ਨਵੀਂ ਦਿੱਲੀ- ਜਗੁਆਰ ਲੈਂਡ ਰੋਵਰ ਨੇ ਦੇਸ਼ ਵਿਚ ਆਪਣੀ ਐੱਫ-ਪੇਸ ਐੱਸ. ਯੂ. ਵੀ. ਦਾ ਨਵਾਂ ਮਾਡਲ ਲਾਂਚ ਕਰ ਦਿੱਤਾ ਹੈ, ਜਿਸ ਦੀ ਸ਼ੋਅਰੂਮ ਕੀਮਤ 69.99 ਲੱਖ ਰੁਪਏ ਹੈ। ਕੰਪਨੀ ਨੇ ਵੀਰਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਨਵੀਂ ਐੱਫ-ਪੇਸ ਐੱਸ. ਯੂ. ਵੀ. ਪੈਟਰੋਲ ਤੇ ਡੀਜ਼ਲ ਦੋਹਾਂ ਪਾਵਰਟ੍ਰੇਨ ਵਿਚ ਉਪਲਬਧ ਹੈ। ਕੰਪਨੀ ਨੇ ਬਿਆਨ ਵਿਚ ਕਿਹਾ ਕਿ ਇਹ ਗੱਡੀ 2 ਲਿਟਰ ਪੈਟਰੋਲ ਇੰਜਣ ਨਾਲ 184 ਕੇ. ਡਬਲਿਊ. ਦੀ ਪਾਵਰ ਦਿੰਦੀ ਹੈ।
ਉੱਥੇ ਹੀ, 2-ਲਿਟਰ ਡੀਜ਼ਲ ਇੰਜਣ ਨਾਲ ਵੱਧ ਤੋਂ ਵੱਧ 150 ਕੇ. ਡਬਲਿਊ. ਦੀ ਪਾਵਰ ਮਿਲਦੀ ਹੈ। ਜਗੂਆਰ ਲੈਂਡ ਰੋਵਰ (ਜੇ. ਐੱਲ. ਆਰ.) ਇੰਡੀਆ ਦੇ ਮੁਖੀ ਅਤੇ ਪ੍ਰਬੰਧਕ ਨਿਰਦੇਸ਼ਕ ਰੋਹਿਤ ਸੂਰੀ ਨੇ ਇਕ ਬਿਆਨ ਵਿਚ ਕਿਹਾ, ''ਨਵੀਂ ਜਗੁਆਰ ਐੱਫ-ਪੇਸ ਆਪਣੀ ਸੋਹਣੇਪਣ ਅਤੇ ਸਹੂਲਤਾਂ ਦੇ ਲਿਹਾਜ ਨਾਲ ਇਕ ਨਵਾਂ ਸਟੈਂਡਰ ਸਥਾਪਤ ਕਰਦੀ ਹੈ। ਸ਼ਾਨਦਾਰ ਲੁਕ ਵਿਚ ਇਹ ਗੱਡੀ ਮੌਜੂਦਾ ਤੇ ਨਵੇਂ ਗਾਹਕਾਂ ਨੂੰ ਆਕਰਸ਼ਿਤ ਕਰੇਗੀ।'' ਕੰਪਨੀ ਮੁਤਾਬਕ, ਜੇ. ਐੱਲ. ਆਰ. ਦੀ 24 ਸ਼ਹਿਰਾਂ ਵਿਚ ਡੀਲਰਸ਼ਿਪ ਹੈ।
ਇਹ ਵੀ ਪੜ੍ਹੋ- ਕਿਸਾਨਾਂ ਲਈ ਖ਼ੁਸ਼ਖ਼ਬਰੀ, ਸਰਕਾਰ ਨੇ ਝੋਨੇ ਦੇ ਐੱਮ. ਐੱਸ. ਪੀ. 'ਚ ਕੀਤਾ ਵਾਧਾ
ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ ਇਟਲੀ ਦੀ ਸੁਪਰ ਸਪੋਰਟਸ ਕਾਰ ਕੰਪਨੀ ਲੈਂਬੋਰਗਿਨੀ ਨੇ ਮੰਗਲਵਾਰ ਭਾਰਤੀ ਬਾਜ਼ਾਰ ਵਿਚ ਹੁਰਾਕਨ ਈ. ਵੀ. ਓ. ਰੀਅਲ ਵ੍ਹੀਕਲ ਡਰਾਈਵ ਸਪਾਈਡਰ ਲਾਂਚ ਕੀਤੀ ਸੀ। ਇਸ ਦੀ ਕੀਮਤ 3.54 ਕਰੋੜ ਰੁਪਏ ਹੈ। ਲੈਂਬੋਰਗਿਨੀ ਇੰਡੀਆ ਨੇ ਇਕ ਬਿਆਨ ਵਿਚ ਕਿਹਾ ਕਿ ਨਵੇਂ ਮਾਡਲ ਵਿਚ 'ਵੀ10' ਇੰਜਣ ਲੱਗਾ ਹੈ, ਜੋ 610 ਐੱਚ. ਪੀ. ਦੀ ਪਾਵਰ ਦਿੰਦਾ ਹੈ। ਇਹ ਗੱਡੀ ਸਿਫਰ ਤੋਂ 100 ਕਿਲੋਮੀਟਰ ਦੀ ਰਫ਼ਤਾਰ 3.5 ਸਕਿੰਟ ਵਿਚ ਫੜ ਸਕਦੀ ਹੈ। ਇਸ ਦੀ ਵੱਧ ਤੋਂ ਵੱਧ ਸਪੀਡ 324 ਕਿਲੋਮੀਟਰ ਪ੍ਰਤੀ ਘੰਟਾ ਹੈ।
ਇਹ ਵੀ ਪੜ੍ਹੋ- ਗੌਤਮ ਅਡਾਨੀ ਸ਼ੇਅਰ ਬਾਜ਼ਾਰ 'ਚ ਕਰਨਗੇ ਧਮਾਕਾ, ਲਿਆ ਰਹੇ ਨੇ ਦੋ IPO!
►ਖਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਟਿਪਣੀ
ਭਾਰਤ ’ਚ ਜਿਮਨੀ ਦੀ ਵਿਕਰੀ ਨੂੰ ਲੈ ਕੇ ਮਾਰਕੀਟਿੰਗ ਪਲਾਨ ਤਿਆਰ ਕਰ ਰਹੀ ਮਾਰੂਤੀ ਸੁਜ਼ੂਕੀ
NEXT STORY 
