ਗੈਜੇਟ ਡੈਸਕ– ਆਈ.ਪੀ.ਐੱਲ. ਦਾ ਆਗਾਜ਼ ਹੋ ਚੁੱਕਾ ਹੈ ਅਤੇ ਇਸਦਾ ਲਾਈਵ ਪ੍ਰਸਾਰਣ Disney+ Hotstar ’ਤੇ ਹੋ ਰਿਹਾ ਹੈ। ਅਜਿਹੇ ’ਚ ਕ੍ਰਿਕਟ ਦੇ ਦੀਵਾਨਿਆਂ ਨੂੰ Disney+ Hotstar ਦੇ ਸਬਸਕ੍ਰਿਪਸ਼ਨ ਦੀ ਲੋੜ ਹੈ। ਇਸ ਲੋੜ ਨੂੰ ਵੇਖਦੇ ਹੋਏ ਤਮਾਮ ਟੈਲੀਕਾਮ ਕੰਪਨੀਆਂਨੇ ਆਪਣੇ ਕੁਝ ਪਲਾਨਾਂ ਦੇ ਨਾਲ Disney+ Hotstar ਦਾ ਮੁਫ਼ਤ ਸਬਸਕ੍ਰਿਪਸ਼ਨ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਹਾਲ ਹੀ ’ਚ ਜੀਓ ਨੇ Disney+ Hotstar ਦੇ ਸਬਸਕ੍ਰਿਪਸ਼ਨ ਨਾਲ ਦੋ ਪਲਾਨ ਲਾਂਚ ਕੀਤੇ ਹਨ ਅਤੇ ਹੁਣ ਵੋਡਾਫੋਨ-ਆਈਡੀਆ (Vi) ਨੇ ਵੀ ਦੋ ਨਵੇਂ ਪਲਾਨ ਲਾਂਚ ਕੀਤੇ ਹਨ ਜਿਨ੍ਹਾਂ ਦੇ ਨਾਲ Disney+ Hotstar ਦਾ ਮੁਫ਼ਤ ਸਬਸਕ੍ਰਿਪਸ਼ਨ ਮਿਲ ਰਿਹਾ ਹੈ।
ਵੋਡਾਫੋਨ-ਆਈਡੀਆ ਨੇ ਜੋ Disney+ Hotstar ਦੇ ਮੁਫ਼ਤ ਸਬਸਕ੍ਰਿਪਸ਼ਨ ਵਾਲੇ ਪਲਾਨ ਲਾਂਚ ਕੀਤੇ ਹਨ ਉਨ੍ਹਾਂ ’ਚੋਂ ਪਹਿਲਾਂ ਪਲਾਨ 499 ਰੁਪਏ ਦਾ ਹੈ ਅਤੇ ਦੂਜਾ ਪਲਾਨ 1,066 ਰੁਪਏ ਦਾ ਹੈ। ਇਨ੍ਹਾਂ ਦੋਵਾਂ ਪਲਾਨਾਂ ਨੂੰ ਕੰਪਨੀ ਨੇ ਖਾਸਤੌਰ ’ਤੇ ਆਈ.ਪੀ.ਐੱਲ. ਦੇ ਦੀਵਾਨਿਆਂ ਲਈ ਲਾਂਚ ਕੀਤਾ ਹੈ। ਫਾਇਦਿਆਂ ਦੀ ਗੱਲ ਕਰੀਏ ਤਾਂ 499 ਰੁਪਏ ਵਾਲੇ ਪਲਾਨ ਦੇ ਨਾਲ ਰੋਜ਼ਾਨਾ 2 ਜੀ.ਬੀ. ਡਾਟਾ ਮਿਲੇਗਾ ਅਤੇ ਪਲਾਨ ਦੀ ਮਿਆਦ 28 ਦਿਨਾਂ ਦੀ ਹੋਵੇਗੀ।
ਨਾਲ ਹੀ ਅਨਲਿਮਟਿਡ ਕਾਲਿੰਗ ਮਿਲੇਗੀ ਅਤੇ ਰੋਜ਼ਾਨਾ 100 SMS ਵੀ ਮਿਲਣਗੇ। ਇਸ ਪਲਾਨ ਦੇ ਨਾਲ ਇਕ ਸਾਲ ਲਈ Disney+ Hotstar ਦਾ ਸਬਸਕ੍ਰਿਪਸ਼ਨ ਮਿਲੇਗਾ। ਦੂਜੇ 1,066 ਰੁਪਏ ਵਾਲੇ ਪਲਾਨ ਦੀ ਗੱਲ ਕਰੀਏ ਤਾਂ ਇਸ ਪਲਾਨ ’ਚ ਵੀ 499 ਰੁਪਏ ਵਾਲੀਆਂ ਹੀ ਸੁਵਿਧਾਵਾਂ ਮਿਲਣਗੀਆਂ ਪਰ ਇਸ ਪਲਾਨ ਦੀ ਮਿਆਦ 84 ਦਿਨਾਂ ਦੀ ਹੋਵੇਗੀ। ਇਸ ਵਿਚ ਵੀ ਇਕ ਸਾਲ ਲਈ Disney+ Hotstar ਦਾ ਸਬਸਕਿਪਸ਼ਨ ਮਿਲੇਗਾ।
200 ਮੈਗਾਪਿਕਸਲ ਕੈਮਰੇ ਵਾਲਾ ਫੋਨ ਲਿਆ ਰਹੀ ਇਹ ਕੰਪਨੀ, ਫੀਚਰਜ਼ ਹੋਏ ਲੀਕ
NEXT STORY 
