ਆਟੋ ਡੈਸਕ– ਮੋਟਰਸਾਈਕਲ ਨਿਰਮਾਤਾ ਕੰਪਨੀ ਟੀ.ਵੀ.ਐੱਸ. ਨੇ ਆਪਣੀ ਪ੍ਰਸਿੱਧ ਬਾਈਕ TVS Star City Plus ਦਾ ਸਪੈਸ਼ਲ ਐਡੀਸ਼ਨ ਲਾਂਚ ਕੀਤਾ ਹੈ। ਇਸ ਐਡੀਸ਼ਨ ਦੀ ਐਕਸ-ਸ਼ੋਅਰੂਮ ਕੀਮਤ 54,579 ਰੁਪਏ ਹੈ। ਇਸ ਐਡੀਸ਼ਨ ’ਚ ਨਵੀਂ ਵਾਈਟ ਐਂਡ ਬਲੈਕ ਕਲਰ ਸਕੀਮ ਦੇ ਨਾਲ ਰੈੱਡ ਹਾਈਲਾਈਟਸ ਦਿੱਤੇ ਗਏ ਹਨ। ਇਸ ਐਡੀਸ਼ਨ ਦੀ ਕੀਮਤ ਬਾਕੀ ਡਿਊਲ ਟੋਨ ਮਾਡਲਾਂ ਦੇ ਬਰਾਬਰ ਰੱਖੀ ਗਈ ਹੈ।
ਤਿਉਹਾਰੀ ਸੀਜ਼ਨ ਦੇ ਚੱਲਦੇ ਆਇਆ ਨਵਾਂ ਐਡੀਸ਼ਨ
ਕੰਪਨੀ ਨੇ ਤਿਉਹਾਰੀ ਸੀਜ਼ਨ ਨੂੰ ਧਿਆਨ ’ਚ ਰੱਖਦੇ ਹੋਏ ਇਹ ਫੈਸਲਾ ਲਿਆ ਹੈ। ਇਸ ਤੋਂ ਪਹਿਲਾਂ ਹੋਂਡਾ ਨੇ ਵੀ Honda CB Shine Limited Edition ਲਾਂਚ ਕੀਤਾ ਸੀ। ਹੋਂਡਾ ਨੇ ਵੀ ਇਸ ਬਾਈਕ ’ਚ ਡਿਊਲ ਟੋਨ ਕਲਰ ਸਕੀਨ ਦਾ ਇਸਤੇਮਾਲ ਕੀਤਾ ਸੀ।
ਇਹ ਹਨ ਖੂਬੀਆਂ
TVS Star City Plus ’ਚ ਸਿੰਕ੍ਰੋਨਾਈਜ਼ਡ ਬ੍ਰੇਕਿੰਗ ਟੈਕਨਾਲੋਜੀ (ਐੱਸ.ਬੀ.ਟੀ.) ਦਿੱਤੀ ਗਈ ਹੈ। ਇਹ ਕੰਬਾਇੰਡ ਬ੍ਰੇਕ ਦਾ ਟੀ.ਵੀ.ਐੱਸ. ਵਰਜ਼ਨ ਹੈ। ਇਹ ਸਿਸਟਮ ਫਰੰਟ ਅਤੇ ਰੀਅਰ ਦੋਵਾਂ ਬ੍ਰੇਕ ’ਤੇ ਲਾਗੂ ਹੁੰਦਾ ਹੈ। ਇਹ ਸਿਸਟਮ ਬ੍ਰੇਕ ਲਗਾਉਣ ਦੌਰਾਨ ਵ੍ਹੀਲ ਨੂੰ ਅਚਾਨਕ ਲਾਕ ਹੋਣ ਅਤੇ ਬਾਈਕ ਨੂੰ ਫਿਸਲਣ ਤੋਂ ਬਚਾਉਂਦਾ ਹੈ। ਇਸ ਤੋਂ ਇਲਾਵਾ ਟੀ.ਵੀ.ਐੱਸ. ਦੀ ਇਹ ਬਾਈਕ ਗ੍ਰੇਅ ਅਤੇ ਬਲੈਕ ਡਿਊਲ ਟੋਨ ਕਲਰ ’ਚ ਉਪਲੱਬਧ ਹੋਵੇਗੀ। ਇਸ ਵਿਚ ਟੀ.ਵੀ.ਐੱਸ. ਦਾ ਈਕੋਥ੍ਰਸਟ ਇੰਜਣ ਦਿੱਤਾ ਗਿਆ ਹੈ ਜੋ 8.4hp ਦੀ ਪਾਵਰ ਅਤੇ 8.7Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਵਿਚ 4-ਸਪੀਡ ਗਿਅਰਬਾਕਸ ਦਿੱਤਾ ਗਿਆ ਹੈ।
BSNL ਦਾ ਧਮਾਕੇਦਾਰ ਪਲਾਨ, 234 ਰੁਪਏ ’ਚ ਦੇ ਰਹੀ ਹੈ 90GB ਡਾਟਾ
NEXT STORY 
