ਯੇਰੂਸ਼ਲਮ (ਭਾਸ਼ਾ): ਫਲਸਤੀਨੀ ਬੰਦੂਕਧਾਰੀ ਨੇ ਵੈਸਟ ਬੈਂਕ ਵਿੱਚ ਇੱਕ ਬਸਤੀ ਦੀ ਚੌਕੀ ਨੇੜੇ ਵੀਰਵਾਰ ਰਾਤ ਇੱਕ ਯਹੂਦੀ ਸਕੂਲੀ ਵਿਦਿਆਰਥੀਆਂ ਨਾਲ ਭਰੀ ਇੱਕ ਕਾਰ 'ਤੇ ਗੋਲੀਬਾਰੀ ਕਰ ਦਿੱਤੀ। ਇਸ ਗੋਲੀਬਾਰੀ ਵਿਚ ਇੱਕ ਇਜ਼ਰਾਈਲੀ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਮਾਮੂਲੀ ਜ਼ਖ਼ਮੀ ਹੋ ਗਏ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ।
ਇਜ਼ਰਾਈਲੀ ਨੇਤਾਵਾਂ ਨੇ ਹਮਲਾਵਰ ਨੂੰ ਫੜਨ ਦੀ ਮੰਗ ਕੀਤੀ ਅਤੇ ਫ਼ੌਜ ਨੇ ਕਿਹਾ ਕਿ ਉਸ ਨੇ ਖੋਜ ਮੁਹਿੰਮ ਦੇ ਹਿੱਸੇ ਵਜੋਂ ਖੇਤਰ ਵਿੱਚ ਵਾਧੂ ਸੈਨਿਕ ਭੇਜੇ ਹਨ। ਪ੍ਰਧਾਨ ਮੰਤਰੀ ਨਫਤਾਲੀ ਬੇਨੇਟ ਨੇ ਕਿਹਾ ਕਿ ਸੁਰੱਖਿਆ ਬਲ ਜਲਦੀ ਹੀ ਅੱਤਵਾਦੀਆਂ ਨੂੰ ਫੜ ਲੈਣਗੇ ਅਤੇ ਅਸੀਂ ਇਹ ਯਕੀਨੀ ਬਣਾਵਾਂਗੇ ਕਿ ਦੋਸ਼ੀਆਂ ਨੂੰ ਸਜ਼ਾ ਦਿੱਤੀ ਜਾਵੇ। ਇਹ ਘਟਨਾ ਵੈਸਟ ਬੈਂਕ ਵਿਚ ਪੂਰਬ ਦੀ ਇਕ ਬਸਤੀ ਹੋਮੇਸ਼ ਨੇੜੇ ਵਾਪਰੀ। ਇਸ ਬਸਤੀ ਨੂੰ 2005 ਵਿੱਚ ਗਾਜ਼ਾ ਪੱਟੀ ਤੋਂ ਇਜ਼ਰਾਈਲ ਦੀ ਵਾਪਸੀ ਦੇ ਹਿੱਸੇ ਵਜੋਂ ਢਾਹ ਦਿੱਤਾ ਗਿਆ ਸੀ। ਹਾਲਾਂਕਿ ਹਾਲ ਹੀ ਦੇ ਸਾਲਾਂ ਵਿਚ ਉਥੇ ਰਹਿਣ ਵਾਲੇ ਲੋਕਾਂ ਨੇ ਨਾਜਾਇਜ਼ ਚੌਕੀ ਬਣਾ ਲਈ ਹੈ। ਇਹ ਵੈਸਟ ਬੈਂਕ ਦੀਆਂ ਦਰਜਨਾਂ ਚੌਕੀਆਂ ਵਿੱਚੋਂ ਇੱਕ ਹੈ ਜਿਸ ਨੂੰ ਇਜ਼ਰਾਈਲ ਗੈਰ-ਕਾਨੂੰਨੀ ਮੰਨਦਾ ਹੈ।
ਪੜ੍ਹੋ ਇਹ ਅਹਿਮ ਖਬਰ -ਮਹਿਲਾ ਦੇ ਲੀਵਰ 'ਚ ਪਲ ਰਿਹਾ ਸੀ ਭਰੂਣ, ਡਾਕਟਰ ਵੀ ਹੋਏ ਹੈਰਾਨ
ਫ਼ੌਜ ਦੇ ਬੁਲਾਰੇ ਲੈਫਟੀਨੈਂਟ ਕਰਨਲ ਅਮਨੋਨ ਸ਼ੈਫਲਰ ਨੇ ਕਿਹਾ ਕਿ ਯਹੂਦੀ ਸਕੂਲ ਤੋਂ ਨਿਕਲਣ ਦੇ ਬਾਅਦ ਕਾਰ 'ਚ ਸਵਾਰ ਯਾਤਰੀਆਂ 'ਤੇ ਚੈਕਪੁਆਇੰਟ 'ਤੇ ਗੋਲੀਬਾਰੀ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਕਾਰ 'ਤੇ 10 ਦੇ ਕਰੀਬ ਗੋਲੀਆਂ ਚਲਾਈਆਂ ਗਈਆਂ। ਉਨ੍ਹਾਂ ਕਿਹਾ ਕਿ ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਹਮਲਾਵਰਾਂ ਦੀ ਗਿਣਤੀ ਇੱਕ ਸੀ ਜਾਂ ਜ਼ਿਆਦਾ ਅਤੇ ਕੀ ਹਮਲਾਵਰ ਨੇ ਇਕੱਲੇ ਹੀ ਘਟਨਾ ਨੂੰ ਅੰਜਾਮ ਦਿੱਤਾ ਜਾਂ ਕਿਸੇ ਸੰਗਠਿਤ ਅੱਤਵਾਦੀ ਸਮੂਹ ਵੱਲੋਂ ਭੇਜਿਆ ਗਿਆ ਸੀ। ਅਜੇ ਤੱਕ ਕਿਸੇ ਨੇ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ ਪਰ ਗਾਜ਼ਾ ਪੱਟੀ 'ਤੇ ਸ਼ਾਸਨ ਕਰਨ ਵਾਲੇ ਸਮੂਹ ਹਮਾਸ ਨੇ ਹਮਲੇ ਦੀ ਸ਼ਲਾਘਾ ਕੀਤੀ ਹੈ।
ਜਾਪਾਨ ਦੇ ਓਸਾਕਾ ’ਚ ਇਮਾਰਤ ਨੂੰ ਲੱਗੀ ਭਿਆਨਕ ਅੱਗ, 27 ਲੋਕਾਂ ਦੀ ਮੌਤ
NEXT STORY 
