ਇੰਟਰਨੈਸ਼ਨਲ ਡੈਸਕ : ਅਮਰੀਕਾ ਵਿੱਚ ਸਿੱਖ ਭਾਈਚਾਰੇ ਲਈ ਇੱਕ ਇਤਿਹਾਸਕ ਪਲ ਸਾਹਮਣੇ ਆਇਆ ਹੈ। ਚਿਰਾਗ ਸਿੰਘ ਸਰਾਓ ਕੋਲੋਰਾਡੋ ਸਪ੍ਰਿੰਗਜ਼ ਸਥਿਤ ਅਮਰੀਕੀ ਵਾਯੂ ਸੈਨਾ ਅਕੈਡਮੀ (USAFA) ਵਿੱਚ ਸ਼ਾਮਲ ਹੋਣ ਵਾਲੇ ਪਹਿਲੇ ‘ਕੇਸਧਾਰੀ’ ਸਿੱਖ-ਅਮਰੀਕੀ ਬਣ ਗਏ ਹਨ। ਅਮਰੀਕਨ ਸਿੱਖ ਕੌਂਸਲ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਚਿਰਾਗ ਸਿੰਘ ਆਪਣੀ ਧਾਰਮਿਕ ਪਛਾਣ ਦੇ ਨਾਲ ਅਕੈਡਮੀ ਵਿੱਚ ਸੇਵਾ ਨਿਭਾਉਣਗੇ। ਚਿਰਾਗ ਸਿੰਘ ਦੀ ਨਿਯੁਕਤੀ 4 ਅਪ੍ਰੈਲ ਨੂੰ ਹੋਈ ਸੀ ਅਤੇ 20 ਜੂਨ ਨੂੰ ਉਨ੍ਹਾਂ ਨੂੰ ਅਧਿਕਾਰਤ ਤੌਰ 'ਤੇ ‘ਧਾਰਮਿਕ ਛੋਟ’ ਪ੍ਰਦਾਨ ਕੀਤੀ ਗਈ। ਇਸ ਵਿਸ਼ੇਸ਼ ਛੋਟ ਸਦਕਾ ਉਹ ਆਪਣੇ ਧਾਰਮਿਕ ਪ੍ਰਤੀਕਾਂ ਅਤੇ ਮੂਲ ਪਛਾਣ ਨੂੰ ਬਰਕਰਾਰ ਰੱਖਦੇ ਹੋਏ ਅਕੈਡਮੀ ਵਿੱਚ ਸਿਖਲਾਈ ਅਤੇ ਸੇਵਾ ਕਰ ਸਕਣਗੇ।
ਸ਼ਾਨਦਾਰ ਅਕਾਦਮਿਕ ਅਤੇ ਖੇਡ ਰਿਕਾਰਡ ਚਿਰਾਗ ਸਿੰਘ ਸਰਾਓ ਦਾ ਅਕਾਦਮਿਕ ਅਤੇ ਸਰਵਪੱਖੀ ਰਿਕਾਰਡ ਬਹੁਤ ਪ੍ਰਭਾਵਸ਼ਾਲੀ ਰਿਹਾ ਹੈ। ਉਹ ਇੱਕ ‘ਈਗਲ ਸਕਾਊਟ’ ਰਹਿ ਚੁੱਕੇ ਹਨ ਅਤੇ ਤਾਇਕਵਾਂਡੋ ਵਿੱਚ ‘ਸੈਕੰਡ-ਡਿਗਰੀ ਬਲੈਕ ਬੈਲਟ’ ਧਾਰਕ ਹਨ। ਇਸ ਤੋਂ ਇਲਾਵਾ, ਉਨ੍ਹਾਂ ਨੇ ਯੂਨੀਵਰਸਿਟੀ ਪੱਧਰ 'ਤੇ ਵਾਟਰ ਪੋਲੋ ਟੀਮ ਵਿੱਚ ਵੀ ਸ਼ਮੂਲੀਅਤ ਕੀਤੀ ਹੈ। ਅਕੈਡਮੀ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ, ਉਨ੍ਹਾਂ ਨੂੰ ‘ਏਅਰ ਫੋਰਸ ਰਿਜ਼ਰਵ ਆਫਿਸਰਜ਼ ਟ੍ਰੇਨਿੰਗ ਕਾਰਪ’ (ROTC) ਤੇ ‘ਨੇਵਲ ROTC’ ਦੋਵਾਂ ਤੋਂ ਸਕਾਲਰਸ਼ਿਪ ਦੀ ਪੇਸ਼ਕਸ਼ ਹੋਈ ਸੀ।
ਇੰਨਾ ਹੀ ਨਹੀਂ, ਉਨ੍ਹਾਂ ਨੂੰ ਦੱਖਣੀ ਕੈਲੀਫੋਰਨੀਆ ਯੂਨੀਵਰਸਿਟੀ ਅਤੇ ਵਾਸ਼ਿੰਗਟਨ ਯੂਨੀਵਰਸਿਟੀ ਵਰਗੀਆਂ ਵੱਕਾਰੀ ਸੰਸਥਾਵਾਂ ਵਿੱਚ ਵੀ ਦਾਖਲੇ ਦੇ ਪ੍ਰਸਤਾਵ ਮਿਲੇ ਸਨ, ਪਰ ਉਨ੍ਹਾਂ ਨੇ ਵਾਯੂ ਸੈਨਾ ਅਕੈਡਮੀ ਨੂੰ ਚੁਣਿਆ। ਚਿਰਾਗ ਸਿੰਘ 24 ਜੂਨ ਨੂੰ ਅਧਿਕਾਰਤ ਤੌਰ 'ਤੇ ਅਕੈਡਮੀ ਵਿੱਚ ਸ਼ਾਮਲ ਹੋਏ ਅਤੇ ਵਰਤਮਾਨ ਵਿੱਚ ਉਹ ਛੇ ਹਫ਼ਤਿਆਂ ਦੀ ਮੁੱਢਲੀ ਫੌਜੀ ਸਿਖਲਾਈ ਪ੍ਰਾਪਤ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ਇਹ ਅਕੈਡਮੀ ਅਮਰੀਕਾ ਦੀਆਂ ਪੰਜ ਪ੍ਰਮੁੱਖ ਸੰਘੀ ਫੌਜੀ ਸੇਵਾ ਅਕੈਡਮੀਆਂ ਵਿੱਚੋਂ ਇੱਕ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਰੂਸ ਸੁੱਟਣ ਲੱਗਾ ਸੀ ਪ੍ਰਮਾਣੂ ਬੰਬ ! PM ਮੋਦੀ ਨੇ ਐਨ ਮੌਕੇ 'ਫੜ੍ਹ ਲਈ' ਪੁਤਿਨ ਦੀ 'ਬਾਂਹ'
NEXT STORY 
