੈ। ਇਸ ਵੇਰੀਐਂਟ ਨੂੰ Sportz ਐਗਜ਼ੀਕਿਊਟਿਵ ਦੇ ਨਾਂ ਨਾਲ ਪੇਸ਼ ਕੀਤਾ ਗਿਆ ਹੈ ਅਤੇ ਇਸਨੂੰ Magna ਅਤੇ Sportz ਵੇਰੀਐਂਟ ਦੇ ਵਿਚਕਾਰ ਪਲੇਸ ਕੀਤਾ ਗਿਆ ਹੈ। ਨਵਾਂ ਟ੍ਰਿਮ ਮੈਨੁਅਲ ਅਤੇ ਏ.ਐੱਮ.ਟੀ. ਦੋਵਾਂ ਬਦਲਾਂ 'ਚ ਉਪਲੱਬਧ ਹੈ। ਗ੍ਰੈਂਡ i10 Nios Sportz ਐਗਜ਼ੀਕਿਊਟਿਵ ਦੀ ਕੀਮਤ ਮੈਨੁਅਲ ਟ੍ਰਾਂਸਮਿਸ਼ਨ ਲਈ 7.16 ਲੱਖ ਰੁਪਏ ਅਤੇ ਏ.ਐੱਮ.ਟੀ. ਲਈ 7.70 ਲੱਖ ਰੁਪਏ ਹੈ।
ਫੀਚਰਜ਼
ਨਵੇਂ ਵੇਰੀਐਂਟ 'ਚ ਮੌਜੂਦਾ Sportz ਟ੍ਰਿਮ ਦੇ ਸਮਾਨ 15-ਇੰਚ ਦੇ ਅਲੌਏ ਵ੍ਹੀਲਜ਼ ਐਂਡਰਾਇਡ ਆਟੋ ਅਤੇ ਐਪਲ ਕਾਰ ਪਲੇਅ ਦੇ ਨਾਲ 8-ਇੰਚ ਟੱਚਸਕਰੀਨ ਡਿਸਪਲੇਅ, ਕੀਅਲੈੱਸ ਐਂਟਰੀ, ਰੀਅਰ ਏਸੀ ਵੈਂਟਸ ਦਿੱਤੇ ਗਏ ਹਨ। ਉੱਥੇ ਹੀ ਸੇਫਟੀ ਲਈ ਇਸ ਵਿਚ 4 ਏਅਰਬੈਗ, ਈ.ਐੱਸ.ਸੀ. ਅਤੇ ਹਿੱਲ-ਹੋਲਡ ਵਰਗੇ ਫੀਚਰਜ਼ ਦਿੱਤੇ ਗਏ ਹਨ।
ਪਾਵਰਟ੍ਰੇਨ
Grand i10 Nios ਦੇ ਪਾਵਰਟ੍ਰੇਨ 'ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ। ਇਸ ਵਿਚ 1.2 ਲੀਟਰ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜੋ 83 ਐੱਚ.ਪੀ. ਦੀ ਪਾਵਰ ਜਨਰੇਟ ਕਰਦਾ ਹੈ ਅਤੇ ਇਸਨੂੰ 5-ਸਪੀਡ ਮੈਨੁਅਲ ਜਾਂ 5-ਸਪੀਡ ਏ.ਐੱਮ.ਟੀ. ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ।
ਕੀਮਤ
7.16 ਲੱਖ ਰੁਪਏ ਦੀ ਕੀਮਤ ਵਾਲੀ Sportz ਐਗਜ਼ੀਕਿਊਟਿਵ ਟ੍ਰਿਮ ਦੀ ਕੀਮਤ Sportz ਟ੍ਰਿਮ ਤੋਂ ਸਿਰਪ 4,000 ਰੁਪਏ ਘੱਟ ਹੈ। Grand i10 Nios ਦਾ ਮੁਕਾਬਲਾ Maruti Suzuki Ignis, Maruti Suzuki Swift ਅਤੇ Tata Tiago ਨਾਲ ਹੈ।
ਸਮਾਰਟਫੋਨ ਦੀ ਸਕਿਓਰਿਟੀ ਟੈਸਟਿੰਗ ਦੀਆਂ ਖ਼ਬਰਾਂ ਦੌਰਾਨ ਕੇਂਦਰੀ ਮੰਤਰੀ ਦਾ ਵੱਡਾ ਬਿਆਨ ਆਇਆ ਸਾਹਮਣੇ
NEXT STORY 
