ਗੈਜੇਟ ਡੈਸਕ—ਵਨਪਲੱਸ ਨੇ ਭਾਰਤ 'ਚ ਦੋ ਨਵੇਂ ਪ੍ਰੋਡਕਟ ਪੇਸ਼ ਕੀਤੇ ਹਨ ਜਿਨ੍ਹਾਂ 'ਚ ਵਨਪਲੱਸ ਨੋਰਡ ਅਤੇ ਵਨਪਲੱਸ ਬਡਸ ਸ਼ਾਮਲ ਹਨ। ਵਨਪਲੱਸ ਨੋਰਡ ਦੀ ਸ਼ੁਰੂਆਤੀ ਕੀਮਤ ਜਿਥੇ 24,999 ਰੁਪਏ ਹੈ, ਉੱਥੇ ਵਨਪਲੱਸ ਬਡਸ ਦੀ ਕੀਮਤ 4,990 ਰੁਪਏ ਹੈ। ਵਨਪਲੱਸ ਬਡਸ ਕੰਪਨੀ ਦਾ ਪਹਿਲਾ ਟਰੂ ਵਾਇਰਲੈਸ ਈਅਰਫੋਨ ਹੈ। ਵਨਪਲੱਸ ਬਡਸ 3 ਕਲਰ ਵੇਰੀਐਂਟ ਵ੍ਹਾਈਟ, ਗ੍ਰੇਅ ਅਤੇ ਬਲੂ 'ਚ ਮਿਲੇਗਾ, ਹਾਲਾਂਕਿ ਇਸ ਦੀ ਉਪਲੱਬਧਤਾ ਦੇ ਬਾਰੇ 'ਚ ਕੰਪਨੀ ਨੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।
ਸਪੈਸੀਫਿਕੇਸ਼ਨਸ
ਵਨਪਲੱਸ ਦੇ ਇਸ ਬਡਸ ਦਾ ਡਿਜ਼ਾਈਨ ਆਊਟਰ ਈਅਰ ਹੈ। ਕਾਫੀ ਹੱਦ ਤੱਕ ਇਹ ਬਡਸ ਐਪਲ ਦੇ ਏਅਰਪਾਡਸ ਵਰਗੇ ਹੀ ਹਨ ਪਰ ਕੀਮਤ ਦੇ ਮਾਮਲੇ 'ਚ ਕਾਫੀ ਘੱਟ ਹੈ। ਬਡਸ ਦੇ ਨਾਲ ਮਿਲਣ ਵਾਲੇ ਚਾਰਜਿੰਗ ਕੇਸ 'ਚ ਯੂ.ਐੱਸ.ਬੀ. ਟਾਈਪ-ਸੀ ਪੋਰਟ ਦਿੱਤਾ ਗਿਆ ਹੈ। ਚਾਰਜਿੰਗ ਕੇਸ 'ਚ ਰੈਪ (Warp) ਫਾਸਟ ਚਾਰਜਿੰਗ ਦਾ ਸਪੋਰਟ ਦਿੱਤਾ ਗਿਆ ਹੈ। ਹਰੇਕ ਬਡਸ ਦਾ ਵਜ਼ਨ 4.6 ਗ੍ਰਾਮ ਹੈ, ਉੱਥੇ ਚਾਰਜਿੰਗ ਕੇਸ ਦਾ ਵਜ਼ਨ 36 ਗ੍ਰਾਮ ਹੈ। ਕੰਪਨੀ ਨੇ ਚਾਰਜਿੰਗ ਕੇਸ ਦੀ ਬੈਟਰੀ ਨੂੰ ਲੈ ਕੇ ਕਿਹਾ ਕਿ ਸਿਰਫ 10 ਮਿੰਟ ਦੀ ਚਾਰਜਿੰਗ 'ਚ ਤੁਹਾਨੂੰ 10 ਘੰਟੇ ਤੱਕ ਦਾ ਬੈਕਅਪ ਮਿਲ ਜਾਵੇਗਾ।
ਉੱਥੇ ਫੁਲ ਚਾਰਜਿੰਗ ਤੋਂ ਬਾਅਦ 30 ਘੰਟੇ ਤੱਕ ਦੇ ਬੈਕਅਪ ਦਾ ਦਾਅਵ ਹੈ। ਮਿਊਜ਼ਿਕ ਪਲੇਅ-ਬੈਕ ਦਾ ਸਮਾਂ ਸੱਤ ਘੰਟੇ ਦਾ ਹੈ। ਬਡਸ 'ਚ ਟੱਚ ਕੰਟਰੋਲ ਦਿੱਤਾ ਗਿਆ ਹੈ ਜਿਸ ਦੀ ਮਦਦ ਨਾਲ ਮਿਊਜ਼ਿਕ ਪਲੇਅਬੈਕ, ਕਾਲਸ ਅਤੇ ਵੁਆਇਸ ਅਸਿਸਟੈਂਟ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਜੇਕਰ ਤੁਸੀਂ ਇਸ ਬਡਸ ਨੂੰ ਵਨਪਲੱਸ ਦੇ ਫੋਨ ਨਾਲ ਇਸਤੇਮਾਲ ਕਰਦੇ ਹੋ ਤਾਂ ਤੁਹਾਨੂੰ ਲੋ ਲੈਟੇਸੀ ਆਡੀਓ ਮੋਡ ਮਿਲੇਗਾ ਜੋ ਕੇ ਗੇਮਿੰਗਾ ਦੌਰਾਨ ਕੰਮ ਕਰੇਗਾ।
JioMart App ਹੋਇਆ ਲਾਂਚ, ਘਕ ਬੈਠੇ ਮੰਗਵਾਓ ਹਰੇਕ ਤਰ੍ਹਾਂ ਦਾ ਕਰਿਆਣਾ ਸਾਮਾਨ
NEXT STORY