ਆਟੋ ਡੈਸਕ- ਇਕ ਸੈਕਿੰਡ ਹੈਂਡ ਕਾਰ ਖ਼ਰੀਦਣ ਤੋਂ ਪਹਿਲਾਂ ਲੋਕਾਂ ਦੇ ਮਨ 'ਚ ਕਈ ਸਵਾਲ ਆਉਂਦੇ ਹਨ ਜਿਵੇਂ- ਸੈਕਿੰਡ ਹੈਂਡ ਕਾਰ ਖ਼ਰੀਦਣਾ ਸਹੀ ਹੈ ਜਾਂ ਨਹੀਂ। ਖ਼ਰਾਬ ਕਾਰ ਤਾਂ ਨਹੀਂ ਖ਼ਰੀਦ ਲਈ। ਜਦੋਂ ਤੁਸੀਂ ਇਕ ਪੁਰਾਣੀ ਕਾਰ ਖ਼ਰੀਦਦੇ ਹੋ ਤਾਂ ਕਾਰ 'ਚ ਕਈ ਕੰਪਲੀਕੇਸ਼ਨ ਕਾਰਨ ਗੱਡੀ ਦੀ ਜਾਂਚ ਕਰਨਾ ਹੋਰ ਵੀ ਮਹੱਤਵਪੂਰਨ ਹੋ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਸੈਕਿੰਡ ਹੈਂਡ ਕਾਰ ਖ਼ਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਅੱਜ ਅਸੀਂ ਤੁਹਾਨੂੰ 5 ਅਜਿਹੀਆਂ ਚੀਜ਼ਾਂ ਦੱਸਾਂਗੇ ਕਾਰ ਖ਼ਰੀਦਣ ਤੋਂ ਪਹਿਲਾਂ ਜਿਸਦੀ ਜਾਂਚ ਕਰਨਾ ਬਹੁਤ ਜ਼ਰੂਰੀ ਹੈ।
ਇਹ ਵੀ ਪੜ੍ਹੋ– 10.90 ਲੱਖ ਦੀ ਸ਼ੁਰੂਆਤੀ ਕੀਮਤ ’ਤੇ ਲਾਂਚ ਹੋਈ ਕੀਆ ਸੇਲਟਾਸ
1. ਕਾਰ ਦੀ ਕੰਡੀਸ਼ਨ ਚੈੱਕ ਕਰੋ
ਜੇਕਰ ਤੁਸੀਂ ਸੈਕਿੰਡ ਹੈਂਡ ਕਾਰ ਖ਼ਰੀਦਣ ਦਾ ਮਨ ਬਣਾ ਲਿਆ ਹੈ ਖ਼ਰੀਦਦਾਰੀ ਦੇ ਫੈਸਲੇ 'ਤੇ ਪਹੁੰਚਣ ਲਈ ਛੋਟੀਆਂ ਚੀਜ਼ਾਂ ਨੂੰ ਜਾਣਨਾ ਮਹੱਤਵਪੂਰਨ ਹੈ। ਜੇਕਰ ਤੁਹਾਨੂੰ ਕਾਰ ਦੀਆਂ ਤਕਨੀਕੀ ਚੀਜ਼ਾਂ ਬਾਰੇ ਚੰਗੀ ਜਾਣਕਾਰੀ ਹੈ ਤਾਂ ਤੁਸੀਂ ਖ਼ੁਦ ਕਾਰ ਦੀ ਜਾਂਚ ਕਰ ਸਕਦੇ ਹੋ ਜਾਂ ਫਿਰ ਕਿਸੇ ਭਰੋਸੇਯੋਗ ਮਕੈਨਿਕ ਦੀ ਮਦਦ ਲੈ ਸਕਦੇ ਹੋ।
2. ਰਜਿਸਟ੍ਰੇਸ਼ਨ ਵੈਧਤਾ ਦੀ ਜਾਂਚ ਕਰੋ
ਘੱਟ ਮਾਈਲੇਜ ਵਾਲੀਆਂ ਪਰ ਬਹੁਤ ਪੁਰਾਣੀਆਂ ਰਜਿਸਟ੍ਰੇਸ਼ਨ ਵਾਲੀਆਂ ਕਾਰਾਂ ਤੋਂ ਸਾਵਧਾਨ ਰਹੋ। ਕੁਝ ਸ਼ਹਿਰਾਂ ਵਿਚ ਤਾਂ ਇਕ ਖਾਸ ਸਾਲ ਤੋਂ ਪੁਰਾਣੀਆਂ ਪੈਟਰੋਲ ਕਾਰਾਂ ਚਲਾਉਣ 'ਤੇ ਪਾਬੰਦੀਆਂ ਹਨ। ਯਕੀਨੀ ਬਣਾਓ ਕਿ ਕਿਸੇ ਵੀ ਕਾਨੂੰਨੀ ਮੁੱਦਿਆਂ ਤੋਂ ਬਚਣ ਲਈ ਕਾਰ ਦੀ ਰਜਿਸਟ੍ਰੇਸ਼ਨ ਵੈਧਤਾ ਤੁਹਾਡੇ ਰਾਜ ਦੇ ਨਿਯਮਾਂ ਨਾਲ ਮੇਲ ਖਾਂਦੀ ਹੋਵੇ।
ਇਹ ਵੀ ਪੜ੍ਹੋ– WhatsApp 'ਚ ਆਇਆ ਬੇਹੱਦ ਕਮਾਲ ਦਾ ਫੀਚਰ, ਹੁਣ Reels ਦੀ ਤਰ੍ਹਾਂ ਭੇਜ ਸਕੋਗੇ 'ਵੀਡੀਓ ਮੈਸੇਜ'
3. ਰੱਖ-ਰਖਾਅ ਦਾ ਰਿਕਾਰਡ
ਕੁਝ ਕਾਰ ਮਾਲਕ ਸਹੀ ਕਾਰ ਸਰਵਿਸਿੰਗ ਰਿਕਾਰਡ ਰੱਖਦੇ ਹਨ। ਉਨ੍ਹਾਂ ਕੋਲ ਸਰਵਿਸ ਦੀਆਂ ਰਸੀਦਾਂ ਅਤੇ ਤਾਰੀਖ਼ਾਂ ਨੋਟ ਰਹਿੰਦੀਆਂ ਹਨ। ਇਨ੍ਹਾਂ ਚੀਜ਼ਾਂ ਨੂੰ ਇਕ ਵਾਰ ਜ਼ਰੂਰ ਚੈੱਕ ਕਰ ਲਓ। ਦੂਜੇ ਪਾਸੇ, ਕੁਝ ਲੋਕ ਰਿਕਾਰਡ ਨਹੀਂ ਰੱਖਦੇ, ਇਸ ਲਈ ਕਾਰ ਦੇ ਰੱਖ-ਰਖਾਅ ਬਾਰੇ ਚੰਗੀ ਤਰ੍ਹਾਂ ਗੱਲਬਾਤ ਕਰੋ। ਇਸ ਤਹਿਤ ਤੁਹਾਨੂੰ ਪਤਾ ਲੱਗ ਜਾਵੇਗਾ ਕਿ ਕਾਰ ਨੂੰ ਕਿਸ ਹੱਦ ਤਕ ਸਰਵਿਸਿੰਗ ਦੀ ਲੋੜ ਹੈ।
4. ਘੱਟ ਵਿਕਣ ਵਾਲੇ ਬ੍ਰਾਂਡਾਂ ਤੋਂ ਸਾਵਧਾਨ ਰਹੋ
ਘੱਟ ਵਿਕਣ ਵਾਲੇ ਬ੍ਰਾਂਡਾਂ ਦੀਆਂ ਕਾਰਾਂ ਤੋਂ ਦੂਰ ਰਹੋ। ਅਜਿਹੇ ਬ੍ਰਾਂਡ ਕਾਰਾਂ ਦੀ ਵਿਕਰੀ ਬੰਦ ਕਰ ਸਕਦੇ ਹਨ, ਜਿਸ ਨਾਲ ਸਰਵਿਸ ਸੈਂਟਰ ਅਤੇ ਸਪੇਅਰ ਪਾਰਟਸ ਨੂੰ ਲੱਭਣਾ ਚੁਣੌਤੀਪੂਰਨ ਹੋ ਸਕਦਾ ਹੈ। ਇਕ ਮਜ਼ਬੂਤ ਵਿਕਰੀ ਅਤੇ ਸਰਵਿਸ ਨੈੱਟਵਰਕ ਦੇ ਨਾਲ ਚੰਗੀ ਤਰ੍ਹਾਂ ਸਥਾਪਿਤ ਬ੍ਰਾਂਡਾਂ ਦੀ ਚੋਣ ਕਰੋ।
ਇਹ ਵੀ ਪੜ੍ਹੋ– iPhone ਯੂਜ਼ਰਜ਼ ਲਈ WhatsApp ਲਿਆਇਆ ਕਮਾਲ ਦੇ ਫੀਚਰਜ਼, ਚੈਟਿੰਗ ਹੋਵੇਗੀ ਹੋਰ ਵੀ ਮਜ਼ੇਦਾਰ
5. ਡੀਜ਼ਲ ਨਾਲੋਂ ਪੈਟਰੋਲ ਕਾਰਾਂ 'ਤੇ ਵਿਚਾਰ ਕਰੋ
ਵਾਤਾਵਰਣ ਸੰਬੰਧੀ ਚਿੰਤਾਵਾਂ 'ਤੇ ਸਰਕਾਰ ਦੇ ਵੱਧਦੇ ਫੋਕਸ ਦੇ ਮੱਦੇਨਜ਼ਰ, ਡੀਜ਼ਲ ਵਾਹਨਾਂ ਨੂੰ ਭਵਿੱਖ ਵਿੱਚ ਸਖਤ ਨਿਯਮਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਤੋਂ ਇਲਾਵਾ, ਪੁਰਾਣੀਆਂ ਡੀਜ਼ਲ ਕਾਰਾਂ ਦੀ ਪ੍ਰਫਾਰਮੈਂਸ ਸਮੇਂ ਦੇ ਨਾਲ ਘਟਦੀ ਜਾਂਦੀ ਹੈ। ਪੈਟਰੋਲ ਕਾਰਾਂ ਦੀ ਚੋਣ ਕਰੋ ਜੋ ਬਿਹਤਰ ਲੰਬੇ ਸਮੇਂ ਦੀ ਡ੍ਰਾਈਵੇਬਿਲਟੀ ਅਤੇ ਸੰਭਾਵੀ ਤੌਰ 'ਤੇ ਘੱਟ ਰੱਖ-ਰਖਾਅ ਦੇ ਖਰਚਿਆਂ ਦੀ ਪੇਸ਼ਕਸ਼ ਕਰਦੀਆਂ ਹਨ।
ਇਹ ਵੀ ਪੜ੍ਹੋ– ਰੀਲਜ਼ ਬਣਾਉਣ ਦਾ ਅਜੀਬ ਸ਼ੌਂਕ! ਜੋੜੇ ਨੇ iPhone ਖ਼ਰੀਦਣ ਲਈ ਵੇਚ ਦਿੱਤਾ 8 ਮਹੀਨਿਆਂ ਦਾ ਬੱਚਾ
ਡੀਜ਼ਲ ਇੰਜਣ ਕਾਰਾਂ ਖ਼ਰੀਦਣ ਵਾਲਿਆਂ ਲਈ ਬੇਹੱਦ ਅਹਿਮ ਖ਼ਬਰ, ਇਨ੍ਹਾਂ ਗੱਡੀਆਂ ’ਤੇ ਲੱਗ ਸਕਦੀ ਹੈ ਪਾਬੰਦੀ
NEXT STORY 
