ਬੀਜਿੰਗ-ਲਿਥੁਆਨੀਆ ਦੀ ਰਾਜਧਾਨੀ ਵਿਲਨੀਅਸ 'ਚ ਤਾਈਵਾਨ ਨੂੰ ਆਪਣਾ ਪ੍ਰਤੀਨਿਧੀਤਾ ਦਫ਼ਤਰ ਖੋਲ੍ਹੱਣ ਦੀ ਇਜਾਜ਼ਤ ਦੇਣ ਤੋਂ ਬਾਅਦ ਚੀਨ ਨੇ ਸ਼ੁੱਕਰਵਾਰ ਨੂੰ ਬਾਲਟਿਕ ਦੇਸ਼ ਨੂੰ ਇਸ ਦਾ ਨਤੀਜਾ ਭੁਗਤਣ ਦੀ ਧਮਕੀ ਦਿੱਤੀ। ਚੀਨੀ ਵਿਦੇਸ਼ ਮੰਤਰਾਲਾ ਦੇ ਬੁਲਾਰੇ ਝਾਓ ਲਿਜੀਆਨ ਨੇ ਕਿਹਾ ਕਿ ਲਿਥੁਆਨੀਆ ਜੋ ਬੀਜੇਗਾ, ਉਹ ਵੱਢੇਗਾ। ਝਾਓ ਨੇ ਇਸ ਦਾ ਬਾਰੇ 'ਚ ਵਿਸਤਾਰ ਨਾਲ ਨਹੀਂ ਦੱਸਿਆ। ਉਨ੍ਹਾਂ ਨੇ ਲਿਥੁਆਨੀਆ ਦੇ ਕਦਮ ਨੂੰ ਗਲਤ ਅਤੇ ਚੀਨ ਦੇ ਅੰਦਰੂਨੀ ਮਾਮਲਿਆਂ 'ਚ ਦਖਲਅੰਦਾਜ਼ੀ ਕਰਾਰ ਦਿੱਤਾ।
ਇਹ ਵੀ ਪੜ੍ਹੋ : APS ਦਿਓਲ ਦੀ ਥਾਂ ਦੀਪਇੰਦਰ ਸਿੰਘ ਪਟਵਾਲੀਆ ਹੋਣਗੇ ਪੰਜਾਬ ਦੇ ਨਵੇਂ AG
ਵੀਰਵਾਰ ਨੂੰ ਖੁਲ੍ਹੇ ਦਫ਼ਤਰ 'ਤੇ ਤਾਈਵਾਨ ਨਾਂ ਲਿਖਿਆ ਹੈ ਨਾ ਕਿ ''ਚੀਨੀ ਤਾਈਪੇ।'' ਜ਼ਿਕਰਯੋਗ ਹੈ ਕਿ ਚੀਨ ਦੀ ਨਾਰਾਜ਼ਗੀ ਤੋਂ ਬਚਣ ਲਈ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਅਤੇ ਕਈ ਦੇਸ਼ ਤਾਈਵਾਨ ਨੂੰ 'ਚੀਨੀ ਤਾਈਪੇ' ਨਾਂ ਨਾਲ ਸੰਬੋਧਿਤ ਕਰਦੇ ਹਨ। ਤਾਈਵਾਨ ਤੋਂ ਡਿਪਲੋਮੈਟ ਰੂਪ ਨਾਲ ਰਸਮੀ ਸੰਬੰਧ ਰੱਖਣ ਵਾਲੇ ਸਿਰਫ 15 ਦੇਸ਼ ਹਨ ਪਰ ਉਹ ਸਾਰੇ ਦੇਸ਼ਾਂ ਨਾਲ ਗੈਰ-ਰਸਮੀ ਸੰਬੰਧ ਰੱਖਦਾ ਹੈ ਜਿਥੇ ਉਸ ਦੇ ਕਾਰੋਬਾਰੀ ਦਫ਼ਤਰ ਹਨ ਜੋ ਅਸਿੱਧੇ ਤੌਰ 'ਤੇ ਦੂਤਾਵਾਸ ਦਾ ਕੰਮ ਕਰਦੇ ਹਨ।
ਇਹ ਵੀ ਪੜ੍ਹੋ : ਰੂਸ 'ਚ ਲਗਾਤਾਰ ਤੀਸਰੇ ਦਿਨ ਕੋਰੋਨਾ ਵਾਇਰਸ ਨਾਲ ਰਿਕਾਰਡ ਗਿਣਤੀ 'ਚ ਹੋਈ ਲੋਕਾਂ ਦੀ ਮੌਤ
ਇਨ੍ਹਾਂ ਦੇਸ਼ਾਂ 'ਚ ਅਮਰੀਕਾ ਅਤੇ ਜਾਪਾਨ ਵੀ ਸ਼ਾਮਲ ਹੈ। ਲਿਥੁਆਨੀਆ 'ਚ ਤਾਈਵਾਨ ਦਾ ਦਫ਼ਤਰ ਖੁਲ੍ਹੱਣ ਤੋਂ ਬਾਅਦ ਪ੍ਰਤੀਕਿਰਿਆ ਦੇ ਤੌਰ 'ਤੇ ਚੀਨ ਕੀ ਕਾਰਵਾਈ ਕਰੇਗਾ ਇਹ ਵੀ ਸਪੱਸ਼ਟ ਨਹੀਂ ਹੈ। ਬੀਜਿੰਗ ਨੇ ਪਹਿਲਾਂ ਤੋਂ ਵਿਲਨੀਅਸ ਤੋਂ ਆਪਣਾ ਰਾਜਦੂਤ ਵਾਪਸ ਬੁਲਾ ਲਿਆ ਸੀ ਅਤੇ ਲਿਥੁਆਨੀਆ ਦੇ ਰਾਜਦੂਤ ਨੂੰ ਕੱਢ ਦਿੱਤਾ ਸੀ। ਸਾਲ ਦੇ ਆਖਿਰ ਤੱਕ ਲਿਥੁਆਨੀਆ ਤਾਈਪੇ 'ਚ ਆਪਣਾ ਪ੍ਰਤੀਨਿਧੀ ਦਫ਼ਤਰ ਖੋਲ੍ਹਣ ਦੀ ਯੋਜਨਾ ਬਣਾ ਰਿਹਾ ਹੈ।
ਇਹ ਵੀ ਪੜ੍ਹੋ : ਕੋਰੋਨਾ ਦਾ ਪਹਿਲਾ ਮਾਮਲਾ ਵੁਹਾਨ ਦੇ ਜੰਤੁ ਬਾਜ਼ਾਰ 'ਚ ਇਕ ਮਹਿਲਾ ਵਿਕਰੇਤਾ ਦਾ ਸੀ : ਅਧਿਐਨ
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
ਰੂਸ 'ਚ ਲਗਾਤਾਰ ਤੀਸਰੇ ਦਿਨ ਕੋਰੋਨਾ ਵਾਇਰਸ ਨਾਲ ਰਿਕਾਰਡ ਗਿਣਤੀ 'ਚ ਹੋਈ ਲੋਕਾਂ ਦੀ ਮੌਤ
NEXT STORY 
