ਗੈਜੇਟ ਡੈਸਕ– ਓਪੋ ਇੰਡੀਆ ਨੇ ਇਸੇ ਹਫਤੇ ਦੀ ਸ਼ੁਰੂਆਤ ’ਚ OPPO F21 Pro ਅਤੇ OPPO F21 Pro 5G ਨੂੰ ਭਾਰਤ ’ਚ ਲਾਂਚ ਕੀਤਾ ਹੈ। ਓਪੋ ਨੇ ਇਨ੍ਹਾਂ ਦੋਵਾਂ ਫੋਨਾਂ ਨੂੰ ਤਿੰਨ ਰੀਅਰ ਕੈਮਰੇ ਨਾਲ ਲਾਂਚ ਕੀਤਾ ਹੈ। ਦੋਵਾਂ ਫੋਨਾਂ ’ਚ 8 ਜੀ.ਬੀ. ਤਕ ਰੈਮ ਵੀ ਹੈ। OPPO F21 Pro ਅਤੇ OPPO F21 Pro 5G ਦੋਵਾਂ ਫੋਨਾਂ ਦੇ ਬੈਕ ਪੈਨਲ ’ਤੇ ਆਰਬਿਟ ਲਾਈਟ ਦਿੱਤੀ ਗਈ ਹੈ ਜੋ ਕਿ ਨੋਟੀਫਿਕੇਸ਼ਨ ਲਾਈਟ ਦਾ ਵੀ ਕੰਮ ਕਰਦੀ ਹੈ ਅਤੇ ਜਦੋਂ ਕੈਮਰਾ ਆਨ ਹੁੰਦਾ ਹੈ ਤਾਂ ਉਸ ਦੌਰਾਨ ਵੀ ਇਹ ਲਾਈਟ ਜਗਦੀ ਹੈ। ਇਨ੍ਹਾਂ ’ਚੋਂ OPPO F21 Pro ਦੀ ਅੱਜ ਯਾਨੀ 15 ਅਪ੍ਰੈਲ ਨੂੰ ਪਹਿਲੀ ਸੇਲ ਹੈ। OPPO F21 Pro ’ਚ 90Hz ਦੀ ਡਿਸਪਲੇਅ ਹੈ ਅਤੇ ਇਸ ਵਿਚ ਸਨੈਪਡ੍ਰੈਗਨ 680 ਪ੍ਰੋਸੈਸਰ ਹੈ। ਆਓ ਜਾਣਦੇ ਹਾਂ OPPO F21 Pro ਦੀ ਕੀਮਤ ਅਤੇ ਫੀਚਰਜ਼
OPPO F21 Pro ਦੀ ਕੀਮਤ
OPPO F21 Pro ਦੇ 8 ਜੀ.ਬੀ. ਰੈਮ ਦੇ ਨਾਲ 128 ਜੀ.ਬੀ. ਸਟੋਰੇਜ ਵਾਲੇ ਮਾਡਲ ਦੀ ਕੀਮਤ 22,999 ਰੁਪਏ ਹੈ। ਫੋਨ ਨੂੰ ਅੱਜ ਤੋਂ ਤਮਾਮ ਆਨਲਾਈਨ ਅਤੇ ਆਫਲਾਈਨ ਸਟੋਰਾਂ ਤੋਂ ਖਰੀਦਿਆ ਜਾ ਸਕੇਗਾ। ਸਨਸੈੱਟ ਓਰੇਂਜ ਦੇ ਨਾਲ ਫਾਈਬਰ ਗਲਾਸ ਲੈਦਰ ਡਿਜ਼ਾਇਨ ਹੈ ਜਿਸ ’ਤੇ ਲਿਚੀ ਗ੍ਰੇਨ ਟੈਕਸਟਰ ਹੈ।
OPPO F21 Pro ਦੇ ਫੀਚਰਜ਼
OPPO F21 Pro ’ਚ ਐਂਡਰਾਇਡ 12 ਆਧਾਰਿਤ ColorOS 12.1 ਹੈ। OPPO F21 Pro ’ਚ 6.4 ਇੰਚ ਦੀ ਫੁਲ ਐੱਚ.ਡੀ. ਪਲੱਸ ਅਮੋਲੇਡ ਡਿਸਪਲੇਅ ਹੈ ਜਿਸਦਾ ਰੈਜ਼ੋਲਿਊਸ਼ਨ 1080X2400 ਪਿਕਸਲ ਹੈ। ਡਿਸਪਲੇਅ ਦਾ ਰਿਫ੍ਰੈਸ਼ ਰੇਟ 90Hz ਅਤੇ ਟੱਚ ਸੈਂਪਲਿੰਗ ਰੇਟ 180Hz ਹੈ। ਫੋਨ ’ਚ ਸਨੈਪਡ੍ਰੈਗਨ 680 ਪ੍ਰੋਸੈਸਰ ਅਤੇ 8 ਜੀ.ਬੀ. LPDDR4x ਰੈਮ ਹੈ। ਇਸ ਵਿਚ 128 ਜੀ.ਬੀ. ਤਕ ਦੀ ਸਟੋਰੇਜ ਹੈ।
ਓਪੋ ਦੇ ਇਸ ਫੋਨ ’ਚ ਤਿੰਨ ਰੀਅਰ ਕੈਮਰੇ ਹਨ ਜਿਨ੍ਹਾਂ ’ਚ ਪ੍ਰਾਈਮਰੀ ਲੈੱਨਜ਼ 64 ਮੈਗਾਪਿਕਸਲ ਦਾ ਹੈ। ਦੂਜਾ ਲੈੱਨਜ਼ 2 ਮੈਗਾਪਿਕਸਲ ਦਾ ਹੈ। ਤੀਜਾ ਲੈੱਨਜ਼ 2 ਮੈਗਾਪਿਕਸਲ ਦਾ ਮੋਨੋਕ੍ਰੋਮ ਲੈੱਨਜ਼ ਹੈ ਫੋਨ ’ਚ 32 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੈ।
OPPO F21 Pro ’ਚ ਕੁਨੈਕਟੀਵਿਟੀ ਲਈ 4G LTE, ਵਾਈ-ਫਾਈ, ਬਲੂਟੁੱਥ V5.1, 3.5mm ਦਾ ਹੈੱਡਫੋਨ ਜੈੱਕ ਅਤੇ ਯੂ.ਐੱਸ.ਬੀ. ਟਾਈਪ-ਸੀ ਪੋਰਟ ਹੈ। ਫੋਨ ’ਚ ਇੰਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ ਹੈ। OPPO F21 Pro ’ਚ 4500mAh ਦੀ ਬੈਟਰੀ ਹੈ ਜਿਸਦੇ ਨਾਲ 33 ਵਾਟ ਦੀ ਸੁਪਰ ਵੂਕ ਫਾਸਟ ਚਾਰਜਿੰਗ ਹੈ।
ਸਰਕਾਰੀ ਤੇਲ ਕੰਪਨੀ OIL 'ਤੇ ਹੋਇਆ ਸਾਈਬਰ ਹਮਲਾ, 57 ਕਰੋੜ ਰੁਪਏ ਦੀ ਮੰਗੀ ਫਿਰੌਤੀ
NEXT STORY 
