ਵਿਯਤਨਾਮ- ਸੋਸ਼ਲ ਮੀਡੀਆ 'ਤੇ ਇਕ ਬੇਹੱਦ ਹੈਰਾਨ ਕਰਨ ਵਾਲਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਹ ਵੀਡੀਓ ਵਿਯਤਨਾਮ ਦਾ ਹੈ। ਇਸ ਵੀਡੀਓ 'ਚ 12ਵੀਂ ਮੰਜ਼ਲ ਦਾ ਬਾਲਕਨੀ ਤੋਂ ਡਿੱਗੀ 2 ਸਾਲਾ ਬੱਚੀ ਨੂੰ ਇਕ ਡਿਲਿਵਰੀ ਡਰਾਈਵਰ ਨੇ ਫੜ ਲਿਆ। ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕ ਡਰਾਈਵਰ ਦੀ ਤਾਰੀਫ਼ ਕਰ ਰਹੇ ਹਨ। ਜਾਣਕਾਰੀ ਅਨੁਸਾਰ ਘਟਨਾ ਉਦੋਂ ਹੋਈ, ਜਦੋਂ ਸਾਮਾਨ ਡਿਲੀਵਰ ਕਰਨ ਲਈ ਇਕ ਡਰਾਈਵਰ ਆਪਣੇ ਟਰੱਕ 'ਚ ਬੈਠ ਕੇ ਇੰਤਜ਼ਾਰ ਕਰ ਰਿਹਾ ਸੀ, ਉਦੋਂ ਉਸ ਨੇ ਇਕ ਬੱਚੀ ਨੂੰ ਬਾਲਕਨੀ ਦੇ ਕੋਨੇ 'ਤੇ ਲਟਕੇ ਹੋਏ ਦੇਖਿਆ। ਇਹ ਦੇਖਦੇ ਹੀ ਉਹ ਉਸ ਨੂੰ ਫੜਨ ਲਈ ਗੱਡੀ 'ਚੋਂ ਨਿਕਲ ਆਇਆ। ਜਿਵੇਂ ਹੀ ਬੱਚੀ ਦਾ ਹੱਥ ਫਿਸਲਿਆ, ਉਦੋਂ ਡਰਾਈਵਰ ਨੇ ਉਸ ਨੂੰ ਫੜ ਲਿਆ।
ਡਰਾਈਵਰ ਨੇ ਦੱਸਿਆ ਕਿ ਖੁਸ਼ਕਿਸਮਤੀ ਨਾਲ ਬੱਚੀ ਮੇਰੀ ਗੋਦ 'ਚ ਆ ਕੇ ਡਿੱਗੀ। ਇਹ ਵੀਡੀਓ ਲੋਕਾਂ ਵਿਚਾਲੇ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਉੱਥੇ ਹੀ ਇਸ ਪੂਰੀ ਘਟਨਾ ਦੌਰਾਨ ਬੱਚੀ ਦੇ ਮੂੰਹ 'ਚੋਂ ਖੂਨ ਵੀ ਨਿਕਲ ਆਇਆ ਅਤੇ ਉਸ ਨੂੰ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ, ਫਿਲਹਾਲ ਉਹ ਸਿਹਤਮੰਦ ਦੱਸੀ ਜਾ ਰਹੀ ਹੈ। ਜਿਸ ਬਿਲਡਿੰਗ ਤੋਂ ਬੱਚੀ ਡਿੱਗੀ, ਉਸ ਦੀ ਉੱਚਾਈ 164 ਫੁੱਟ ਦੱਸੀ ਜਾ ਰਹੀ ਹੈ। ਵੀਡੀਓ ਦੇਖ ਕੇ ਹਰ ਕੋਈ ਹੈਰਾਨ ਹੈ ਕਿ ਆਖ਼ਰਕਾਰ ਬੱਚੀ ਦੀ ਜਾਨ ਬਚ ਗਈ। ਜੇਕਰ ਡਰਾਈਵਰ ਸਹੀ ਮੌਕੇ 'ਤੇ ਨਹੀਂ ਪਹੁੰਚਿਆ ਹੁੰਦਾ ਤਾਂ ਬੱਚੀ ਦਾ ਬਚਣਾ ਮੁਸ਼ਕਲ ਸੀ।
ਇਹ ਵੀ ਪੜ੍ਹੋ : ਪੰਜਾਬੀਆਂ ਲਈ ਮਾਣ ਦੀ ਗੱਲ, ਆਸਟ੍ਰੇਲੀਆ 'ਚ ਬਣੇਗਾ ਪਹਿਲਾ ‘ਸਿੱਖ ਸਕੂਲ’
ਨੋਟ : ਡਿਲਿਵਰੀ ਬੁਆਏ ਦੀ ਹੁਸ਼ਿਆਰੀ ਬਾਰੇ ਕੀ ਹੈ ਤੁਹਾਡੀ ਰਾਏ
ਅਮਰੀਕਾ : ਬਾਈਡੇਨ ਪ੍ਰਸ਼ਾਸ਼ਨ 'ਚ ਭਾਰਤੀ ਮੂਲ ਦੀ ਪ੍ਰਮਿਲਾ ਜੈਪਾਲ ਨੂੰ ਮਿਲਿਆ ਮਹੱਤਵਪੂਰਨ ਅਹੁਦਾ
NEXT STORY 
