ਜਲੰਧਰ— ਚੌਲ ਖਾਣੇ ਹਰ ਇਕ ਨੂੰ ਪਸੰਦ ਹੁੰਦੇ ਹਨ। ਅੱਜ ਦੇ ਸਮੇਂ 'ਚ ਜ਼ਿਆਦਾਤਰ ਘਰਾਂ 'ਚ ਚੌਲ ਬਣਾਉਣ ਲਈ ਪ੍ਰੈੱਸ਼ਰ ਕੁੱਕਰ ਜਾਂ ਫਿਰ ਇਲੈਕਟ੍ਰੋਨਿਕ ਕੁੱਕਰ ਦੀ ਵਰਤੋਂ ਕੀਤੀ ਜਾਂਦੀ ਹੈ ਪਰ ਪਹਿਲੇ ਸਮੇਂ 'ਚ ਜ਼ਿਆਦਾਤਰ ਲੋਕ ਖੁੱਲ੍ਹੇ ਅਤੇ ਡੂੰਘੇ ਭਾਂਡੇ 'ਚ ਚੌਲ ਬਣਾਉਂਦੇ ਸਨ ਹਾਲਾਂਕਿ ਅਜੇ ਵੀ ਕਈ ਘਰਾਂ 'ਚ ਇੰਝ ਚੌਲ ਬਣਾਏ ਜਾਂਦੇ ਹਨ। ਚੌਲਾਂ 'ਚੋਂ ਨਿਕਲਣ ਵਾਲੇ ਪਾਣੀ ਨੂੰ ਜ਼ਿਆਦਾਤਰ ਔਰਤਾਂ ਡੋਲ ਦਿੰਦੀਆਂ ਹਨ ਪਰ ਇਸ ਤਰ੍ਹਾਂ ਨਾਲ ਚੌਲ ਪਕਾਉਣ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਚੌਲਾਂ ਦੇ ਪਾਣੀ ਨੂੰ ਕਈ ਤਰ੍ਹਾਂ ਨਾਲ ਵਰਤੋਂ 'ਚ ਲਿਆਂਦਾ ਜਾ ਸਕਦਾ ਹੈ। ਚੌਲਾਂ ਦੇ ਪਾਣੀ ਨੂੰ ਕਈ ਥਾਵਾਂ 'ਤੇ ਮਾਡ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਚੌਲਾਂ ਦਾ ਪਾਣੀ ਕਾਫੀ ਫਾਇਦੇਮੰਦ ਹੁੰਦਾ ਹੈ। ਚੌਲਾਂ 'ਚ ਮੌਜੂਦ ਸਾਰੇ ਪੋਸ਼ਟਿਕ ਤੱਤ ਇਸ 'ਚ ਘੁੱਲੇ ਹੁੰਦੇ ਹਨ ਅਤੇ ਇਸ ਦੀ ਵਰਤੋਂ ਨਾਲ ਉਹ ਸਾਰੇ ਪੋਸ਼ਟਿਕ ਤੱਤ ਤੁਹਾਨੂੰ ਤਰਲ ਰੂਪ 'ਚ ਮਿਲ ਜਾਂਦੇ ਹਨ। ਚੌਲਾਂ ਦੇ ਪਾਣੀ 'ਚ ਕਈ ਤਰ੍ਹਾਂ ਦੇ ਪ੍ਰੋਟੀਨ ਅਤੇ ਵਿਟਾਮਿਨਸ ਪਾਏ ਜਾਂਦੇ ਹਨ, ਜੋ ਸਾਡੀ ਸਿਹਤ ਲਈ ਲਾਭਦਾਇਕ ਹੁੰਦੇ ਹਨ। ਅੱਜ ਅਸੀਂ ਤੁਹਾਨੂੰ ਚੌਲਾਂ ਦਾ ਪਾਣੀ ਪੀਣ ਨਾਲ ਹੋਣ ਵਾਲੇ ਫਾਇਦਿਆਂ ਦੇ ਬਾਰੇ ਦੱਸਣ ਜਾ ਰਹੇ ਹਾਂ। ਆਓ ਜਾਣਦੇ ਹਾਂ ਇਸ ਦੇ ਫਾਇਦਿਆਂ ਬਾਰੇ।
ਪੇਟ ਦੀ ਸਮੱਸਿਆ ਕਰੇ ਦੂਰ
ਜਿਹੜੇ ਲੋਕਾਂ ਨੂੰ ਅਕਸਰ ਪੇਟ ਦੀ ਸਮੱਸਿਆ ਰਹਿੰਦੀ ਹੈ ਜਾਂ ਕਮਜ਼ੋਰ ਹਨ, ਉਨ੍ਹਾਂ ਦੇ ਲਈ ਚੌਲਾਂ ਦਾ ਪਾਣੀ ਪੀਣਾ ਬੇਹੱਦ ਫਾਇਦੇਮੰਦ ਸਾਬਤ ਹੁੰਦਾ ਹੈ। ਇਸ ਨਾਲ ਭੋਜਨ ਨੂੰ ਪਚਾਉਣ 'ਚ ਕਾਫੀ ਮਦਦ ਮਿਲਦੀ ਹੈ। ਚੌਲਾਂ ਦਾ ਪਾਣੀ ਕਬਜ਼ ਤੋਂ ਵੀ ਰਾਹਤ ਦਿਵਾਉਂਦਾ ਹੈ।
ਊਰਜਾ ਵਧਾਏ
ਚੌਲਾਂ ਦੇ ਪਾਣੀ 'ਚ ਕਾਰਬੋਹਾਈਡ੍ਰੇਟਸ ਪਾਇਆ ਜਾਂਦਾ ਹੈ, ਜੋ ਕਿ ਸਰੀਰ ਤੁਰੰਤ ਤਾਕਤ ਦਿੰਦਾ ਹੈ। ਇਸ ਲਈ ਜਦੋ ਵੀ ਤੁਹਾਡਾ ਐਨਰਜੀ ਲੈਵਲ ਘੱਟ ਹੁੰਦਾ ਹੈ ਤਾਂ ਤੁਸੀਂ ਚੌਲਾਂ ਦੇ ਪਾਣੀ ਦਾ ਸੇਵਨ ਕਰ ਸਕਦੇ ਹੋ। ਇਸ ਨਾਲ ਸਰੀਰ 'ਚ ਫੁਰਤੀ ਅਤੇ ਐਨਰਜੀ ਬਣੀ ਰਹਿੰਦੀ ਹੈ।
ਸੂਰਜ ਦੀ ਗਰਮੀ ਤੋਂ ਬਚਾਏ
ਚੌਲਾਂ 'ਚ ਅੋਰੀਜੇਨਾਲ ਨਾਂ ਦਾ ਤੱਤ ਪਾਇਆ ਜਾਂਦਾ ਹੈ, ਜੋਕਿ ਸੂਰਜ ਦੀਆਂ ਕਿਰਨਾਂ ਤੋਂ ਬਚਾਉਂਦਾ ਹੈ। ਸੂਰਜ ਦੀ ਤਪਸ਼ ਤੋਂ ਬਚਣ ਲਈ ਤੁਸੀਂ ਚੌਲਾਂ ਦੇ ਪਾਣੀ ਦੀ ਵਰਤੋਂ ਕਰ ਸਕਦੇ ਹੋ।
ਵਾਲਾਂ ਦੇ ਲਈ ਹੁੰਦਾ ਹੈ ਫਾਇਦੇਮੰਦ
ਵਾਲਾਂ ਦੇ ਲਈ ਵੀ ਚੌਲਾਂ ਦਾ ਪਾਣੀ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਜੇਕਰ ਤੁਹਾਡੇ ਵਾਲ ਪਤਲੇ ਅਤੇ ਬੇਜਾਨ ਹਨ ਤਾਂ ਤੁਸੀਂ ਚੌਲਾ ਦੇ ਪਾਣੀ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਨਾਲ ਵਾਲਾਂ ਦੀਆਂ ਸਾਰੀਆਂ ਸਮੱਸਿਆਵਾਂ ਖਤਮ ਹੋ ਜਾਣਗੀਆਂ। ਜਿਹੜੇ ਲੋਕਾਂ ਦੇ ਵਾਲਾਂ ਝੜਦੇ ਹਨ, ਉਹ ਵੀ ਘੱਟ ਹੋ ਜਾਣਗੇ। ਇਸ ਤਰ੍ਹਾਂ ਤੁਸੀਂ ਮਹਿੰਗੇ ਟ੍ਰੀਟਮੈਂਟ ਤੋਂ ਬਿਨਾਂ ਹੀ ਵਧੀਆ ਵਾਲ ਪਾ ਸਕਦੇ ਹੋ।
ਡੀਹਾਈਡ੍ਰੇਸ਼ਨ ਤੋਂ ਕਰੇ ਮੁਕਤ
ਗਰਮੀਆਂ 'ਚ ਪਸੀਨੇ ਦੇ ਮਾਧਿਅਮ ਨਾਲ ਸਾਡੇ ਸਰੀਰ ਦਾ ਬਹੁਤ ਸਾਰਾ ਤਰਲ ਬਾਹਰ ਨਿਕਲ ਜਾਂਦਾ ਹੈ। ਗਰਮੀਆਂ 'ਚ ਚੌਲਾਂ ਦਾ ਪਾਣੀ ਪੀਣ ਨਾਲ ਡੀਹਾਈਡ੍ਰੇਸ਼ਨ ਦਾ ਸ਼ਿਕਾਇਤ ਨਹੀਂ ਹੁੰਦੀ ਹੈ।
ਚਮੜੀ ਦੀ ਚਮਕ ਵਧਾਉਣ 'ਚ ਸਹਾਇਕ
ਜੇਕਰ ਤੁਸੀਂ ਆਪਣੀ ਚਮੜੀ ਦੀ ਚਮਕ ਨੂੰ ਵਧਾਉਣਾ ਚਹੁੰਦੇ ਹੋ ਤਾਂ ਇਸ ਪਾਣੀ ਦਾ ਸੇਵਨ ਕਰ ਸਕਦੇ ਹੋ। ਤੁਹਾਨੂੰ ਕਿਸੇ ਹੋਰ ਕੈਮੀਕਲ ਦੀ ਵਰਤੋਂ ਕਰਨ ਦੀ ਲੋੜ ਨਹੀਂ ਹੈ। ਇਸ ਦੇ ਲਈ ਤੁਸੀਂ ਚੌਲਾ ਦੇ ਪਾਣੀ ਵਿਚ ਥੋੜ੍ਹੇ ਜਿਹੇ ਰੂੰ ਨੂੰ ਭਿਓ ਕੇ ਆਪਣੀ ਚਮੜੀ 'ਤੇ ਲਗਾਓ। ਇਸ ਦੀ ਵਰਤੋਂ ਰੋਜ਼ਾਨਾ 15-20 ਮਿੰਟ ਤੱਕ ਕਰੋ। ਅਤੇ ਫਿਰ ਸਾਦੇ ਪਾਣੀ ਨਾਲ ਮੂੰਹ ਨੂੰ ਧੋ ਲਵੋ। ਕੁਝ ਹੀ ਦਿਨਾਂ 'ਚ ਤੁਹਾਡੀ ਚਮੜੀ ਦਾ ਰੰਗ ਸਾਫ ਹੋ ਜਾਵੇਗਾ ਅਤੇ ਦਾਗ ਧੱਬੇ ਦੂਰ ਹੋ ਜਾਣਗੇ।
ਬਲੱਡ ਪ੍ਰੈਸ਼ਰ ਰੱਖੇ ਠੀਕ
ਚੌਲਾਂ ਦਾ ਪਾਣੀ ਹਾਈ ਬਲੱਡ ਪ੍ਰੈਸ਼ਰ ਨੂੰ ਠੀਕ ਕਰਦਾ ਹੈ। ਇਸ 'ਚ ਸੋਡੀਅਮ ਘੱਟ ਹੋਣ ਕਾਰਨ ਇਹ ਹਾਈ ਬਲੱਡ ਪ੍ਰੈਸ਼ਰ ਲਈ ਸਭ ਤੋਂ ਘੱਟ ਸਮੇਂ 'ਚ ਸਭ ਤੋਂ ਉਤਮ ਆਹਾਰ ਮੰਨਿਆ ਜਾਂਦਾ ਹੈ। ਇਸ ਦੇ ਇਲਾਵਾ ਇਹ ਭਾਰ ਨੂੰ ਘੱਟ ਕਰਨ 'ਚ ਵੀ ਮਦਦ ਕਰਦਾ ਹੈ। ਤੁਸੀਂ ਖਾਣਾ ਖਾਣ ਤੋਂ ਅੱਧਾ ਘੰਟਾ ਪਹਿਲਾ ਚੌਲਾਂ ਦੇ ਪਾਣੀ ਦਾ ਸੇਵਨ ਕਰ ਸਕਦੇ ਹੋ।
ਡਾਈਰੀਆ ਨੂੰ ਰੋਕੇ
ਚੌਲਾਂ ਦਾ ਪਾਣੀ ਡਾਈਰੀਆ ਦੀ ਰੋਕਥਾਮ 'ਚ ਵੀ ਫਾਇਦੇਮੰਦ ਹੁੰਦਾ ਹੈ। ਭਾਰਤ ਕਈ ਇਲਾਕਿਆਂ 'ਚ ਬੱਚਿਆਂ ਨੂੰ ਚੌਲਾਂ ਦਾ ਪਾਣੀ ਦਿੱਤਾ ਜਾਂਦਾ ਹੈ।
ਇੰਫੈਕਸ਼ਨ ਤੋਂ ਰੱਖੇ ਦੂਰ
ਚੌਲਾਂ ਦੇ ਪਾਣੀ 'ਚ ਹੀਲਿੰਗ ਦਾ ਗੁਣ ਹੁੰਦਾ ਹੈ। ਕਈ ਛੋਟੇ-ਵੱਡੇ ਇੰਫੈਕਸ਼ਨ 'ਚ ਵੀ ਇਕ ਦੀ ਵਰਤੋਂ ਕਰਨਾ ਫਾਇਦੇਮੰਦ ਰਹਿੰਦਾ ਹੈ।
ਸੁਆਦਿਸ਼ਟ ਬਣਾਉਣ ਲਈ ਇੰਝ ਕਰੋ ਚੌਲਾਂ ਦੇ ਪਾਣੀ ਦੀ ਵਰਤੋਂ
ਇਸ ਦੇ ਲਈ ਚੋਲਾ ਨੂੰ ਉਬਾਲ ਲਵੋ। ਫਿਰ ਇਸ 'ਚ ਅੱਧਾ ਚਮਚ ਜੀਰੇ ਦੇ ਪਾਊਡਰ ਦਾ ਪਾਓ। ਫਿਰ ਇਸ 'ਚ ਕਾਲਾ ਨਮਕ ਸੁਆਦ ਅਨੁਸਾਰ ਪਾਓ। ਇਸ 'ਚ ਕਾਲੀ ਮਿਰਚ ਮਿਲਾ ਕੇ ਵੀ ਤੁਸੀਂ ਪੀ ਸਕਦੇ ਹੋ। ਲਗਾਤਾਰ ਇਸ ਦੇਸੀ ਕਾੜੇ ਨੂੰ ਪੀ ਕੇ ਤੁਹਾਨੂੰ ਸਰੀਰ 'ਚ ਖੁਦ ਫਰਕ ਨਜ਼ਰ ਆਉਣ ਲੱਗ ਜਾਵੇਗਾ।
ਅੱਖਾਂ ਲਈ ਫਾਇਦੇਮੰਦ ਹੈ 'ਲਾਲ ਮਿਰਚ', ਹੋਰ ਵੀ ਜਾਣੋ ਹੈਰਾਨੀਜਨਕ ਫਾਇਦੇ
NEXT STORY