ਆਟੋ ਡੈਸਕ– ਹੁੰਡਈ ਨੇ ਸਾਲ 1975 ’ਚ ਆਪਣੀ ਕਲਾਸਿਕ ਕਾਰ ਪੋਨੀ ਨੂੰ ਲਾਂਚ ਕੀਤਾ ਸੀ ਜਿਸ ਦੇ ਹੁਣ ਇਲੈਕਟ੍ਰਿਕ ਅਵਤਾਰ ਨੂੰ ਸ਼ੋਅਕੇਸ ਕੀਤਾ ਗਿਆ ਹੈ। ਦੱਖਣ ਕੋਰੀਆ ’ਚ ਹੁੰਡਈ ਆਪਣੇ ਬੁਸਾਨ ਪਲਾਂਟ ’ਚ ਕਈ ਪੁਰਾਣੀਆਂ ਕਲਾਸਿਕ ਕਾਰਾਂ ਨਵੇਂ ਅਵਤਾਰ ’ਚ ਤਿਆਰ ਕਰ ਰਹੀ ਹੈ। ਹੁੰਡਈ ਦਾ ਕਹਿਣਾ ਹੈ ਕਿ ਇਨ੍ਹਾਂ ਕਲਾਸਿਕ ਕਾਰਾਂ ਦੀ ਲੁਕ ਨੂੰ ਬਰਕਾਰ ਰੱਖਿਆ ਜਾ ਰਿਹਾ ਹੈ ਅਤੇ ਇਨ੍ਹਾਂ ’ਚ ਕਈ ਮਾਡਰਨ ਉਪਕਰਣ ਵੀ ਜੋੜੇ ਜਾ ਰਹੇ ਹਨ।
ਦੱਸ ਦੇਈਏ ਕਿ ਇਨ੍ਹਾਂ ’ਚ ਇਲੈਕਟ੍ਰਿਕ ਇੰਜਣ ਕੰਪਨੀ ਦੇ ਰਹੀ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ’ਚ ਐੱਲ.ਈ.ਡੀ. ਲਾਈਟ, ਨਵਾਂ ਮਿਊਜ਼ਿਕ ਸਿਸਟਮ ਅਤੇ ਕਈ ਕਾਸਮੈਟਿਕ ਬਦਲਾਅ ਵੀ ਕੀਤੇ ਗਏ ਹਨ। ਇਸ ਰੀਮੇਕ ਮੁਹਿੰਮ ’ਚ ਕੰਪਨੀ ਨੇ 1975 ਤੋਂ 1982 ਤਕ ਬਣਾਈਆਂ ਪੋਨੀ ਕਾਰਾਂ ਨੂੰ ਸ਼ਾਮਲ ਕੀਤਾ ਹੈ। ਇਹ ਕਾਰਾਂ ਇਕ ਸਮੇਂ ’ਚ ਦੱਖਣ ਕੋਰੀਆ ’ਚ ਕਾਫੀ ਪ੍ਰਸਿੱਧ ਹੁੰਦੀਆਂ ਸਨ।
ਹੁੰਡਈ ਨੇ ਰੀਡਿਜ਼ਾਇਨ ਕੀਤੀ ਗਈ ਕਲਾਸਿਕ ਕਾਰ ਪੋਨੀ ਦੀਆਂ ਕੁਝ ਅਧਿਕਾਰਤ ਤਸਵੀਰਾਂ ਵੀ ਜਾਰੀ ਕੀਤੀਆਂ ਹਨ ਜਿਨ੍ਹਾਂ ’ਚ ਇਸ ਕਾਰ ਦਾ ਬੋਕਸੀ ਡਿਜ਼ਾਇਨ ਕਾਫੀ ਆਕਰਸ਼ਕ ਲੱਗ ਰਿਹਾ ਹੈ। ਇਸ ਦੇ ਫਰੰਟ ’ਚ ਡਿਊਲ ਪੌਡ ਐੱਲ.ਈ.ਡੀ. ਹੈੱਡਲਾਈਟ ਲਗਾਈ ਗਈ ਹੈ ਜਿਸ ਦੇ ਹੇਠਾਂ ਸੰਤਰੀ ਰੰਗ ਦੇ ਟਰਨ ਇੰਡੀਕੇਟਰ ਵੀ ਦਿੱਤੇ ਗਏ ਹਨ। ਕਾਰ ਦੇ ਬੋਨਟ ਦੇ ਦੋਵਾਂ ਪਾਸੇ ਕੈਮਰਾ ਮਾਊਂਟੇਡ ਰੀਅਰ ਵਿਊ ਮਿਰਰ ਲੱਗੇ ਹਨ ਅਤੇ ਇਸ ਵਿਚ 15 ਇੰਚ ਦੇ ਸਟੀਲ ਅਲੌਏ ਵ੍ਹੀਲਜ਼ ਲਗਾਏ ਗਏ ਹਨ। ਇਸ ਦੀ ਹੈੱਡਲਾਈਟ ਨੂੰ ਗੋਲਾਕਾਰ ਰੱਖਿਆ ਗਿਆ ਹੈ ਜਦਕਿ ਪਿੱਛੇ ‘U’ ਸ਼ੇਪ ’ਚ ਐੱਲ.ਈ.ਡੀ. ਟੇਲਲਾਈਟ ਦਿੱਤੀ ਗਈ ਹੈ।
ਇਸ ਕਾਰ ਦਾ ਇੰਸਟਰੂਮੈਂਟ ਸਿਸਟਮ ਬੇਹੱਦ ਅਲੱਗ ਹੈ ਕਿਉਂਕਿ ਇਸ ਵਿਚ ਐਨਾਲਾਗ ਅਤੇ ਡਿਜੀਟਲ ਡਿਸਪਲੇਅ ਦੀ ਬਜਾਏ ਤੁਹਾਨੂੰ ਵੈਕਿਊਮ ਟਿਊਬ ਵਾਲਾ ਸਪੀਡੋਮੀਟਰ ਵੇਖਣ ਨੂੰ ਮਿਲਦਾ ਹੈ। ਇਸ ਵੈਕਿਊਮ ਟਿਊਬ ’ਚ ਸਪੀਡ ਨੂੰ ਵਿਖਾਉਣ ਲਈ ਫਿਲਾਮੈਂਟ ਦਾ ਇਸਤੇਮਾਲ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਕਾਰ ਦੇ ਅੰਦਰ ਕੁਝ ਨਵੇਂ ਉਪਕਰਣ ਵੀ ਲਗਾਏ ਗਏ ਹਨ। ਕਾਰ ’ਚ ਵਾਇਰਲੈੱਸ ਫੋਨ ਚਾਰਜਰ, ਵੌਇਸ ਕਮਾਂਡ ਕੰਟਰੋਲ ਅਤੇ ਮਲਟੀ ਫੰਕਸ਼ਨ ਸਟੀਅਰਿੰਗ ਵ੍ਹੀਲ ਦਿੱਤਾ ਗਿਆ ਹੈ।
ਮੋਟੋਰੋਲਾ 20 ਅਪ੍ਰੈਲ ਨੂੰ ਭਾਰਤ ’ਚ ਲਾਂਚ ਕਰੇਗੀ 108MP ਕੈਮਰੇ ਵਾਲਾ ਫੋਨ
NEXT STORY