ਗੈਜੇਟ ਡੈਸਕ - ਪਿਛਲੇ ਸਾਲ ਲਾਂਚ ਕੀਤੇ ਗਏ OnePlus ਦੇ ਫਲੈਗਸ਼ਿਪ ਫੋਨ ਦੀ ਕੀਮਤ ਘਟਾ ਦਿੱਤੀ ਗਈ ਹੈ। ਇਹ OnePlus ਫੋਨ ਇਸਦੀ ਲਾਂਚ ਕੀਮਤ ਤੋਂ 15,000 ਰੁਪਏ ਤੱਕ ਘੱਟ ਕੀਮਤ 'ਤੇ ਖਰੀਦਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਫੋਨ ਦੀ ਖਰੀਦ 'ਤੇ ਕੈਸ਼ਬੈਕ ਅਤੇ ਬੈਂਕ ਛੋਟ ਵੀ ਦਿੱਤੀ ਜਾ ਰਹੀ ਹੈ। ਇਹ ਚੀਨੀ ਬ੍ਰਾਂਡ ਫੋਨ Qualcomm Snapdragon 8 Elite ਚਿੱਪਸੈੱਟ ਦੇ ਨਾਲ ਆਉਂਦਾ ਹੈ। ਇਸ ਮਹੀਨੇ ਦੇ ਸ਼ੁਰੂ 'ਚ ਹੋਈ ਐਮਾਜ਼ਾਨ ਪ੍ਰਾਈਮ ਡੇਅ ਸੇਲ ਦੌਰਾਨ ਵੀ ਇਹ ਫੋਨ ਬਹੁਤ ਘੱਟ ਕੀਮਤ 'ਤੇ ਉਪਲਬਧ ਸੀ।
OnePlus 13 ਪਿਛਲੇ ਸਾਲ 72,999 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਸੀ। ਇਹ ਫੋਨ ਇਸ ਵੇਲੇ ਈ-ਕਾਮਰਸ ਵੈੱਬਸਾਈਟ ਐਮਾਜ਼ਾਨ 'ਤੇ 57,999 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਸੂਚੀਬੱਧ ਹੈ। ਇਸ ਤੋਂ ਇਲਾਵਾ, 1,739 ਰੁਪਏ ਦਾ ਕੈਸ਼ਬੈਕ ਦਿੱਤਾ ਜਾ ਰਿਹਾ ਹੈ। ਇਹ OnePlus ਫ਼ੋਨ ਤਿੰਨ ਸਟੋਰੇਜ ਵੇਰੀਐਂਟ 'ਚ ਆਉਂਦਾ ਹੈ: 12GB RAM + 256GB, 16GB RAM + 512GB, ਅਤੇ 24GB RAM + 1TB ਸਟੋਰੇਜ। ਇਸ ਤੋਂ ਇਲਾਵਾ, ਇਸ ਫੋਨ 'ਤੇ 33,050 ਰੁਪਏ ਤੱਕ ਦੀ ਐਕਸਚੇਂਜ ਆਫਰ ਵੀ ਉਪਲਬਧ ਹੈ।
OnePlus 13 'ਚ 6.83-ਇੰਚ ਦੀ ਵੱਡੀ AMOLED ਡਿਸਪਲੇਅ ਹੈ। ਜੋ ਕਿ QHD+ ਰੈਜ਼ੋਲਿਊਸ਼ਨ ਨੂੰ ਸਪੋਰਟ ਕਰਦਾ ਹੈ। ਇਸ ਫੋਨ ਦੀ ਡਿਸਪਲੇਅ 120Hz ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰਦੀ ਹੈ। ਕੰਪਨੀ ਨੇ ਡਿਸਪਲੇਅ ਸੁਰੱਖਿਆ ਲਈ ਸਿਰੇਮਿਕ ਗਾਰਡ ਦਿੱਤਾ ਹੈ। ਇਹ ਫੋਨ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ ਨਾਲ ਲੈਸ ਹੈ। ਇਹ OnePlus ਫੋਨ ਫਲੈਗਸ਼ਿਪ Qualcomm Snapdragon 8 Elite ਚਿੱਪਸੈੱਟ 'ਤੇ ਕੰਮ ਕਰਦੈ, ਜਿਸਦੇ ਨਾਲ 24GB RAM ਅਤੇ 1TB ਸਟੋਰੇਜ ਤੱਕ ਦਾ ਸਪੋਰਟ ਮਿਲੇਗਾ।
ਇਹ OnePlus ਫ਼ੋਨ 6000mAh ਬੈਟਰੀ ਦੁਆਰਾ ਸੰਚਾਲਿਤ ਹੈ ਅਤੇ 100W ਵਾਇਰਡ ਅਤੇ 50W ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਇਸ ਫੋਨ ਦੇ ਪਿਛਲੇ ਪਾਸੇ ਟ੍ਰਿਪਲ ਕੈਮਰਾ ਸੈੱਟਅਪ ਹੈ। ਇਸ ਫੋਨ 'ਚ 50MP ਦਾ ਮੁੱਖ ਵਾਈਡ-ਐਂਗਲ ਕੈਮਰਾ, 50MP ਦਾ ਟੈਲੀਫੋਟੋ ਕੈਮਰਾ, ਅਤੇ ਇੱਕ ਹੋਰ 500MP ਕੈਮਰਾ ਹੈ। ਇਸ ਫੋਨ 'ਚ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 32MP ਕੈਮਰਾ ਹੈ। ਇਹ ਐਂਡਰਾਇਡ 15 'ਤੇ ਆਧਾਰਿਤ OxygenOS 'ਤੇ ਕੰਮ ਕਰਦਾ ਹੈ।
ਆ ਗਿਆ ਸਭ ਤੋਂ ਸਸਤਾ Recharge plan ! ਮਿਲੇਗੀ ਅਨਲਿਮਿਟਿਡ ਕਾਲਿੰਗ, ਡਾਟਾ ਤੇ Free SMS
NEXT STORY 
