ਇੰਟਰਨੈਸ਼ਨਲ ਡੈਸਕ : ਰੂਸ-ਯੂਕ੍ਰੇਨ ਯੁੱਧ ਅਜੇ ਤੱਕ ਜਾਰੀ ਹੈ। ਅਮਰੀਕਾ ਨੇ ਇਸ ਜੰਗ ਵਿੱਚ ਯੂਕ੍ਰੇਨ ਦਾ ਪੂਰਾ ਸਮਰਥਨ ਕੀਤਾ ਹੈ। ਇਹ ਜੰਗ ਇਕ ਸਾਲ ਤੋਂ ਵੱਧ ਸਮੇਂ ਤੋਂ ਚੱਲ ਰਹੀ ਹੈ। ਅਮਰੀਕਾ ਨੇ ਹਥਿਆਰ ਅਤੇ ਸਹਾਇਤਾ ਪੈਕੇਜ ਦੇਣਾ ਜਾਰੀ ਰੱਖਿਆ ਹੈ। ਅਮਰੀਕਾ ਨੇ ਹੁਣ ਯੂਕ੍ਰੇਨ ਨੂੰ ਕਲੱਸਟਰ ਬੰਬ ਦੇਣ ਦਾ ਫ਼ੈਸਲਾ ਕੀਤਾ ਹੈ। ਇਹ ਬਹੁਤ ਘਾਤਕ ਹੈ, ਇਸ ਲਈ 100 ਤੋਂ ਵੱਧ ਦੇਸ਼ਾਂ ਵਿੱਚ ਇਸ 'ਤੇ ਪਾਬੰਦੀ ਹੈ। ਇਹ ਅਮਰੀਕਾ ਦਾ 42ਵਾਂ ਸਹਾਇਤਾ ਪੈਕੇਜ ਹੋਵੇਗਾ। ਰਾਇਟਰਜ਼ ਦੇ ਅਨੁਸਾਰ ਸੰਯੁਕਤ ਰਾਜ ਤੋਂ 155 ਮਿਲੀਮੀਟਰ ਹਾਵਿਟਜ਼ਰ ਤੋਪ ਤੋਂ ਦਾਗੇ ਜਾਣ ਵਾਲੇ ਕਲੱਸਟਰ ਹਥਿਆਰਾਂ ਸਮੇਤ ਇਕ ਹਥਿਆਰ ਪੈਕੇਜ ਦਾ ਐਲਾਨ ਸ਼ੁੱਕਰਵਾਰ ਨੂੰ ਜਲਦ ਹੀ ਕੀਤੇ ਜਾਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : ਮਿਆਂਮਾਰ : ਹਮਲੇ 'ਚ 15 ਲੋਕਾਂ ਦੀ ਮੌਤ, ਫ਼ੌਜ ਨੇ ਲੋਕਤੰਤਰ ਸਮਰਥਕ ਲੜਾਕਿਆਂ 'ਤੇ ਲਾਇਆ ਹਮਲੇ ਦਾ ਦੋਸ਼
ਕਲੱਸਟਰ ਬੰਬ ਲੰਬੇ ਸਮੇਂ ਤੱਕ ਨਾਗਰਿਕਾਂ ਲਈ ਇਕ ਵੱਡਾ ਖ਼ਤਰਾ ਬਣਦੇ ਹਨ ਕਿਉਂਕਿ ਕੁਝ ਬੰਬ ਫਟਣ ਵਿੱਚ ਅਸਫਲ ਰਹਿੰਦੇ ਹਨ। ਇਹ ਵੱਡੀ ਗਿਣਤੀ 'ਚ ਛੋਟੇ ਬੰਬ ਛੱਡਦੇ ਹਨ। ਹਿਊਮਨ ਰਾਈਟਸ ਵਾਚ (HRW) ਨੇ ਕਲੱਸਟਰ ਹਥਿਆਰਾਂ ਦੀ ਵਰਤੋਂ ਲਈ ਯੂਕ੍ਰੇਨ ਅਤੇ ਰੂਸ ਦੀ ਆਲੋਚਨਾ ਕੀਤੀ ਸੀ। ਜੰਗ ਵਿੱਚ ਰੂਸ ਦੁਆਰਾ ਕਲੱਸਟਰ ਹਥਿਆਰਾਂ ਦੀ ਵਿਆਪਕ ਤੌਰ 'ਤੇ ਵਰਤੋਂ ਕੀਤੀ ਗਈ ਸੀ, ਜਿਸ ਦੇ ਨਤੀਜੇ ਵਜੋਂ ਬਹੁਤ ਸਾਰੇ ਨਾਗਰਿਕਾਂ ਦੀ ਮੌਤ ਹੋ ਗਈ ਸੀ ਅਤੇ ਗੰਭੀਰ ਸੱਟਾਂ ਲੱਗੀਆਂ ਸਨ। ਇਕ ਅਮਰੀਕੀ ਅਧਿਕਾਰੀ ਦੇ ਦੱਸਣ ਮੁਤਾਬਕ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਮੌਜੂਦਾ ਜੰਗੀ ਹਾਲਾਤ ਕਲੱਸਟਰ ਹਥਿਆਰਾਂ ਨੂੰ "100 ਪ੍ਰਤੀਸ਼ਤ ਜ਼ਰੂਰੀ" ਬਣਾਉਂਦੇ ਹਨ।
ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਅਫਰੀਕਾ 'ਚ ਜੈਸ਼ੰਕਰ ਨੇ ਚੀਨ 'ਤੇ ਸਾਧਿਆ ਨਿਸ਼ਾਨਾ, ਜਾਣੋ ਕੀ ਬੋਲੇ ਵਿਦੇਸ਼ ਮੰਤਰੀ?
NEXT STORY 
