ਮਸਕਟ (ਭਾਸ਼ਾ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਰਵਾਰ ਨੂੰ ਕਿਹਾ ਕਿ 21ਵੀਂ ਸਦੀ ਦਾ ਭਾਰਤ ਵੱਡੇ ਅਤੇ ਤੇਜ਼ ਫੈਸਲੇ ਲੈਂਦਾ ਹੈ, ਵੱਡੇ ਟੀਚਿਆਂ ਨਾਲ ਅੱਗੇ ਵਧਦਾ ਹੈ ਅਤੇ ਸਮੇਂ ਸਿਰ ਨਤੀਜੇ ਦਿੰਦਾ ਹੈ। ਮੋਦੀ ਓਮਾਨ ਦੀ ਰਾਜਧਾਨੀ ਮਸਕਟ ਵਿੱਚ ਭਾਰਤੀ ਭਾਈਚਾਰੇ ਨੂੰ ਸੰਬੋਧਨ ਕਰ ਰਹੇ ਸਨ। ਪ੍ਰਧਾਨ ਮੰਤਰੀ ਇੱਥੇ 2 ਦਿਨਾਂ ਦੌਰੇ 'ਤੇ ਹਨ। ਪ੍ਰਧਾਨ ਮੰਤਰੀ ਨੇ ਹਾਲ ਹੀ ਵਿਚ ਯੂਨੈਸਕੋ ਦੁਆਰਾ 'ਦੀਵਾਲੀ' ਦੇ ਤਿਉਹਾਰ ਨੂੰ ਮਨੁੱਖਤਾ ਦੀ ਅਮੂਰਤ ਸੱਭਿਆਚਾਰਕ ਵਿਰਾਸਤ ਦੀ ਸੂਚੀ ਵਿੱਚ ਸ਼ਾਮਲ ਕਰਨ ਦੇ ਫੈਸਲੇ ਦੀ ਸ਼ਲਾਘਾ ਵੀ ਕੀਤੀ।
ਉਨ੍ਹਾਂ ਕਿਹਾ, "ਹੁਣ ਸਾਡਾ 'ਦੀਵਾ' ਨਾ ਸਿਰਫ਼ ਸਾਡੇ ਘਰਾਂ ਨੂੰ ਸਗੋਂ ਪੂਰੀ ਦੁਨੀਆ ਨੂੰ ਰੌਸ਼ਨ ਕਰੇਗਾ।" ਉਨ੍ਹਾਂ ਕਿਹਾ ਕਿ ਇਹ ਸਾਰੇ ਭਾਰਤੀਆਂ ਲਈ ਮਾਣ ਦੀ ਗੱਲ ਹੈ ਅਤੇ "ਦੀਵਾਲੀ ਦੀ ਇਹ ਵਿਸ਼ਵਵਿਆਪੀ ਮਾਨਤਾ ਉਸ ਰੌਸ਼ਨੀ ਦੀ ਪਛਾਣ ਹੈ ਜੋ ਉਮੀਦ, ਸਦਭਾਵਨਾ ਅਤੇ ਮਨੁੱਖਤਾ ਦਾ ਸੰਦੇਸ਼ ਫੈਲਾਉਂਦੀ ਹੈ।" 'ਮੈਤਰੀ ਪਰਵ' ਸਮਾਗਮ ਵਿੱਚ ਭਾਰਤੀ ਵਿਦਿਆਰਥੀਆਂ ਅਤੇ ਭਾਈਚਾਰੇ ਨੂੰ ਸੰਬੋਧਨ ਕਰਦਿਆਂ ਮੋਦੀ ਨੇ ਕਿਹਾ ਕਿ ਭਾਰਤ ਅਤੇ ਓਮਾਨ ਸਿਰਫ਼ ਭੂਗੋਲਿਕ ਤੌਰ 'ਤੇ ਹੀ ਨਹੀਂ ਸਗੋਂ ਪੀੜ੍ਹੀਆਂ ਤੋਂ ਜੁੜੇ ਹੋਏ ਹਨ।
ਉਨ੍ਹਾਂ ਕਿਹਾ, "ਸਾਡੀ ਵਿਭਿੰਨਤਾ ਸਾਡੀ ਸੰਸਕ੍ਰਿਤੀ ਦੀ ਮਜ਼ਬੂਤ ਨੀਂਹ ਹੈ। ਹਰ ਪਰੰਪਰਾ ਆਪਣੇ ਨਾਲ ਨਵੇਂ ਵਿਚਾਰ ਲੈ ਕੇ ਆਉਂਦੀ ਹੈ... ਅਸੀਂ ਭਾਰਤੀ ਜਿੱਥੇ ਵੀ ਜਾਂਦੇ ਹਾਂ ਵਿਭਿੰਨਤਾ ਦਾ ਸਤਿਕਾਰ ਕਰਦੇ ਹਾਂ।" ਭਾਰਤੀ ਪ੍ਰਵਾਸੀਆਂ ਨੂੰ ਸਹਿ-ਹੋਂਦ ਅਤੇ ਸਹਿਯੋਗ ਦੀ ਇੱਕ ਜਿਉਂਦੀ-ਜਾਗਦੀ ਉਦਾਹਰਣ ਦੱਸਦਿਆਂ ਉਨ੍ਹਾਂ ਕਿਹਾ, "ਤੁਸੀਂ ਇਨ੍ਹਾਂ ਪੁਰਾਣੇ ਸਬੰਧਾਂ ਦੇ ਸਭ ਤੋਂ ਵੱਡੇ ਰਖਵਾਲੇ ਹੋ।" ਨੌਜਵਾਨਾਂ ਨੂੰ ਆਪਣੇ ਸੰਦੇਸ਼ ਵਿੱਚ, ਪ੍ਰਧਾਨ ਮੰਤਰੀ ਨੇ ਕਿਹਾ, "ਵੱਡੇ ਸੁਪਨੇ ਦੇਖੋ, ਡੂੰਘਾਈ ਨਾਲ ਸਿੱਖੋ ਅਤੇ ਦਲੇਰੀ ਨਾਲ ਕੁੱਝ ਨਵਾਂ ਕਰੋ।"
ਬੀਜਿੰਗ 'ਚ ਸੰਘਣੀ ਧੁੰਦ ਤੇ ਹਵਾ ਪ੍ਰਦੂਸ਼ਣ! 215 'ਤੇ ਪੁੱਦਾ AQI
NEXT STORY 
