ਗੈਜੇਟ ਡੈਸਕ– ਵਨਪਲੱਸ ਦੇ ਸਮਾਰਟਫੋਨ ਯੂਜ਼ਰਜ਼ ਲਈ ਖੁਸ਼ਖਬਰੀ ਹੈ। ਵਨਪਲੱਸ ਦੇ ਫੋਨਜ਼ ’ਚ ਹੁਣ ਜਿਓ ਵਾਈ-ਫਾਈ ਕਾਲਿੰਗ ਸੁਪੋਰਟ ਆ ਗਈ ਹੈ। ਰਿਲਾਇੰਸ ਜਿਓ ਨੇ ਕੁਝ ਸਮਾਂ ਪਹਿਲਾਂ ਆਪਣਾ ਵਾਈ-ਫਾਈ ਕਾਲਿੰਗ ਫੀਚਰ ਪੇਸ਼ ਕੀਤਾ ਸੀ। ਉਦੋਂ ਰਿਲਾਇੰਸ ਜਿਓ ਨੇ ਕਰੀਬ 150 ਸਮਾਰਟਫੋਨਜ਼ ਲਈ ਇਹ ਫੀਚਰ ਰੋਲ ਆਊਟ ਕੀਤਾ ਸੀ। ਇਸ ਵਿਚ ਐਪਲ, ਸੈਮਸੰਗ ਅਤੇ ਸ਼ਾਓਮੀ ਦੇ ਸਮਾਰਟਫੋਨ ਸ਼ਾਮਲ ਸਨ। ਪ੍ਰੀਮੀਅਮ ਸਮਾਰਟਫੋਨ ਨਿਰਮਾਤਾ ਕੰਪਨੀ ਵਨਪਲੱਸ ਦੇ ਸਮਾਰਟਫੋਨਜ਼ ਨੂੰ ਅਜੇ ਤਕ ਜਿਓ ਦੀ ਵਾਈ-ਫਾਈ ਕਾਲਿੰਗ ਸੁਪੋਰਟ ਨਹੀਂ ਮਿਲੀ ਸੀ। ਹਾਲਾਂਕਿ, ਵਨਪਲੱਸ ਦੇ ਸਮਾਰਟਫੋਨ ਏਅਰਟੈੱਲ ਦੀ ਵਾਈ-ਫਾਈ ਕਾਲਿੰਗ ਨੂੰ ਸੁਪੋਰਟ ਕਰਦੇ ਸਨ।
ਹੁਣ ਵਨਪਲੱਸ ਦੇ ਇਨ੍ਹਾਂ ਫੋਨਜ਼ ਨੂੰ ਮਿਲੀ ਜਿਓ ਵਾਈ-ਫਾਈ ਕਾਲਿੰਗ ਸੁਪੋਰਟ
ਵਨਪਲੱਸ ਨੇ ਜਿਓ ਵਾਈ-ਫਾਈ ਕਾਲਿੰਗ ਸੁਪੋਰਟ ਲਈ ਅਪਡੇਟ ਰੋਲ ਆਊਟ ਕੀਤੀ ਹੈ। ਜਿਸ ਤੋਂ ਬਾਅਦ ਵਨਪਲੱਸ 7ਟੀ ਪ੍ਰੋ, 7ਪ੍ਰੋ ਅਤੇ ਵਨਪਲੱਸ 7 ਸਮਾਰਟਫੋਨਜ਼ ਜਿਓ ਦੀ ਇਸ ਸਰਵਿਸ ਨੂੰ ਸੁਪੋਰਟ ਕਰਨਗੇ। ਵਨਪਲੱਸ 7ਟੀ ਪ੍ਰੋ, ਵਨਪਲੱਸ 7 ਪ੍ਰੋ ਅਤੇ ਵਨਪਲੱਸ 7 ਨੂੰ ਆਕਸੀਜਨ ਓ.ਐੱਸ. ਅਪਡੇਟ ਮਿਲਣੀ ਸ਼ੁਰੂ ਹੋ ਗਈ ਹੈ, ਜੋ ਕਿ ਜਨਵਰੀ 2020 ਐਂਡਰਾਇਡ ਸਕਿਓਰਿਟੀ ਪੈਚ ਲੈ ਕੇ ਆਈ ਹੈ। ਇਹ ਨਵੀਂ ਅਪਡੇਟ ਜਿਓ ਵਾਈ-ਫਾਈ ਕਾਲਿੰਗ ਸੁਪੋਰਟ ਲੈ ਕੇ ਆਈ ਹੈ।
ਕੀ ਹੈ ਜਿਓ ਦੀ ਵਾਈ-ਫਾਈ ਕਾਲਿੰਗ ਸਰਵਿਸ
ਜਿਓ ਦੀ ਇਸ ਸਰਵਿਸ ਦੀ ਮਦਦ ਨਾਲ ਬਿਨਾਂ ਟੈਲੀਕਾਮ ਨੈੱਟਵਰਕ ਦੇ ਵੀ ਵਾਈ-ਫਾਈ ਦੀ ਮਦਦ ਨਾਲ ਵੀਡੀਓ ਅਤੇ ਵਾਇਸ ਕਾਲਸ ਕੀਤੀ ਜਾ ਸਕੇਗੀ। ਗਾਹਕਾਂ ਨੂੰ ਇਸ ਸਰਵਿਸ ਲਈ ਅਲੱਗ ਤੋਂ ਕੋਈ ਪੇਮੈਂਟ ਨਹੀਂ ਕਰਨੀ ਹੋਵੇਗੀ। ਜੇਕਰ ਤੁਹਾਡੇ ਕੋਲ ਪ੍ਰੀਮੀਅਮ ਸਮਾਰਟਫੋਨ ਹੈ ਤਾਂ ਕੁਝ ਸੈਟਿੰਗਸ ’ਚ ਬਦਲਾਅ ਕਰਕੇ ਤੁਸੀਂ ਵਾਈ-ਫਾਈ ਕਾਲਿੰਗ ਕਰ ਸਕੋਗੇ। ਜਿਓ ਨੈੱਟਵਰਕ ਨਾਲ ਵਾਈ-ਫਾਈ ਕਾਲਿੰਗ ਲਈ ਕਿਸੇ ਵੀ ਵਾਈ-ਫਾਈ ਨੈੱਟਵਰਕ ਦੀ ਮਦਦ ਲਈ ਜਾ ਸਕੇਗੀ। ਜਿਓ ਦਾ ਕਹਿਣਾ ਹੈ ਕਿ ਵੀਡੀਓ ਅਤੇ ਵਾਇਸ ਕਾਲ ਦੌਰਾਨ ਗਾਹਕ vOLTE ਅਤੇ ਵਾਈ-ਫਾਈ ਵਿਚਕਾਰ ਆਸਾਨੀ ਨਾਲ ਸਵਿੱਚ ਕਰ ਸਕਣਗੇ। ਇਸ ਤਰ੍ਹਾਂ ਬਿਹਤਰ ਕਾਲਿੰਗ ਐਕਸਪੀਰੀਅੰਸ ਯੂਜ਼ਰਜ਼ ਨੂੰ ਮਿਲੇਗਾ।
Apple Watch ਨੇ ਬਚਾਈ 13 ਸਾਲਾ ਬੱਚੇ ਦੀ ਜਾਨ, ਹਾਰਟ ਬੀਟ ਵਧਣ ’ਤੇ ਮਾਂ ਨੂੰ ਮਿਲੀ ਨੋਟੀਫਿਕੇਸ਼ਨ
NEXT STORY 
