ਵਾਸ਼ਿੰਗਟਨ (ਬਿਊਰੋ): ਚੀਨ ਦੀ ਵਾਇਰੋਲੌਜਿਸਟ ਨੇ ਇਕ ਵਾਰ ਫਿਰ ਉਸੇ ਦਾਅਵੇ ਨੂੰ ਸੱਚ ਦੱਸਿਆ ਹੈ ਜਿਸ ਵਿਚ ਕਿਹਾ ਜਾ ਰਿਹਾ ਸੀ ਕਿ ਕੋਰੋਨਾਵਾਇਰਸ ਨੂੰ ਲੈਬ ਵਿਚ ਤਿਆਰ ਕੀਤਾ ਗਿਆ ਹੈ। ਚੀਨ ਦੀ ਵਿਗਿਆਨੀ ਡਾਕਟਰ ਲੀ ਮੇਂਗ ਯਾਨ ਨੇ ਕਿਹਾ ਹੈ ਕਿ ਚੀਨ ਦੀ ਸਰਕਾਰ ਨੇ ਕੋਰੋਨਾਵਾਇਰਸ ਮਹਾਮਾਰੀ ਨੂੰ ਦੁਨੀਆ ਤੋਂ ਲੁਕੋਇਆ। ਡੇਲੀ ਮੇਲ ਦੀ ਖਬਰ ਦੇ ਮੁਤਾਬਕ, ਉਹਨਾਂ ਦੇ ਕੋਲ ਇਸ ਗੱਲ ਦੇ ਸਬੂਤ ਹਨ ਕਿ ਵਾਇਰਸ ਮੈਨ ਮੇਡ ਮਤਲਬ ਇਨਸਾਨਾਂ ਨੇ ਲੈਬ ਵਿਚ ਬਣਾਇਆ ਹੈ। ਡਾਕਟਰ ਯਾਨ ਇਸ ਸਮੇਂ ਅਮਰੀਕਾ ਵਿਚ ਹਨ। ਉਹ ਵਾਇਰੋਲੌਜੀ ਅਤੇ ਇਮਿਊਨੋਲੌਜੀ ਵਿਚ ਮਾਹਰ ਹਨ। ਉਹ ਹਾਂਗਕਾਂਗ ਦੇ ਸਕੂਲ ਆਫ ਪਬਲਿਕ ਹੈਲਥ ਵਿਚ ਮਾਹਰ ਹਨ।
ਕੁਦਰਤੀ ਨਹੀਂ ਹੈ ਵਾਇਰਸ
ਡਾਕਟਰ ਯਾਨ ਨੇ ਦਾਅਵਾ ਕੀਤਾ ਹੈ ਕਿ ਚੀਨ ਦੀ ਸਰਕਾਰ ਨੂੰ ਬਹੁਤ ਪਹਿਲਾਂ ਹੀ ਕੋਰੋਨਾਵਾਇਰਸ ਦੇ ਬਾਰੇ ਵਿਚ ਪਤਾ ਸੀ। ਉਸ ਸਮੇਂ ਇਸ ਦੇ ਬਾਰੇ ਵਿਚ ਜਾਣਕਾਰੀ ਆਉਣੀ ਵੀ ਸ਼ੁਰੂ ਨਹੀਂ ਹੋਈ ਸੀ। ਯਾਨ ਨੇ ਕਿਹਾ ਕਿ ਉਹਨਾਂ ਨੂੰ ਹਾਂਗਕਾਂਗ ਛੱਡ ਕੇ ਭੱਜਣਾ ਪਿਆ ਕਿਉਂਕਿ ਉੱਥੇ ਉਹਨਾਂ ਦੀ ਜ਼ਿੰਦਗੀ ਖਤਰੇ ਵਿਚ ਸੀ। ਇਸ ਦੇ ਬਾਅਦ ਉਹ ਇਕ ਅਣਜਾਣ ਜਗ੍ਹਾ ਤੋਂ ਲੂਜ ਵੂਮੈਨ ਨਾਮ ਦੇ ਚੈਟ ਸ਼ੋਅ ਵਿਚ ਨਜ਼ਰ ਆਈ। ਉਹਨਾਂ ਨੇ ਇਸ ਗੱਲ ਦਾ ਖੁਲਾਸਾ ਕੀਤਾ ਕਿ ਚੀਨੀ ਸਰਕਾਰ ਨੇ ਸਰਕਾਰੀ ਡਾਟਾ ਬੇਸ ਵਿਚੋਂ ਉਹਨਾਂ ਦੇ ਬਾਰੇ ਵਿਚ ਹਰੇਕ ਜਾਣਕਾਰੀ ਹਟਾ ਦਿੱਤੀ ਹੈ। ਡਾਕਟਰ ਯਾਨ ਨੇ ਕਿਹਾ ਕਿ ਅਜਿਹੇ ਦਾਅਵੇ ਜਿਸ ਵਿਚ ਕਿਹਾ ਜਾ ਰਿਹਾ ਹੈ ਕਿ ਕੋਵਿਡ-19 ਵੁਹਾਨ ਦੀ ਵੈਟ ਮਾਰਕੀਟ ਤੋਂ ਆਇਆ ਸਿਰਫ ਧੁੰਦਲਾ ਸੱਚ ਹੈ। ਯਾਨ ਨੇ ਕਿਹਾ ਹੈ ਕਿ ਉਹਨਾਂ ਦੀ ਯੋਜਨਾ ਹੈ ਕਿ ਉਹ ਆਪਣੇ ਸਬੂਤਾਂ ਦੇ ਆਧਾਰ 'ਤੇ ਦੁਨੀਆ ਨੂੰ ਦੱਸੇ ਕਿ ਵਾਇਰਸ ਨੂੰ ਲੈਬ ਵਿਚ ਤਿਆਰ ਕੀਤਾ ਗਿਆ ਹੈ। ਉਹਨਾਂ ਦੇ ਸ਼ਬਦਾਂ ਮੁਤਾਬਕ, 'ਵਾਇਰਸ ਕੁਦਰਤੀ ਨਹੀਂ ਹੈ'।
ਵੁਹਾਨ ਦੀ ਲੈਬ ਤੋਂ ਆਇਆ ਕੋਰੋਨਾ
ਇਕ ਸਵਾਲ ਦੇ ਜਵਾਬ ਵਿਚ ਯਾਨ ਨੇ ਕਿਹਾ ਕਿ ਵਾਇਰਸ ਵੁਹਾਨ ਦੀ ਲੈਬ ਵਿਚੋਂ ਹੀ ਆਇਆ ਹੈ। ਡਾਕਟਰ ਯਾਨ ਨੇ ਕਿਹਾ ਕਿ ਉਹ ਅਜਿਹੇ ਸਬੂਤ ਪੇਸ਼ ਕਰੇਗੀ ਕਿ ਜਿਸ ਨਾਲ ਵਿਗਿਆਨਕ ਭਾਈਚਾਰੇ ਦੇ ਇਲਾਵਾ ਦੂਜੇ ਲੋਕ ਵੀ ਸਮਝ ਸਕਣਗੇ ਕਿ ਇਸ ਵਾਇਰਸ ਨੂੰ ਇਨਸਾਨਾਂ ਨੇ ਤਿਆਰ ਕੀਤਾ ਹੈ। ਯਾਨ, ਹਾਂਗਕਾਂਗ ਯੂਨੀਵਰਸਿਟੀ ਵਿਚ ਬਤੌਰ ਖੋਜੀ ਕੰਮ ਕਰ ਰਹੀ ਸੀ ਜਦੋਂ ਉਹਨਾਂ ਨੇ ਕੋਰੋਨਾਵਾਇਰਸ 'ਤੇ ਅਧਿਐਨ ਸ਼ੁਰੂ ਕੀਤਾ। ਚੀਨ ਬਾਰ-ਬਾਰ ਇਸ ਦੋਸ਼ ਤੋਂ ਇਨਕਾਰ ਕਰਦਾ ਰਿਹਾ ਹੈ ਕਿ ਵਾਇਰਸ ਲੈਬ ਵਿਚੋਂ ਨਿਕਲਿਆ ਹੈ। ਡਾਕਟਰ ਯਾਨ ਦੇ ਮੁਤਾਬਕ, ਵਾਇਰਸ ਦੇ ਜੀਨਸ ਸਿਕਵੇਂਸ ਕਿਸੇ ਫਿੰਗਰ ਪ੍ਰਿੰਟ ਦੀ ਤਰ੍ਹਾਂ ਹੁੰਦੇ ਹਨ ਜਿਸ ਨਾਲ ਇਹ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਇਹ ਲੈਬ ਵਿਚੋਂ ਆਇਆ ਹੈ ਜਾਂ ਕੁਦਰਤੀ ਹੈ।
ਯਾਨ ਨੇ ਕੀਤਾ ਖੁਲਾਸਾ
ਲੀ ਮੇਂਗ ਯਾਨ ਨੇ ਕਿਹਾ ਕਿ ਹਾਂਗਕਾਂਗ ਛੱਡਣ ਦੇ ਬਾਅਦ ਉਹਨਾਂ ਦੇ ਬਾਰੇ ਵਿਚ ਸਾਰੀ ਜਾਣਕਾਰੀ ਸਰਕਾਰ ਨੇ ਡਿਲੀਟ ਕਰ ਦਿੱਤੀ। ਉਹਨਾਂ ਨਾਲ ਜੁੜੇ ਲੋਕਾਂ ਨੂੰ ਕਿਹਾ ਗਿਆ ਕਿ ਉਹ ਅਫਵਾਹ ਫੈਲਾਉਣ ਕਿ ਉਹ ਝੂਠੀ ਹੈ ਅਤੇ ਉਹਨਾਂ ਨੂੰ ਕੁਝ ਪਤਾ ਨਹੀਂ। ਉਹਨਾਂ ਦਾ ਦਾਅਵਾ ਹੈ ਕਿ ਉਹ ਕੋਰੋਨਾ ਵਾਇਰਸ 'ਤੇ ਅਧਿਐਨ ਕਰਨ ਵਾਲੇ ਸ਼ੁਰੂਆਤ ਦੇ ਚੋਣਵੇਂ ਵਿਗਿਆਨੀਆਂ ਵਿਚੋਂ ਇਕ ਹਨ। ਡਾਕਟਰ ਯਾਨ ਨੇ ਦੱਸਿਆ ਕਿ ਦਸੰਬਰ 2019 ਵਿਚ ਉਹਨਾਂ ਦੇ ਸੁਪਰਵਾਈਜਰ ਨੇ ਹੀ ਸਾਰਸ ਜਿਹੇ ਮਾਮਲਿਆਂ ਦੀ ਜਾਂਚ ਕਰਨ ਲਈ ਕਿਹਾ ਸੀ ਪਰ ਬਾਅਦ ਵਿਚ ਉਹਨਾਂ ਨੂੰ ਡਰਾਇਆ ਜਾਣ ਲੱਗਾ। ਉਹਨਾਂ ਨੇ ਕਿਹਾ ਕਿ ਕੋਈ ਵੀ ਕਦੇ ਇਸ ਵਾਇਰਸ ਤੋਂ ਛੁਟਕਾਰਾ ਨਹੀਂ ਪਾ ਸਕਦਾ ਹੈ। ਇਹ ਹਮੇਸ਼ਾ ਹਰ ਕਿਸੇ ਦੀ ਜ਼ਿੰਦਗੀ ਲਈ ਖਤਰਾ ਰਹੇਗਾ।
ਪੜ੍ਹੋ ਇਹ ਅਹਿਮ ਖਬਰ- ਚੀਨ ਨਾਲ ਜਾਰੀ ਵਿਵਾਦ 'ਚ ਆਸਟ੍ਰੇਲੀਆਈ ਮੰਤਰੀ ਨੇ ਪੱਤਰਕਾਰਾਂ ਨੂੰ ਦਿੱਤੀ ਚੇਤਾਵਨੀ
ਇਕ ਹੋਰ ਡਾਕਟਰ ਨੇ ਕਹੀ ਅਜਿਹੀ ਗੱਲ
ਡਾਕਟਰ ਯਾਨ ਨੇ ਕਿਹਾ ਕਿ ਜਿਵੇਂ-ਜਿਵੇਂ ਮ੍ਰਿਤਕਾਂ ਦੀ ਗਿਣਤੀ ਵਧਣ ਲੱਗੀ ਤਾਂ ਉਹਨਾਂ ਨੂੰ ਇਹ ਨੈਤਿਕ ਜ਼ਿੰਮੇਵਾਰੀ ਮਹਿਸੂਸ ਹੋਈ ਕਿ ਉਹ ਸੱਚ ਤੋਂ ਪਰਦਾ ਹਟਾਉਣ। ਚੀਨ ਦੇ ਸਿਹਤ ਕਮਿਸ਼ਨ ਵੱਲੋਂ ਇਸ ਗੱਲ ਤੋਂ ਇਨਕਾਰ ਕਰ ਦਿੱਤਾ ਗਿਆ ਹੈ ਕਿ ਮਹਾਮਾਰੀ ਲੈਬ ਤੋਂ ਸ਼ੁਰੂ ਹੋਈ ਸੀ। ਕਮਿਸ਼ਨ ਦਾ ਕਹਿਣਾ ਹੈ ਕਿ ਇਸ ਗੱਲ ਦੇ ਕੋਈ ਸਬੂਤ ਨਹੀਂ ਹਨ ਕਿ ਵਾਇਰਸ ਕਿਸ ਲੈਬ ਵਿਚ ਬਣਾਇਆ ਗਿਆ ਹੈ। ਡਾਕਟਰ ਯਾਨ ਤੋਂ ਪਹਿਲਾਂ ਹਾਂਗਕਾਂਗ ਵਿਚ ਸਰਜਨ, ਫਿਜੀਸ਼ੀਅਨ, ਮਾਈਕ੍ਰੋਬਾਇਓਲੌਜੀਸਟ ਅਤੇ ਪ੍ਰੋਫੈਸਰ ਵੋਕ ਯੁੰਗ ਯੁਆਨ ਨੇ ਬੀ.ਬੀ.ਸੀ. ਨੂੰ ਦਿੱਤੇ ਇੰਟਰਿਵਿਊ ਵਿਚ ਅਜਿਹੀਆਂ ਹੀ ਗੱਲਾਂ ਕਹੀਆਂ ਸਨ। ਡਾਕਟਰ ਯੁਆਨ ਨੇ ਹੀ ਵੁਹਾਨ ਵਿਚ ਮਹਾਮਾਰੀ ਦੀ ਜਾਂਚ ਵਿਚ ਮਦਦ ਕੀਤੀ ਸੀ। ਉਹਨਾਂ ਨੇ ਕਿਹਾ ਸੀ ਕਿ ਹੁਨਾਨ ਵਾਈਲਡ ਲਾਈਫ ਮਾਰਕੀਟ ਵਿਚ ਸਾਰੇ ਸਬੂਤਾਂ ਨੂੰ ਨਸ਼ਟ ਕਰ ਦਿੱਤਾ ਗਿਆ ਸੀ ਅਤੇ ਕਲੀਨਿਕਲ ਫਾਈਂਡਿਗਸ ਦੀ ਪ੍ਰਤੀਕਿਰਿਆ ਵੀ ਬਹੁਤ ਘੱਟ ਸੀ।
ਚੀਨ ਨਾਲ ਜਾਰੀ ਵਿਵਾਦ 'ਚ ਆਸਟ੍ਰੇਲੀਆਈ ਮੰਤਰੀ ਨੇ ਪੱਤਰਕਾਰਾਂ ਨੂੰ ਦਿੱਤੀ ਚੇਤਾਵਨੀ
NEXT STORY 
