ਕੈਨਬਰਾ (ਭਾਸ਼ਾ): ਆਸਟ੍ਰੇਲੀਆ ਵਿਚ ਪੜ੍ਹਾਈ ਕਰਨ ਦੇ ਚਾਹਵਾਨ ਵਿਦਿਆਰਥੀਆਂ ਲਈ ਵੱਡੀ ਖਬਰ ਹੈ। ਹੁਣ ਆਸਟ੍ਰੇਲੀਆਈ ਸਰਕਾਰ ਨੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਦੱਖਣੀ ਆਸਟ੍ਰੇਲੀਆ (SA) ਵਿਚ ਪਰਤਣ ਦੀ ਇਕ ਯੋਜਨਾ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।ਇਹ ਯੋਜਨਾ, ਜੋ ਕਿ ਐਡੀਲੇਡ ਯੂਨੀਵਰਸਿਟੀ, ਸਾਊਥ ਆਸਟ੍ਰੇਲੀਆ ਯੂਨੀਵਰਸਿਟੀ (UniSA) ਅਤੇ ਫਲਿੰਡਰਜ਼ ਯੂਨੀਵਰਸਿਟੀ ਦੁਆਰਾ ਪ੍ਰਸਤਾਵਿਤ ਕੀਤੀ ਗਈ ਸੀ, ਦੇ ਤਹਿਤ 300 ਅੰਤਰਰਾਸ਼ਟਰੀ ਵਿਦਿਆਰਥੀ ਨਵੰਬਰ ਅਤੇ ਜਨਵਰੀ ਦੇ ਦਰਮਿਆਨ ਇਸ ਰਾਜ ਲਈ ਉਡਾਣ ਭਰਨਗੇ।
ਦੱਖਣੀ ਆਸਟ੍ਰੇਲੀਆ ਵਿਚ ਪਹੁੰਚਣ 'ਤੇ ਉਨ੍ਹਾਂ ਨੂੰ ਕਲਾਸਾਂ ਵਿਚ ਸ਼ਾਮਲ ਹੋਣ ਤੋਂ ਪਹਿਲਾਂ 14 ਦਿਨਾਂ ਦੀ ਵੱਖਰੀ ਇਕਾਂਤਵਾਸ ਮਿਆਦ ਵਿਚ ਰਹਿਣਾ ਪਵੇਗਾ। ਯੂਨੀਅਨ ਦੇ ਉਪ-ਕੁਲਪਤੀ (VC) ਡੇਵਿਡ ਲੋਇਡ ਨੇ ਦੱਸਿਆ,"ਇਹ ਪ੍ਰੋਗਰਾਮ ਇਕ ਸੰਕਲਪ ਦੇ ਸਬੂਤ ਵਜੋਂ ਕੰਮ ਕਰੇਗਾ ਜੋ ਇਹ ਦਰਸਾਉਂਦਾ ਹੈ ਕਿ ਅਸੀਂ ਦੱਖਣੀ ਆਸਟ੍ਰੇਲੀਆ ਵਿਚ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਪੜ੍ਹਾਈ ਲਈ ਵਾਪਸ ਜਾਣ ਦਾ ਪ੍ਰਬੰਧ ਕਰ ਸਕਦੇ ਹਾਂ, ਜਦੋਂ ਭਵਿੱਖ ਵਿਚ ਸਰਹੱਦਾਂ ਖੁੱਲ੍ਹਦੀਆਂ ਹਨ।" ਇਹ ਯੋਜਨਾ ਵੱਧ ਤੋਂ ਵੱਧ 160 ਐਡੀਲੇਡ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਦੀ ਇਜਾਜ਼ਤ ਦਿੰਦੀ ਹੈ, ਜਦੋਂ ਕਿ UniSA 90 ਅਤੇ ਫਲਿੰਡਰਜ਼ ਯੂਨੀਵਰਸਿਟੀ 45 ਲਿਆਉਣ ਦੇ ਯੋਗ ਹੋਵੇਗੀ।
ਪੜ੍ਹੋ ਇਹ ਅਹਿਮ ਖਬਰ- ਆਸਟ੍ਰੇਲੀਆ ਨੂੰ ਭਾਰਤ ਨਾਲ ਨੇੜਲੇ ਰੱਖਿਆ ਸੰਬੰਧਾਂ ਨੂੰ ਅਪਨਾਉਣਾ ਚਾਹੀਦਾ ਹੈ : ਰਿਪੋਰਟ
'ਭਾਵੇਂਕਿ, ਦੇਸ਼ ਪਰਤਣ ਦੇ ਚਾਹਵਾਨ ਆਸਟ੍ਰੇਲੀਆ ਦੇ ਨਾਗਰਿਕਾਂ ਨੂੰ ਉਡਾਣਾਂ ਲਈ ਤਰਜੀਹ ਦਿੱਤੀ ਜਾਵੇਗੀ। ਫਲਿੰਡਰਜ਼ ਦੇ ਵੀ.ਸੀ. ਸਬੇਸਟੀਅਨ ਰੈਨਸਕੋਲਡ ਨੇ ਕਿਹਾ,"ਪਾਇਲਟ ਪ੍ਰੋਗਰਾਮ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਕੈਂਪਸ ਵਿਚ ਵਾਪਸ ਆਉਣ ਲਈ ਸਵਾਗਤ ਕਰਨ ਲਈ ਇੱਕ ਮਹੱਤਵਪੂਰਣ ਕਦਮ ਹੈ ਅਤੇ ਸਰਹੱਦਾਂ ਮੁੜ ਖੋਲ੍ਹਣ 'ਤੇ ਸਾਡੇ ਵਧੇਰੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਆਸਟ੍ਰੇਲੀਆ ਲਿਆਉਣ ਦੇ ਯੋਗ ਹੋਣ ਵਿਚ ਇਸ ਦੀ ਸਫਲਤਾ ਮਹੱਤਵਪੂਰਣ ਹੈ।" ਆਸਟ੍ਰੇਲੀਆ ਵਿਚ ਦਾਖਲ ਹੋਣ ਵਾਲੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦਾ ਇਹ ਦੂਜਾ ਸਮੂਹ ਹੋਵੇਗਾ ਕਿਉਂਕਿ ਦੇਸ਼ ਵਿਚ ਅੰਤਰਰਾਸ਼ਟਰੀ ਸਰਹੱਦ ਮਾਰਚ ਵਿਚ ਕੋਰੋਨਾਵਾਇਰਸ ਦੇ ਪ੍ਰਕੋਪ ਨੂੰ ਰੋਕਣ ਲਈ ਬੰਦ ਕਰ ਦਿੱਤੀ ਗਈ ਸੀ। ਨਾਰਦਰਨ ਟੈਰੀਟਰੀ (NT) ਵਿਚ ਚਾਰਲਸ ਡਾਰਵਿਨ ਯੂਨੀਵਰਸਿਟੀ ਨੂੰ ਅਕਤੂਬਰ ਦੇ ਸ਼ੁਰੂ ਵਿਚ 70 ਵਿਦਿਆਰਥੀਆਂ ਲਈ ਇਸੇ ਯੋਜਨਾ ਲਈ ਪ੍ਰਵਾਨਗੀ ਮਿਲੀ ਸੀ।ਅੰਤਰਰਾਸ਼ਟਰੀ ਵਿਦਿਆਰਥੀ SA ਆਰਥਿਕਤਾ ਲਈ ਹਰ ਸਾਲ 2 ਅਰਬ ਤੋਂ ਵੱਧ ਆਸਟ੍ਰੇਲੀਅਨ ਡਾਲਰ (1.4 ਬਿਲੀਅਨ ਅਮਰੀਕੀ ਡਾਲਰ) ਦਾ ਸਹਿਯੋਗ ਕਰਦੇ ਹਨ।
ਯੂ. ਐੱਸ. ਦੇ ਬੀਮਾਰੀ ਰੋਕਥਾਮ ਕੇਂਦਰ ਨੇ ਕੋਰੋਨਾ ਪੀੜਤ ਦੇ ਨੇੜਲੇ ਸੰਪਰਕਾਂ ਦੀ ਪਰਿਭਾਸ਼ਾ ਬਦਲੀ
NEXT STORY 
