ਬੀਜਿੰਗ (ਏਜੰਸੀ): ਚੀਨ ਨੇ 2020 ਤੋਂ ਬਾਅਦ ਵਿਦੇਸ਼ੀਆਂ ਲਈ ਇਕ ਅਹਿਮ ਐਲਾਨ ਕੀਤਾ। ਚੀਨ ਨੇ ਕਿਹਾ ਕਿ ਉਹ ਬੁੱਧਵਾਰ ਤੋਂ ਵਿਦੇਸ਼ੀਆਂ ਨੂੰ ਸਾਰੀਆਂ ਸ਼੍ਰੇਣੀਆਂ ਦੇ ਵੀਜ਼ੇ ਦੁਬਾਰਾ ਜਾਰੀ ਕਰਨਾ ਸ਼ੁਰੂ ਕਰ ਦੇਵੇਗਾ। ਮਤਲਬ ਕੋਵਿਡ-19 ਦੇ ਫੈਲਾਅ ਨੂੰ ਰੋਕਣ ਲਈ ਤਿੰਨ ਸਾਲ ਪਹਿਲਾਂ ਲਗਾਈਆਂ ਪਾਬੰਦੀਆਂ ਹਟਾਈਆਂ ਜਾਣਗੀਆਂ।ਚੀਨ ਨੇ ਸੋਮਵਾਰ ਨੂੰ ਅਮਰੀਕਾ ਦੇ ਵਾਸ਼ਿੰਗਟਨ ਸਥਿਤ ਆਪਣੇ ਦੇਸ਼ ਦੇ ਦੂਤਘਰ ਤੋਂ ਇਹ ਐਲਾਨ ਕੀਤਾ। ਦੂਤਘਰ ਦੇ ਨੋਟਿਸ ਵਿੱਚ ਕਿਹਾ ਗਿਆ ਕਿ ਨਵੇਂ ਯਾਤਰਾ ਦਸਤਾਵੇਜ਼ਾਂ ਦੀ ਸਮੀਖਿਆ ਅਤੇ ਪ੍ਰਵਾਨਗੀ ਦੀ ਪ੍ਰਕਿਰਿਆ ਹੁਣ ਸ਼ੁਰੂ ਹੋ ਜਾਵੇਗੀ। ਇਸ ਤੋਂ ਇਲਾਵਾ 28 ਮਾਰਚ, 2020 ਤੋਂ ਪਹਿਲਾਂ ਜਾਰੀ ਵੈਧ ਵੀਜ਼ਾ ਧਾਰਕਾਂ ਨੂੰ ਇਕ ਵਾਰ ਫਿਰ ਚੀਨ ਵਿਚ ਦਾਖਲ ਹੋਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਹੁਣ ਛੋਟੇ ਬੱਚਿਆਂ ਨੂੰ ਵੀ ਮਿਲੇਗਾ ਕੈਨੇਡਾ ਦਾ ਮਾਈਨਰ ਸਟੱਡੀ ਵੀਜ਼ਾ, ਮਾਂ-ਪਿਓ ਵੀ ਜਾ ਸਕਣਗੇ ਨਾਲ
ਸੈਲਾਨੀਆਂ ਲਈ ਖੋਲ੍ਹਿਆ ਜਾਵੇਗਾ ਹੈਨਾਨ ਦਾ ਦੱਖਣੀ ਟਾਪੂ
ਵਿਦੇਸ਼ ਮੰਤਰਾਲੇ ਨੇ ਮੰਗਲਵਾਰ ਨੂੰ ਕਿਹਾ ਕਿ ਚੀਨ ਦੇ ਉਹ ਖੇਤਰ ਜਿਨ੍ਹਾਂ ਨੂੰ ਮਹਾਮਾਰੀ ਤੋਂ ਪਹਿਲਾਂ ਵੀਜ਼ਾ ਦੀ ਜ਼ਰੂਰਤ ਨਹੀਂ ਸੀ, ਉਹ ਵੀਜ਼ਾ-ਮੁਕਤ ਦਾਖਲੇ ਲਈ ਵਾਪਸ ਆ ਜਾਣਗੇ। ਇਸ ਵਿੱਚ ਹੈਨਾਨ ਦਾ ਦੱਖਣੀ ਟੂਰਿਸਟ ਟਾਪੂ ਅਤੇ ਸ਼ੰਘਾਈ ਦੀ ਬੰਦਰਗਾਹ ਤੋਂ ਲੰਘਣ ਵਾਲੇ ਕਰੂਜ਼ ਜਹਾਜ਼ ਸ਼ਾਮਲ ਹੋਣਗੇ। ਹਾਂਗਕਾਂਗ ਅਤੇ ਮਕਾਊ ਦੇ ਵਿਦੇਸ਼ੀਆਂ ਲਈ ਗੁਆਂਗਡੋਂਗ ਦੇ ਦੱਖਣੀ ਨਿਰਮਾਣ ਕੇਂਦਰ ਵਿੱਚ ਵੀਜ਼ਾ-ਮੁਕਤ ਦਾਖਲਾ ਵੀ ਮੁੜ ਸ਼ੁਰੂ ਕੀਤਾ ਜਾਵੇਗਾ। ਮੰਤਰਾਲੇ ਨੇ ਇਹ ਵੀ ਕਿਹਾ ਕਿ 28 ਮਾਰਚ, 2020 ਤੋਂ ਪਹਿਲਾਂ ਜਾਰੀ ਵੀਜ਼ਾ ਰੱਖਣ ਵਾਲੇ ਵਿਦੇਸ਼ੀ ਵੀ ਚੀਨ ਵਿੱਚ ਦਾਖਲ ਹੋ ਸਕਣਗੇ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸ਼ਰੀਫ ਤੇ ਜ਼ਰਦਾਰੀ ਪਰਿਵਾਰਾਂ ਨੇ ਤੋਸ਼ਾਖਾਨਾ ਲੁੱਟਿਆ, ਅਨਾਨਾਸ ਦਾ ਡੱਬਾ ਤੱਕ ਨਹੀਂ ਛੱਡਿਆ: ਫਵਾਦ ਚੌਧਰੀ
NEXT STORY 
