ਗੈਜੇਟ ਡੈਸਕ - ਐਪਲ ਨੇ ਲੱਖਾਂ ਆਈਫੋਨ ਉਪਭੋਗਤਾਵਾਂ ਲਈ ਨਵਾਂ iOS 26.6 ਅਪਡੇਟ ਰੋਲ ਆਊਟ ਕੀਤਾ ਹੈ। ਹਾਲਾਂਕਿ ਇਹ ਅਪਡੇਟ ਕੋਈ ਨਵਾਂ ਫੀਚਰ ਨਹੀਂ ਲਿਆਉਂਦਾ, ਇਸ 'ਚ ਕਈ ਮੁੱਖ ਅੱਪਗ੍ਰੇਡ ਸ਼ਾਮਲ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਨਵੇਂ ਅਪਡੇਟ 'ਚ ਬੱਗ ਫਿਕਸ, ਸੁਰੱਖਿਆ ਅਪਡੇਟ ਅਤੇ iOS 27 ਲਈ ਸਪੌਟਲਾਈਟ ਇੰਡੈਕਸ ਨੂੰ ਅਨੁਕੂਲ ਬਣਾਉਣਾ ਸ਼ਾਮਲ ਹੋਵੇਗਾ। ਇਸ ਲਈ, ਸਮਰਥਿਤ ਆਈਫੋਨ ਵਾਲੇ ਉਪਭੋਗਤਾਵਾਂ ਨੂੰ ਇਸ ਅਪਡੇਟ ਨੂੰ ਜਲਦੀ ਤੋਂ ਜਲਦੀ ਇੰਸਟਾਲ ਕਰਨਾ ਚਾਹੀਦਾ ਹੈ।
iOS 26.6 ਅਪਡੇਟ ਦੇ ਨਾਲ ਐਪਲ ਦਾ ਸਭ ਤੋਂ ਵੱਡਾ ਬਦਲਾਅ ਪਿਛੋਕੜ 'ਚ ਹੈ। ਕੰਪਨੀ ਨੇ iOS 27 'ਚ ਆਉਣ ਵਾਲੀਆਂ ਨਵੀਆਂ ਸਪੌਟਲਾਈਟ ਅਤੇ ਸਿਰੀ ਫੀਚਰਜ਼ ਲਈ ਇੱਕ ਸਮਰਪਿਤ ਸਿਸਟਮ ਬਣਾਉਣ ਲਈ ਸਪੌਟਲਾਈਟ ਇੰਡੈਕਸ 'ਚ ਸੁਧਾਰ ਕੀਤਾ ਹੈ। ਹਾਲਾਂਕਿ ਇਸ ਸਮੇਂ ਉਪਭੋਗਤਾਵਾਂ ਨੂੰ ਇਸ ਬਦਲਾਅ ਦਾ ਸਿੱਧਾ ਅਨੁਭਵ ਨਹੀਂ ਹੋਵੇਗਾ, ਪਰ ਇਸਦੇ ਫਾਇਦੇ ਭਵਿੱਖ ਦੇ ਅਪਡੇਟਾਂ 'ਚ ਦੇਖੇ ਜਾ ਸਕਦੇ ਹਨ। ਹਾਲਾਂਕਿ, ਕੰਪਨੀ ਨੇ ਇਸ ਨਵੇਂ ਅਪਡੇਟ 'ਚ ਇਕ ਨਵਾਂ ਨੋਟੀਫਿਕੇਸ਼ਨ ਜੋੜਿਆ ਹੈ। ਜੇਕਰ ਕੋਈ ਉਪਭੋਗਤਾ ਬਲੌਕ ਕੀਤੇ ਸੰਪਰਕਾਂ ਦੀ ਵੱਧ ਤੋਂ ਵੱਧ ਸੀਮਾ ਤੱਕ ਪਹੁੰਚ ਜਾਂਦਾ ਹੈ, ਤਾਂ ਉਸਨੂੰ ਹੁਣ "ਬਲੌਕ ਕੀਤੇ ਸੰਪਰਕਾਂ ਦੀ ਸੀਮਾ ਤੱਕ ਪਹੁੰਚਿਆ" ਚੇਤਾਵਨੀ ਪ੍ਰਾਪਤ ਹੋਵੇਗੀ। ਇਸ ਨਾਲ ਉਪਭੋਗਤਾਵਾਂ ਲਈ ਇਹ ਸਮਝਣਾ ਆਸਾਨ ਹੋ ਜਾਵੇਗਾ ਕਿ ਉਹ ਹੁਣ ਸੰਪਰਕਾਂ ਨੂੰ ਬਲੌਕ ਨਹੀਂ ਕਰ ਸਕਣਗੇ।
ਬੀਟਾ ਟੈਸਟਿੰਗ ਦੌਰਾਨ, ਡਿਵੈਲਪਰਾਂ ਨੇ iOS 26.6 ਦੇ ਕੋਡ 'ਚ ਇਕ ਨਵੀਂ ਐਂਟੀ-ਸੈਨੈਚਿੰਗ ਫੀਚਰ ਦਾ ਸੰਕੇਤ ਵੀ ਲੱਭਿਆ। ਇਸ ਦੌਰਾਨ ਰਿਪੋਰਟਾਂ 'ਚ ਸੁਝਾਅ ਦਿੱਤਾ ਗਿਆ ਹੈ ਕਿ ਇਹ ਫੀਚਰ ਭਵਿੱਖ 'ਚ ਲਾਗੂ ਕੀਤੀ ਜਾਵੇਗੀ ਜੇਕਰ ਕੋਈ ਤੁਹਾਡੇ ਅਨਲੌਕ ਕੀਤੇ ਆਈਫੋਨ ਨੂੰ ਖੋਹ ਕੇ ਭੱਜਣ ਦੀ ਕੋਸ਼ਿਸ਼ ਕਰਦਾ ਹੈ। ਅਜਿਹੀ ਸਥਿਤੀ 'ਚ, ਫ਼ੋਨ ਆਪਣੇ ਆਪ ਲਾਕ ਹੋ ਜਾਵੇਗਾ। ਹਾਲਾਂਕਿ, ਇਹ ਫੀਚਰੀ ਅਜੇ ਤੱਕ ਐਕਟਿਵ ਨਹੀਂ ਕੀਤਾ ਗਿਆ ਹੈ।
ਇੰਸਟਾਲ ਕਰਨ ਦਾ ਤਰੀਕਾ :-
ਜੇਕਰ ਤੁਹਾਡਾ ਆਈਫੋਨ ਇਸ ਅੱਪਡੇਟ ਦਾ ਸਮਰਥਨ ਕਰਦਾ ਹੈ, ਤਾਂ ਇਨ੍ਹਾਂ ਕਦਮਾਂ ਦੀ ਪਾਲਣਾ ਕਰੋ।
ਪਹਿਲਾਂ, ਆਪਣੇ ਫ਼ੋਨ ਦੀ ਸੈਟਿੰਗ ਐਪ ਖੋਲ੍ਹੋ। ਫਿਰ ਜਨਰਲ > ਸਾਫਟਵੇਅਰ ਅੱਪਡੇਟ 'ਤੇ ਜਾਓ। ਜੇਕਰ iOS 26.6 ਉਪਲਬਧ ਦਿਖਾਈ ਦਿੰਦਾ ਹੈ, ਤਾਂ ਡਾਊਨਲੋਡ ਅਤੇ ਇੰਸਟਾਲ ਕਰੋ 'ਤੇ ਟੈਪ ਕਰੋ। ਸਕਰੀਨ 'ਤੇ ਦਿੱਤੀਆਂ ਹਿਦਾਇਤਾਂ ਦੀ ਪਾਲਣਾ ਕਰੋ।
ਪ੍ਰਧਾਨ ਮੰਤਰੀ ਦੀ ਪੋਸਟ ਬਲਾਕ ਕਰਨ 'ਤੇ ਮੈਟਾ ਤਲਬ, ਸਰਕਾਰ ਕੰਪਨੀ ਦੇ ਜਵਾਬ ਤੋਂ ਅਸੰਤੁਸ਼ਟ
NEXT STORY 
