ਡੁਮਾਸ (ਏਜੰਸੀ): ਅਮਰੀਕਾ ਦੇ ਦੱਖਣ-ਪੂਰਬੀ ਅਰਕਾਨਸਾਸ ਵਿੱਚ ਸ਼ਨੀਵਾਰ ਸ਼ਾਮ ਨੂੰ ਇੱਕ ਕਾਰ ਸ਼ੋਅ ਦੌਰਾਨ ਹੋਈ ਗੋਲੀਬਾਰੀ ਵਿੱਚ ਘੱਟੋ-ਘੱਟ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਬੱਚਿਆਂ ਸਮੇਤ 20 ਹੋਰ ਜ਼ਖ਼ਮੀ ਹੋ ਗਏ। ਇੱਕ ਸੀਨੀਅਰ ਪੁਲਸ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਡੁਮਾਸ ਸ਼ਹਿਰ ਦੇ ਪੁਲਸ ਮੁਖੀ ਕੀਥ ਫਿੰਚ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਗੋਲੀਬਾਰੀ ਵਿਚ ਕਈ ਬੱਚੇ ਜ਼ਖਮੀ ਹੋਏ ਹਨ ਪਰ ਗਿਣਤੀ ਸਪੱਸ਼ਟ ਨਹੀਂ ਹੈ।
ਉਨ੍ਹਾਂ ਨੇ ਕਿਹਾ ਕਿ ਇੱਕ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ ਪਰ ਗੋਲੀਬਾਰੀ ਵਿੱਚ ਕਈ ਲੋਕਾਂ ਦੇ ਸ਼ਾਮਲ ਹੋਣ ਦਾ ਖਦਸ਼ਾ ਹੈ। ਅਰਕਨਸਾਸ ਰਾਜ ਪੁਲਸ ਦੇ ਬੁਲਾਰੇ ਬਿਲ ਸੈਡਲਰ ਨੇ ਕਿਹਾ ਕਿ ਲਿਟਲ ਰੌਕ ਤੋਂ 90 ਮੀਲ (ਲਗਭਗ 144 ਕਿਲੋਮੀਟਰ) ਦੱਖਣ ਵਿਚ ਡੂਮਾਸ ਵਿਚ ਇਕ ਕਾਰ ਸ਼ੋਅ ਦੌਰਾਨ ਸਥਾਨ ਦੇ ਬਾਹਰ ਗੋਲੀ ਚੱਲਣ ਦੀ ਸੂਚਨਾ ਮਿਲਣ ਤੋਂ ਬਾਅਦ ਸੈਨਿਕਾਂ ਨੂੰ ਸ਼ਨੀਵਾਰ ਸ਼ਾਮ 7:25 ਵਜੇ ਦੇ ਕਰੀਬ ਰਵਾਨਾ ਕੀਤਾ ਗਿਆ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਰੂਸ ਦੀ ਬੰਬਾਰੀ ਨਾਲ ਮਾਸੂਮ ਵੀ ਪ੍ਰਭਾਵਿਤ, ਸਰੋਗੇਸੀ ਤੋਂ ਪੈਦਾ ਹੋਏ ਬੱਚੇ ਆਪਣੇ ਮਾਪਿਆਂ ਨੂੰ ਮਿਲਣ ਲਈ ਤਰਸੇ
ਆਯੋਜਕ 'ਡੈਲਟਾ ਨੇਬਰਹੁੱਡ ਐਮਪਾਵਰਮੈਂਟ ਯੂਥ ਆਰਗੇਨਾਈਜ਼ੇਸ਼ਨ' ਦੇ ਅਨੁਸਾਰ ਇਹ ਕਾਰ ਸ਼ੋਅ ਇੱਕ ਕਮਿਊਨਿਟੀ ਈਵੈਂਟ ਹੈ, ਜੋ ਹਰ ਬਸੰਤ ਵਿੱਚ ਸਕੂਲਾਂ ਵਿੱਚ ਵਜ਼ੀਫ਼ਿਆਂ ਤੋਂ ਇਲਾਵਾ ਜ਼ਰੂਰੀ ਚੀਜ਼ਾਂ ਦੀ ਸਪਲਾਈ ਲਈ ਫੰਡ ਇਕੱਠਾ ਕਰਨ ਲਈ ਆਯੋਜਿਤ ਕੀਤਾ ਜਾਂਦਾ ਹੈ। ਮੁੱਖ ਆਯੋਜਕ ਵੈਲੇਸ ਮੈਕਗੀ ਨੇ ਗੋਲੀਬਾਰੀ ਦੇ ਪੀੜਤਾਂ ਦੇ ਪਰਿਵਾਰਾਂ ਨਾਲ ਹਮਦਰਦੀ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਅਜਿਹੀ ਘਟਨਾ ਇਕ ਦੁਖਦਾਈ ਹੈ। ਅਸੀਂ ਪਿਛਲੇ 16 ਸਾਲਾਂ ਤੋਂ ਬਿਨਾਂ ਕਿਸੇ ਸਮੱਸਿਆ ਦੇ ਇਸ ਕਾਰ ਸ਼ੋਅ ਦਾ ਆਯੋਜਨ ਕਰ ਰਹੇ ਹਾਂ। ਜ਼ਖਮੀਆਂ ਦੀ ਹਾਲਤ ਅਤੇ ਹਮਲੇ ਦੇ ਕਾਰਨਾਂ ਸਮੇਤ ਹੋਰ ਵੇਰਵੇ ਅਜੇ ਸਾਹਮਣੇ ਨਹੀਂ ਆਏ ਹਨ।
ਪੰਜਾਬ 'ਚ 'ਆਪ' ਦੀ ਸਰਕਾਰ ਬਣਨ 'ਤੇ ਮੈਲਬੌਰਨ 'ਚ ਮਨਾਇਆ ਗਿਆ ਜਿੱਤ ਦਾ ਜਸ਼ਨ
NEXT STORY 
