ਇੰਟਰਨੈਸ਼ਨਲ ਡੈਸਕ : ਨੇਪਾਲ 'ਚ ਬੁੱਧਵਾਰ ਰਾਤ ਸੰਸਦ ਮੈਂਬਰ ਚੰਦਰ ਭੰਡਾਰੀ ਦੇ ਘਰ 'ਚ ਹੋਏ ਧਮਾਕੇ ਕਾਰਨ ਭੰਡਾਰੀ ਤੇ ਉਨ੍ਹਾਂ ਦੀ ਮਾਂ ਗੰਭੀਰ ਰੂਪ ਨਾਲ ਝੁਲਸ ਗਏ। ਐੱਲਪੀਜੀ ਸਿਲੰਡਰ ਫਟਣ ਕਾਰਨ ਇਸ ਹਾਦਸੇ ਵਿੱਚ ਭੰਡਾਰੀ ਦੀ ਮਾਂ ਹਰਿਕਲਾ ਦੀ ਮੌਤ ਹੋ ਗਈ ਹੈ। ਜਾਣਕਾਰੀ ਮੁਤਾਬਕ ਐੱਮਪੀ ਨੂੰ ਬਿਹਤਰ ਇਲਾਜ ਲਈ ਏਅਰਲਿਫਟ ਕਰਕੇ ਮੁੰਬਈ ਭੇਜਿਆ ਜਾਵੇਗਾ। ਮੀਡੀਆ ਰਿਪੋਰਟਾਂ ਮੁਤਾਬਕ ਕਾਠਮੰਡੂ ਦੇ ਬੁੱਧਨਗਰ 'ਚ ਰਾਤ 10.30 ਵਜੇ (ਸਥਾਨਕ ਸਮੇਂ ਅਨੁਸਾਰ) ਸੰਸਦ ਮੈਂਬਰ ਚੰਦਰ ਭੰਡਾਰੀ ਦੇ ਘਰ 'ਚ ਇਕ LPG ਸਿਲੰਡਰ ਫਟ ਗਿਆ, ਜਿਸ ਵਿੱਚ ਉਹ ਅਤੇ ਉਨ੍ਹਾਂ ਦੀ ਮਾਂ ਬੁਰੀ ਤਰ੍ਹਾਂ ਨਾਲ ਝੁਲਸ ਗਏ।
ਇਹ ਵੀ ਪੜ੍ਹੋ : ਤਾਇਵਾਨ ਨੂੰ ਲੈ ਕੇ ਫਿਰ ਬੌਖਲਾਇਆ ਚੀਨ, 2 ਅਮਰੀਕੀ ਰੱਖਿਆ ਕੰਪਨੀਆਂ 'ਤੇ ਲਗਾਈ ਪਾਬੰਦੀ
ਸੰਸਦ ਮੈਂਬਰ ਚੰਦਰ ਭੰਡਾਰੀ ਧਮਾਕੇ 'ਚ 25 ਫ਼ੀਸਦੀ ਝੁਲਸੇ ਹਨ, ਜਦਕਿ ਉਨ੍ਹਾਂ ਦੀ ਮਾਂ ਕਰੀਬ 80 ਫ਼ੀਸਦੀ ਝੁਲਸ ਗਈ ਸੀ। ਘਟਨਾ ਤੋਂ ਤੁਰੰਤ ਬਾਅਦ ਉਨ੍ਹਾਂ ਨੂੰ ਕੀਰਤੀਪੁਰ ਦੇ ਬਰਨਜ਼ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਡਾਕਟਰਾਂ ਨੇ ਸੰਸਦ ਮੈਂਬਰ ਦੀ ਮਾਂ ਦੀ ਹਾਲਤ ਨਾਜ਼ੁਕ ਦੱਸੀ ਸੀ, ਜਿਸ ਕਾਰਨ ਬਿਹਤਰ ਇਲਾਜ ਲਈ ਸੰਸਦ ਮੈਂਬਰ ਤੇ ਉਨ੍ਹਾਂ ਦੀ ਮਾਂ ਨੂੰ ਹਵਾਈ ਜਹਾਜ਼ ਰਾਹੀਂ ਮੁੰਬਈ ਲਿਜਾਣ ਦੀ ਯੋਜਨਾ ਬਣਾਈ ਜਾ ਰਹੀ ਸੀ। ਇਸ ਦੌਰਾਨ ਉਨ੍ਹਾਂ ਦੀ ਮਾਂ ਹਰਿਕਲਾ ਭੰਡਾਰੀ ਦੀ ਮੌਤ ਹੋ ਗਈ। ਨੇਪਾਲ ਸਕੱਤਰੇਤ ਵੱਲੋਂ ਦੱਸਿਆ ਗਿਆ ਕਿ ਨੇਪਾਲ ਦੇ ਸੰਸਦ ਮੈਂਬਰ ਚੰਦਰ ਭੰਡਾਰੀ ਨੂੰ ਬਿਹਤਰ ਇਲਾਜ ਲਈ ਹਵਾਈ ਜਹਾਜ਼ ਰਾਹੀਂ ਮੁੰਬਈ ਲਿਜਾਇਆ ਜਾਵੇਗਾ। ਕੀਰਤੀਪੁਰ ਬਰਨਜ਼ ਹਸਪਤਾਲ ਦੇ ਡਾਕਟਰਾਂ ਅਨੁਸਾਰ ਸੰਸਦ ਮੈਂਬਰ ਬੁਰੀ ਤਰ੍ਹਾਂ ਝੁਲਸ ਚੁੱਕੇ ਹਨ ਅਤੇ ਇੱਥੇ ਬਿਹਤਰ ਇਲਾਜ ਸੰਭਵ ਨਹੀਂ ਹੈ।
ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
ਤਾਇਵਾਨ ਨੂੰ ਲੈ ਕੇ ਫਿਰ ਬੌਖਲਾਇਆ ਚੀਨ, 2 ਅਮਰੀਕੀ ਰੱਖਿਆ ਕੰਪਨੀਆਂ 'ਤੇ ਲਗਾਈ ਪਾਬੰਦੀ
NEXT STORY 
