ਜਲੰਧਰ- ਲਗਜ਼ਰੀ ਕਾਰ ਨਿਰਮਾਤਾ ਜਾਪਾਨੀ ਕੰਪਨੀ ਟੋਯੋਟਾ ਮੋਟਰ ਕਾਰਪ ਏਅਰਬੈਗ ਦੀ ਖਰਾਬੀ ਦੇ ਕਾਰਨ ਆਪਣੇ 29 ਲੱਖ ਵਾਹਨਾਂ ਨੂੰ ਰੀ-ਕਾਲ ਕਰ ਰਹੀ ਹੈ। ਟੋਯੋਟਾ ਨੇ ਦੱਸਿਆ ਕਿ ਇਨ੍ਹਾਂ 29 ਲੱਖ ਵਾਹਨਾਂ 'ਚੋਂ 11.60 ਲੱਖ ਓਸ਼ਨੀਆ ਖੇਤਰ ਤੇ ਪੱਛਮ ਏਸ਼ੀਆ ਅਤੇ ਲਗਭਗ 7.5 ਲੱਖ ਵਾਹਨ ਜਾਪਾਨ 'ਚ ਵਿਕੇ ਹਨ। ਹਾਲਾਂਕਿ, ਉੱਤਰੀ ਅਮਰੀਕਾ 'ਚ ਵਿਕੇ ਵਾਹਨਾਂ ਨੂੰ ਕੰਪਨੀ ਨੇ ਵਾਪਸ ਨਹੀਂ ਮੰਗਵਾਇਆ ਹੈ।
ਕੰਪਨੀ ਨੇ ਦੱਸਿਆ ਕਿ ਉਹ ਏਅਰਬੈਗ ਦੀ ਖਰਾਬੀ ਦੇ ਕਾਰਨ ਜਾਪਾਨ, ਚੀਨ ਅਤੇ ਹੋਰ ਖੇਤਰਾਂ 'ਚ ਵਿਕੇ ਆਪਣੇ 29 ਲੱਖ ਵਾਹਨਾਂ ਨੂੰ ਰੀ-ਕਾਲ ਕਰ ਰਹੀ ਹੈ। ਕੰਪਨੀ ਵੱਲੋਂ ਵਾਪਸ ਮੰਗਵਾਏ ਜਾਣ ਵਾਲੇ ਵਾਹਨਾਂ 'ਚ ਕੋਰੋਲਾ ਐਕਸਿਓ ਸੇਡਾਨ ਅਤੇ ਆਰ. ਏ. ਵੀ.-4 ਐੱਸ. ਯੂ. ਵੀ. ਕ੍ਰਾਸਓਵਰ ਵੀ ਸ਼ਾਮਲ ਹਨ। ਟੋਯੋਟਾ ਦੇ ਇਨ੍ਹਾਂ ਵਾਹਨਾਂ 'ਚ ਟਕਾਟਾ ਕਾਰਪ ਦੇ ਏਅਰਬੈਗ ਲਾਏ ਗਏ ਸਨ ਅਤੇ ਟਕਾਟਾ ਦੇ ਏਅਰਬੈਗ ਆਪਣੇ ਵਾਹਨਾਂ 'ਚ ਲਾਉਣ ਵਾਲੀਆਂ ਹੋਰ ਕੰਪਨੀਆਂ ਜਿਵੇਂ ਮਿਤਸ਼ੁਬਿਸ਼ੀ ਮੋਟਰ ਕਾਰਪ, ਟਰੱਕ ਨਿਰਮਾਤਾ ਕੰਪਨੀ ਹੀਨੋ ਮੋਟਰਸ ਅਤੇ ਸੁਬਾਰੂ ਕਾਰ ਬਣਾਉਣ ਵਾਲੀ ਕੰਪਨੀ ਫੁਜੀ ਹੈਵੀ ਇੰਡਸਟਰੀਜ਼ ਨੇ ਵੀ ਘਰੇਲੂ ਬਾਜ਼ਾਰ 'ਚ ਵਿਕੇ ਆਪਣੇ 2,40,000 ਵਾਹਨਾਂ ਨੂੰ ਵਾਪਸ ਮੰਗਵਾਇਆ ਹੈ।
ਏਅਰਬੈਗ 'ਚ ਧਮਾਕੇ ਨਾਲ 16 ਲੋਕ ਗੁਆ ਚੁੱਕੇ ਹਨ ਜਾਨ
ਟਾਕਾਟਾ ਦੇ ਏਅਰਬੈਗ 'ਚ ਗਰਮੀ 'ਚ ਜ਼ਿਆਦਾ ਦੇਰ ਰਹਿਣ ਨਾਲ ਧਮਾਕਾ ਹੋ ਜਾਂਦਾ ਹੈ ਅਤੇ ਇਸ ਤਰ੍ਹਾਂ ਦੇ ਧਮਾਕਿਆਂ 'ਚ ਹੁਣ ਤੱਕ ਘੱਟ ਤੋਂ ਘੱਟ 16 ਲੋਕ ਜਾਨ ਗੁਆ ਚੁੱਕੇ ਹਨ। ਇਹ ਮੌਤਾਂ ਖਾਸ ਕਰ ਕੇ ਅਮਰੀਕਾ 'ਚ ਹੋਈਆਂ ਹਨ, ਜਿਸ ਤੋਂ ਬਾਅਦ ਮਚੇ ਹੰਗਾਮੇ ਕਾਰਨ ਟੋਯੋਟਾ ਨੂੰ ਆਪਣੇ ਵਾਪਸ ਮੰਗਵਾਉਣ 'ਤੇ ਮਜਬੂਰ ਹੋਣਾ ਪਿਆ। ਟ੍ਰਾਂਸਪੋਰਟ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਟਕਾਟਾ ਦੇ ਏਅਰਬੈਗ 'ਚ ਭਰਿਆ ਰਸਾਇਣਿਕ ਤੱਤ ਅਮੋਨੀਅਮ ਨਾਈਟ੍ਰੇਟ ਜੇਕਰ ਕਿਸੇ ਡਰਾਇੰਗ ਏਜੰਟ ਤੋਂ ਬਿਨਾਂ ਹੈ ਤਾਂ ਇਹ ਸੁਰੱਖਿਅਤ ਨਹੀਂ ਹੁੰਦਾ ਹੈ ਅਤੇ ਇਸ ਆਧਾਰ 'ਤੇ ਉਨ੍ਹਾਂ ਨੇ ਬਾਜ਼ਾਰ 'ਚ ਵਿਕੇ ਲਗਭਗ 10 ਕਰੋੜ ਟਕਾਟਾ ਏਅਰਬੈਗ ਨੂੰ ਵਾਪਸ ਮੰਗਵਾਉਣ ਦਾ ਪਿਛਲੇ ਸਾਲ ਹੁਕਮ ਦਿੱਤਾ ਸੀ।
ਭਾਰਤ 'ਚ ਐੱਚ. ਪੀ. ਨੇ ਪੇਸ਼ ਕੀਤੀ Commercial Desktop ਦੀ ਰੇਂਜ, ਕੀਮਤ 62000 ਰੁਪਏ ਤੋਂ ਸ਼ੁਰੂ
NEXT STORY 
