ਗੈਜੇਟ ਡੈਸਕ- ਐਪਲ ਨੇ ਪਿਛਲੇ ਹਫ਼ਤੇ ਭਾਰਤ ਸਮੇਤ ਗਲੋਬਲ ਬਾਜ਼ਾਰਾਂ 'ਚ ਆਈਫੋਨ 18 ਪ੍ਰੋ ਅਤੇ 18 ਪ੍ਰੋ ਮੈਕਸ ਲਾਂਚ ਕੀਤੇ ਸਨ ਅਤੇ ਵਿਕਰੀ ਅੱਜ ਅਧਿਕਾਰਤ ਤੌਰ 'ਤੇ ਸ਼ੁਰੂ ਹੋਈ ਸੀ। ਇਸ ਦੀ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਆਈਫੋਨ 18 ਪ੍ਰੋ ਨੂੰ ਤੁਰੰਤ ਖਰੀਦਿਆ ਜਾ ਸਕਦਾ ਹੈ ਅਤੇ ਤੁਹਾਡੇ ਘਰ ਦੇ ਦਰਵਾਜ਼ੇ 'ਤੇ ਡਿਲੀਵਰ ਕੀਤਾ ਜਾ ਸਕਦਾ ਹੈ, ਕਿਉਂਕਿ ਇਹ ਹੁਣ ਇੰਸਟੈਂਟ ਕਾਮਰਸ ਸਾਈਟ ਬਲਿੰਕਿਟ 'ਤੇ ਉਪਲਬਧ ਹੈ। ਆਈਫੋਨ 18 ਪ੍ਰੋ 'ਚ ਐਪਲ ਏ20 ਪ੍ਰੋ ਚਿੱਪਸੈੱਟ ਅਤੇ ਕੰਪਨੀ ਦਾ ਇਨ-ਹਾਊਸ ਸੀ2 ਮੋਡਮ ਹੈ। ਇੱਥੇ, ਅਸੀਂ ਤੁਹਾਨੂੰ ਆਈਫੋਨ 18 ਪ੍ਰੋ ਬਾਰੇ ਵਿਸਥਾਰ 'ਚ ਦੱਸਣ ਜਾ ਰਹੇ ਹਾਂ।
ਆਈਫੋਨ 18 ਪ੍ਰੋ ਹੁਣ ਕੁਇੱਕ ਕਾਮਰਸ ਪਲੇਟਫਾਰਮ ਬਲਿੰਕਿਟ 'ਤੇ ਚਾਰੋਂ ਰੰਗਾਂ 'ਚ ਉਪਲਬਧ ਹੈ। ਆਈਫੋਨ 18 ਪ੍ਰੋ ਮੈਕਸ, ਐਪਲ ਵਾਚ ਐਸ 12 ਅਤੇ ਏਅਰਪੌਡਸ 5 ਜਲਦੀ ਹੀ ਉਪਲਬਧ ਹੋਣਗੇ। ਗਾਹਕ ਇਸ ਨੂੰ ਦਿੱਲੀ-ਐਨਸੀਆਰ, ਮੁੰਬਈ, ਬੰਗਲੁਰੂ, ਹੈਦਰਾਬਾਦ, ਚੇਨਈ, ਪੁਣੇ, ਕੋਲਕਾਤਾ, ਅਹਿਮਦਾਬਾਦ, ਜੈਪੁਰ ਅਤੇ ਲਖਨਊ 'ਚ ਖਰੀਦ ਸਕਦੇ ਹਨ।
ਬਲਿੰਕਿਟ ਦੇ ਸੰਸਥਾਪਕ ਅਲਬਿੰਦਰ ਢੀਂਡਸਾ ਨੇ X 'ਤੇ ਇਕ ਪੋਸਟ 'ਚ ਸਾਂਝਾ ਕੀਤਾ ਕਿ ਆਈਫੋਨ 18 ਪ੍ਰੋ ਹੁਣ ਨਵੇਂ ਆਈਫੋਨ 18 ਪ੍ਰੋ ਮੈਕਸ, ਐਪਲ ਵਾਚ S12 ਅਤੇ ਏਅਰਪੌਡਸ 5 ਦੇ ਨਾਲ ਉਪਲਬਧ ਹੈ। ਅਸੀਂ @Apple ਨਾਲ ਭਾਈਵਾਲੀ ਕੀਤੀ ਹੈ ਅਤੇ ਲਾਂਚ ਵਾਲੇ ਦਿਨ ਦਿੱਲੀ-ਐਨਸੀਆਰ, ਮੁੰਬਈ, ਬੈਂਗਲੁਰੂ, ਹੈਦਰਾਬਾਦ, ਚੇਨਈ, ਪੁਣੇ, ਕੋਲਕਾਤਾ, ਅਹਿਮਦਾਬਾਦ, ਜੈਪੁਰ ਅਤੇ ਲਖਨਊ 'ਚ ਬਲਿੰਕਿਟ ਗਾਹਕਾਂ ਨੂੰ ਉਨ੍ਹਾਂ ਦੇ ਲੇਟੈਸਟ ਉਤਪਾਦ ਪ੍ਰਦਾਨ ਕਰ ਰਹੇ ਹਾਂ! ਬਲਿੰਕਿਟ ਤੋਂ ਆਈਫੋਨ 18 ਪ੍ਰੋ ਖਰੀਦਣ ਵਾਲੇ ਗਾਹਕਾਂ ਨੂੰ ਚੋਣਵੇਂ ਕ੍ਰੈਡਿਟ ਕਾਰਡਾਂ 'ਤੇ ਛੋਟ ਮਿਲੇਗੀ। ਇਸ ਤੋਂ ਇਲਾਵਾ, EMI ਵਿਕਲਪ ਬਿਨਾਂ ਕਿਸੇ ਵਾਧੂ ਕੀਮਤ ਦੇ ਉਪਲਬਧ ਹਨ।
ਆਈਫੋਨ 18 ਪ੍ਰੋ 'ਚ 6.3-ਇੰਚ ਸੁਪਰ ਰੈਟੀਨਾ XDR OLED ਡਿਸਪਲੇਅ ਹੈ ਜਿਸਦਾ ਰੈਜ਼ੋਲਿਊਸ਼ਨ 1320×2868 ਪਿਕਸਲ, 1,600 ਨਿਟਸ ਦੀ ਪੀਕ ਬ੍ਰਾਈਟਨੈੱਸ, ਅਤੇ 120Hz ਦੀ ਰਿਫਰੈਸ਼ ਰੇਟ ਹੈ। ਇਹ ਐਪਲ ਏ20 ਪ੍ਰੋ ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਹੈ। ਇਹ ਆਈਫੋਨ iOS 27 ਓਪਰੇਟਿੰਗ ਸਿਸਟਮ 'ਤੇ ਚੱਲਦਾ ਹੈ।
ਕੈਮਰਾ ਸੈੱਟਅਪ ਦੀ ਗੱਲ ਕਰੀਏ ਤਾਂ, 18 ਪ੍ਰੋ 'ਚ ਵੇਰੀਏਬਲ ਅਪਰਚਰ ਵਾਲਾ 48-ਮੈਗਾਪਿਕਸਲ ਫਿਊਜ਼ਨ ਪ੍ਰਾਇਮਰੀ ਕੈਮਰਾ, ਇਕ 48-ਮੈਗਾਪਿਕਸਲ ਅਲਟਰਾ-ਵਾਈਡ ਕੈਮਰਾ ਅਤੇ ਪਿਛਲੇ ਪਾਸੇ ਇਕ 48-ਮੈਗਾਪਿਕਸਲ ਟੈਲੀਫੋਟੋ ਕੈਮਰਾ ਹੈ। ਸੈਲਫੀ ਅਤੇ ਵੀਡੀਓ ਕਾਲਾਂ ਲਈ 18-ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। 18 ਪ੍ਰੋ ਇਕ ਵਾਰ ਚਾਰਜ ਕਰਨ 'ਤੇ 36 ਘੰਟੇ ਤੱਕ ਦਾ ਵੀਡੀਓ ਪਲੇਬੈਕ ਅਤੇ ਇੱਕ ਵਾਰ ਚਾਰਜ ਕਰਨ 'ਤੇ 24 ਘੰਟੇ ਦੀ ਬੈਟਰੀ ਲਾਈਫ ਦੀ ਪੇਸ਼ਕਸ਼ ਕਰਦਾ ਹੈ।
6000mAh ਦੀ ਬੈਟਰੀ ਨਾਲ ਲਾਵਾ ਨੇ ਲਾਂਚ ਕਰ'ਤਾ ਬਜਟ ਫ੍ਰੈਂਡਲੀ ਫੋਨ! ਜਾਣੋ ਕੀਮਤ
NEXT STORY 
