ਨਵੀਂ ਦਿੱਲੀ- ਸਮਾਰਟ ਫੋਨ ਨਿਰਮਾਤਾ ਕੰਪਨੀ ਵੀਵੋ ਨੇ ਭਾਰਤੀ ਬਾਜ਼ਾਰ ਵਿਚ ਨਵਾਂ ਸਮਾਰਟ ਫੋਨ ਵਾਈ-73 ਲਾਂਚ ਕਰ ਦਿੱਤਾ ਹੈ। ਕੰਪਨੀ ਦੀ ਨਵੀਂ ਬ੍ਰਾਂਡ ਆਈਕਨ ਅਦਾਕਾਰ ਸਾਰਾ ਅਲੀ ਖਾਨ ਨੇ ਇਸ ਸਮਾਰਟ ਫੋਨ ਨੂੰ ਲਾਂਚ ਕੀਤਾ। ਇਸ ਸਮਾਰਟ ਫੋਨ ਵਿਚ 64 ਮੈਗਾ ਪਿਕਸਲ (ਐੱਮ. ਪੀ.) ਮੇਨ ਕੈਮਰਾ ਹੈ ਅਤੇ 33w ਫਾਸਟ ਚਾਰਜਰ ਨਾਲ 4,000 ਐੱਮ. ਏ. ਐੱਚ. ਬੈਟਰੀ ਦਿੱਤੀ ਗਈ ਹੈ।
ਵੀਵੋ ਵਾਈ-73 8 ਜੀ. ਬੀ. ਰੈਮ ਦਿੱਤੀ ਗਈ ਹੈ ਅਤੇ ਇਸ ਦੀ ਅੰਦਰੂਨੀ ਸਟੋਰੇਜ ਸਮਰੱਥਾ 128 ਜੀ. ਬੀ. ਹੈ। ਇਸ ਸਮਾਰਟ ਫੋਨ ਦੀ ਕੀਮਤ 20,990 ਰੁਪਏ ਹੈ।
ਇਹ ਵੀ ਪੜ੍ਹੋ- 70 ਲੱਖ ਦੀ ਕੀਮਤ ਨਾਲ ਜਗੁਆਰ ਲੈਂਡ ਰੋਵਰ ਦੀ ਇਹ ਗੱਡੀ ਭਾਰਤ 'ਚ ਲਾਂਚ
ਵੀਵੋ ਵਾਈ-73 ਸਮਾਰਟ ਫੋਨ ਡਾਇਮੰਡ ਫਲੇਅਰ ਅਤੇ ਰੋਮਨ ਬਲੈਕ ਕਲਰ ਵਿਚ ਮਿਲੇਗਾ। ਇਹ ਵੀਵੋ ਈ-ਸਟੋਰ, ਐਮਾਜ਼ੋਨ, ਫਲਿੱਪਕਾਰਟ, ਪੇਟੀਐੱਮ, ਟਾਟਾ ਕਲਿੱਕ, ਬਜਾਜ ਈ. ਐੱਮ. ਆਈ. ਸਟੋਰ ਅਤੇ ਦੇਸ਼ ਭਰ ਦੇਪ੍ਰਚੂਨ ਸਟੋਰਾਂ 'ਤੇ ਉਪਲੱਬਧ ਹੋਵੇਗਾ। ਉੱਥੇ ਹੀ, ਐੱਚ. ਡੀ. ਐੱਫ. ਸੀ. ਬੈਂਕ ਦੇ ਕਾਰਡ ਨਾਲ 1,000 ਰੁਪਏ ਦੀ ਛੋਟ ਮਿਲਣ ਦਾ ਫਾਇਦਾ ਗਾਹਕ ਉਠਾ ਸਕਦੇ ਹਨ। ਇਸ ਤੋਂ ਇਲਾਵਾ ਬਜਾਜ ਫਿਨਸਰਵ ਕਾਰਡਧਾਰਕਾਂ ਨੂੰ ਆਸਾਨ ਈ. ਐੱਮ. ਆਈ. ਦਾ ਵੀ ਬਦਲ ਦਿੱਤਾ ਜਾ ਰਿਹਾ ਹੈ। ਵੀਵੋ ਵਾਈ-73 ਵਿਚ FHD+ ਨਾਲ 6.44 ਇੰਚ ਅਮੋਲਡ ਡਿਸਪਲੇਅ ਦਿੱਤੀ ਗਈ ਹੈ। ਫਿੰਗਰਪ੍ਰਿੰਟ ਸਕੈਨਰ ਡਿਸਪਲੇਅ ਵਿਚ ਹੀ ਮਿਲੇਗਾ। ਇਸ ਫੋਨ ਵਿਚ ਐਂਡ੍ਰਾਇਡ 11 ਮਿਲੇਗਾ। ਗੌਰਤਲਬ ਹੈ ਕਿ ਵੀਵੋ ਨੇ ਬਾਲੀਵੁੱਡ ਅਦਾਕਾਰ ਸਾਰਾ ਅਲੀ ਖਾਨ ਨੂੰ ਆਪਣੇ ਨਵੇਂ ਵੀਵੋ ਵਾਈ ਸੀਰੀਜ਼ ਲਈ ਹਾਲ ਹੀ ਵਿਚ ਮੁੱਖ ਸਟਾਈਲ ਆਈਕਨ ਬਣਾਇਆ ਹੈ।
ਇਹ ਵੀ ਪੜ੍ਹੋ- ਬਲੈਕ ਫੰਗਸ ਦੀ ਦਵਾ ਬਾਜ਼ਾਰ 'ਚ ਲਾਂਚ, ਹਜ਼ਾਰਾਂ ਮਰੀਜ਼ਾਂ ਨੂੰ ਮਿਲੇਗੀ ਰਾਹਤ
►ਖਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਟਿਪਣੀ
ਸਾਵਧਾਨ! ਛੋਟੀ ਜਿਹੀ ਗਲਤੀ ਪੈ ਸਕਦੀ ਹੈ ਭਾਰੀ, ਇਕ SMS ਖਾਲ੍ਹੀ ਕਰ ਦੇਵੇਗਾ ਤੁਹਾਡਾ ਬੈਂਕ ਖਾਤਾ
NEXT STORY 
