ਗੈਜੇਟ ਡੈਸਕ - ਭਾਰਤ 'ਚ ਜਲਦ ਹੀ Redmi ਦਾ 17C 5G ਸਮਾਰਟਫੋਨ ਲਾਂਚ ਹੋਣ ਜਾ ਰਿਹਾ ਹੈ। ਇਸਨੂੰ ਕੰਪਨੀ ਦੇ Redmi 17 ਲਾਈਨਅੱਪ ਦੇ ਹਿੱਸੇ ਵਜੋਂ ਲਾਂਚ ਕੀਤਾ ਜਾਵੇਗਾ। ਕੰਪਨੀ ਪਹਿਲਾਂ ਹੀ Redmi 17 5G ਲਾਂਚ ਕਰ ਚੁੱਕੀ ਹੈ। ਫੋਨ ਦੇ ਭਾਰਤ ਲਾਂਚ ਦੀ ਪੁਸ਼ਟੀ ਕਰਦੇ ਹੋਏ, Xiaomi ਦੇ ਸਬ-ਬ੍ਰਾਂਡ, Redmi ਨੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਕੁਝ ਝਲਕੀਆਂ ਸਾਂਝੀਆਂ ਕੀਤੀਆਂ। ਇਹ Redmi ਫੋਨ ਅਗਸਤ 'ਚ ਵਿਸ਼ਵ ਪੱਧਰ 'ਤੇ ਲਾਂਚ ਕੀਤੇ ਗਏ ਸਮਾਰਟਫੋਨ ਵਰਗਾ ਹੀ ਹੋਵੇਗਾ। ਇਸ ਫੋਨ ਦੇ ਭਾਰਤ ਲਾਂਚ ਦੇ ਨਾਲ, Redmi 17C 5G ਦੇ ਰੰਗ ਵਿਕਲਪਾਂ ਬਾਰੇ ਵੇਰਵੇ ਵੀ ਸਾਂਝੇ ਕੀਤੇ ਗਏ ਹਨ।
ਇਸ ਦੌਰਾਨ Xiaomi ਨੇ ਐਲਾਨ ਕੀਤਾ ਹੈ ਕਿ Redmi 17C 5G ਸਮਾਰਟਫੋਨ 1 ਅਕਤੂਬਰ ਨੂੰ ਲਾਂਚ ਕੀਤਾ ਜਾਵੇਗਾ। ਕੰਪਨੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਸਮਾਰਟਫੋਨ ਦੇ ਭਾਰਤ ਲਾਂਚ ਬਾਰੇ ਇਕ ਪੋਸਟ ਸਾਂਝੀ ਕੀਤੀ, ਜਿਸਦੀ ਟੈਗਲਾਈਨ "MainCharacterEnergy" ਹੈ। ਪੋਸਟ ਆਉਣ ਵਾਲੇ ਸਮਾਰਟਫੋਨ ਦੇ ਪਿਛਲੇ ਪੈਨਲ ਦੇ ਡਿਜ਼ਾਈਨ ਦਾ ਵੀ ਖੁਲਾਸਾ ਕਰਦੀ ਹੈ। Redmi 17C 5G ਸਮਾਰਟਫੋਨ 'ਚ ਇਕ ਆਇਤਾਕਾਰ ਕੈਮਰਾ ਮੋਡੀਊਲ ਹੋਵੇਗਾ। ਕੈਮਰਾ ਮੋਡੀਊਲ ਫੋਨ ਦੇ ਉੱਪਰ-ਖੱਬੇ ਕੋਨੇ 'ਚ ਰੱਖਿਆ ਜਾਵੇਗਾ। ਇਸ ਫੋਨ 'ਚ ਦੋ ਵਰਟੀਕਲ ਅਰੇਂਜਡ ਕੈਮਰਾ ਲੈਂਸ ਹੋਣਗੇ, ਨਾਲ ਹੀ ਇਕ LED ਫਲੈਸ਼ਲਾਈਟ ਵੀ ਹੋਵੇਗੀ। ਇਹ Redmi-ਬ੍ਰਾਂਡ ਵਾਲਾ ਫੋਨ ਤਿੰਨ ਰੰਗਾਂ ਦੇ ਵਿਕਲਪਾਂ 'ਚ ਲਾਂਚ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, ਫੋਨ ਦੇ ਸਾਹਮਣੇ ਇੱਕ ਵਾਟਰਡ੍ਰੌਪ-ਸਟਾਈਲ ਨੌਚ ਦਿਖਾਈ ਦੇਵੇਗਾ।
ਹਾਲਾਂਕਿ ਕੰਪਨੀ ਨੇ ਅਗਸਤ 'ਚ ਸਿੰਗਾਪੁਰ 'ਚ Redmi 17C 5G ਸਮਾਰਟਫੋਨ ਲਾਂਚ ਕੀਤਾ ਸੀ। ਇਹ ਫੋਨ 4GB RAM ਅਤੇ 128GB ਸਟੋਰੇਜ ਦੇ ਨਾਲ SGD 279 (ਲਗਭਗ 20,900 ਰੁਪਏ) ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ। ਇਹ ਫੋਨ ਕਾਲੇ, ਭੂਰੇ ਅਤੇ ਜਾਮਨੀ ਰੰਗਾਂ ਵਿੱਚ ਲਾਂਚ ਕੀਤਾ ਗਿਆ ਹੈ। Redmi 17C 5G ਸਮਾਰਟਫੋਨ 'ਚ 6.9-ਇੰਚ HD+ ਡਿਸਪਲੇਅ ਹੈ। ਇਸਦਾ ਰਿਫਰੈਸ਼ ਰੇਟ 120Hz ਅਤੇ ਚਮਕ 810 nits ਹੈ। ਇਹ Redmi ਫ਼ੋਨ 6nm MediaTek Dimensity 6300 ਚਿੱਪਸੈੱਟ, 4GB RAM, ਅਤੇ 128GB ਤੱਕ ਸਟੋਰੇਜ ਦੇ ਨਾਲ ਆਉਂਦਾ ਹੈ। ਫੋਨ 'ਚ ਸਟੋਰੇਜ ਵਧਾਉਣ ਲਈ ਇੱਕ ਮਾਈਕ੍ਰੋਐਸਡੀ ਕਾਰਡ ਸਲਾਟ ਵੀ ਹੈ।
ਫੋਟੋਗ੍ਰਾਫੀ ਦੇ ਮਾਮਲੇ 'ਚ, Redmi 17C 5G 'ਚ f/1.8 ਅਪਰਚਰ ਵਾਲਾ 50-ਮੈਗਾਪਿਕਸਲ ਦਾ ਰੀਅਰ ਕੈਮਰਾ ਹੈ। ਇਸ ਫੋਨ 'ਚ 8-ਮੈਗਾਪਿਕਸਲ ਦਾ ਫਰੰਟ-ਫੇਸਿੰਗ ਕੈਮਰਾ ਹੈ। ਇਸ Redmi ਫੋਨ 'ਚ 6,000mAh ਬੈਟਰੀ ਹੈ ਅਤੇ ਇਹ 33W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਇਸ ਤੋਂ ਇਲਾਵਾ, ਇਹ ਫ਼ੋਨ IP64 ਰੇਟਿੰਗ ਦੇ ਨਾਲ ਆਉਂਦਾ ਹੈ। ਇਹ ਫੋਨ ਧੂੜ ਅਤੇ ਪਾਣੀ ਰੋਧਕ ਹੈ। Redmi 17C 5G ਦੇ ਭਾਰਤੀ ਬਾਜ਼ਾਰ ਵਿੱਚ 1 ਅਕਤੂਬਰ ਨੂੰ ਉਨ੍ਹਾਂ ਹੀ ਵਿਸ਼ੇਸ਼ਤਾਵਾਂ ਦੇ ਨਾਲ ਲਾਂਚ ਹੋਣ ਦੀ ਉਮੀਦ ਹੈ।
6000mAh ਬੈਟਰੀ ਆਲਾ ਫੋਨ ਮਿਲ ਰਿਹਾ 9,000 ਰੁਪਏ ਤੋਂ ਵੀ ਘੱਟ ਕੀਮਤ 'ਤੇ, ਜਾਣੋ ਸਕੀਮ
NEXT STORY 
