ਬਰੇਸ਼ੀਆ (ਦਲਵੀਰ ਸਿੰਘ ਕੈਂਥ)- ਇਟਲੀ ਦੀ ਸਿਰਮੌਰ ਧਰਮ ਪ੍ਰਚਾਰ ਸੰਸਥਾ ਕਲਤੂਰਾ ਸਿੱਖ ਵੱਲੋਂ ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨ ਅਤੇ ਉਹਨਾਂ ਦੇ ਮਨੋਬਲ ਨੂੰ ਉੱਚਾ ਚੁੱਕਣ ਲਈ ਬਰੇਸ਼ੀਆ ਦੇ ਵੇਰੋਲਾਨੋਵਾ ਵਿਖੇ ਸਹਿਯੋਗੀਆਂ ਮਦਦ ਨਾਲ ਕ੍ਰਿਕਟ ਟੂਰਨਾਮੈਂਟ ਕਰਵਾਇਆ ਗਿਆ। ਕਲਤੂਰਾ ਸਿੱਖ ਸੰਸਥਾ ਦੇ ਸੇਵਾਦਾਰਾਂ ਵੱਲੋਂ ਪ੍ਰੈਸ ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਗਿਆ ਕਿ ਇਸ ਟੂਰਨਾਮੈਂਟ ਵਿੱਚ ਉੱਤਰੀ ਇਟਲੀ ਦੇ ਵੱਖ ਸ਼ਹਿਰਾਂ ਤੋਂ 16 ਟੀਮਾਂ ਨੇ ਹਿੱਸਾ ਲਿਆ। ਇਹ ਮੈਚ ਦੋ ਵੱਖਰੀਆਂ ਗਰਾਂਊਡਾਂ ਵਿੱਚ ਕਰਵਾਏ ਗਏ। ਹਰ ਮੈਚ ਤੋਂ ਬਾਅਦ ਮੈਨ ਆਫ਼ ਦਾ ਮੈਚ ਕੱਢੇ ਗਏ ਅਤੇ ਉਹਨਾਂ ਦਾ ਸਨਮਾਨ ਕੀਤਾ ਗਿਆ।
ਸੈਮੀਫਾਈਨਲ ਮੁਕਾਬਲੇ ਪਾਲਾਸੋਲੋ ਵਰਸਿਸ ਕਸਤੀਲੀਓਨੇ ਅਤੇ ਰਾਇਲ ਕਿੰਗ ਵਰਸਿਸ ਵਿਨੈ ਕਲੱਬ ਵਿਚਾਲੇ ਹੋਏ। ਫਾਈਨਲ ਮੈਚ ਪਾਲਾਸੋਲੋ ਵਰਸਿਸ ਰਾਇਲ ਕਲੱਬ ਵਿਚਕਾਰ ਖੇਡਿਆ ਗਿਆ ਜੋ ਕਿ ਬਹੁਤ ਹੀ ਰੋਮਾਂਚਕ ਮੁਕਾਬਲਾ ਰਿਹਾ। ਜਿਸ ਵਿੱਚ ਪਾਲਾਸੋਲੋ ਦੀ ਟੀਮ ਜੇਤੂ ਰਹੀਂ। ਰਾਇਲ ਕਲੱਬ ਨੇ ਦੂਜਾ ਅਤੇ ਕਸਤੀਲੀਓਨੇ ਦੀ ਟੀਮ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਮੈਨ ਆਫ਼ ਦਾ ਮੈਚ 17 ਸਾਲਾਂ ਗੱਭਰੂ ਜੋਵਨ ਨੂੰ ਦਿੱਤਾ ਗਿਆ ਅਤੇ ਮੈਨ ਆਫ਼ ਦਾ ਸੀਰੀਜ਼ ਅਸਲਮ ਮੁਹੰਮਦ ਦੀ ਝੋਲੀ ਪਿਆ। ਪਹਿਲੇ ਨੰਬਰ 'ਤੇ ਆਉਣ ਵਾਲੀ ਟੀਮ ਨੂੰ 800 ਯੂਰੋ ਦੀ ਨਗਦ ਰਾਸ਼ੀ ਅਤੇ ਟਰੋਫੀ, ਦੂਜੇ ਨੰਬਰ 'ਤੇ ਆਉਣ ਵਾਲੀ ਟੀਮ ਨੂੰ 400 ਯੂਰੋ ਅਤੇ ਟਰਾਫੀ ਅਤੇ ਤੀਸਰੇ ਨੰਬਰ 'ਤੇ ਆਉਣ ਵਾਲੀ ਟੀਮ ਨੂੰ 200 ਯੂਰੋ ਅਤੇ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਪੜ੍ਹੋ ਇਹ ਅਹਿਮ ਖ਼ਬਰ- ਵਾਲਸਾਲ ਏਸ਼ੀਅਨ ਸਪੋਰਟਸ ਐਸੋ: ਵੈਸਟ ਮਿਡਲੈਂਡਜ ਵੱਲੋਂ ਫੁੱਟਬਾਲ, ਹਾਕੀ ਅਤੇ ਵਾਲੀਬਾਲ ਦਾ ਟੂਰਨਾਮੈਂਟ ਆਯੋਜਿਤ
ਪਹਿਲਾ ਇਨਾਮ ਸਰਦਾਰ ਬਲਜੀਤ ਸਿੰਘ ਕਿਆਂਪੋ ਦੂਜਾ ਇਨਾਮ ਬਾਪੂ ਸਤੂਫੇ ਵਾਲੇ ਮਨਪ੍ਰੀਤ ਸਿੰਘ ਵੱਲੋਂ ਦਿੱਤਾ ਗਿਆ। ਇਹ ਟੂਰਨਾਮੈਂਟ ਕਲਤੂਰਾ ਸਿੱਖ ਸੰਸਥਾ ਦੇ ਸਮੂਹ ਸੇਵਾਦਾਰਾਂ ਅਤੇ ਵੇਰੋਲਾਨੋਵਾ ਕ੍ਰਿਕਟ ਕਲੱਬ ਦੇ ਮੈਂਬਰਾਂ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ ਵਿੱਚ ਬੋਬੀ ਅਤੇ ਪ੍ਰਕਾਸ਼ ਸਿੰਘ ਦਾ ਵੀ ਵਿਸ਼ੇਸ਼ ਯੋਗਦਾਨ ਰਿਹਾ। ਕਲਤੂਰਾ ਸਿੱਖ ਸੰਸਥਾ ਵੱਲੋਂ ਆਏ ਸਾਰੇ ਖਿਡਾਰੀਆਂ ਅਤੇ ਪਤਵੰਤੇ ਸੱਜਣਾਂ ਨੂੰ ਜੀ ਆਇਆਂ ਨੂੰ ਆਖਿਆ ਗਿਆ ਅਤੇ ਸਭ ਦਾ ਧੰਨਵਾਦ ਕੀਤਾ। ਆਏ ਪਤਵੰਤੇ ਸੱਜਣਾਂ ਦਾ ਟਰੌਫੀਆਂ ਦੇ ਕੇ ਸਨਮਾਨ ਕੀਤਾ ਗਿਆ। ਕਬੱਡੀ ਕਮੈਂਟੇਟਰ ਅਮਨ ਵੱਲੋਂ ਬਹੁਤ ਹੀ ਦਿਲਕਸ਼ ਅੰਦਾਜ਼ ਵਿੱਚ ਕਮੈਂਟਰੀ ਕੀਤੀ ਗਈ। ਆਏ ਦਰਸ਼ਕਾਂ ਨੂੰ ਪਾਸਤੇ ਦਾ ਲੰਗਰ ਪੰਗਤਾਂ ਵਿੱਚ ਬਿਠਾ ਕੇ ਛਕਾਇਆ ਗਿਆ। ਕਲਤੂਰਾ ਸਿੱਖ ਸੰਸਥਾ ਵੱਲੋਂ ਸਾਰੇ ਟੂਰਨਾਮੈਂਟ ਦਾ ਲਾਈਵ ਟੈਲੀਕਾਸਟ ਕੀਤਾ ਗਿਆ। ਇਹ ਟੂਰਨਾਮੈਂਟ ਸਫਲਤਾ ਦੀਆਂ ਨਵੀਆਂ ਬੁਲੰਦੀਆਂ ਨੂੰ ਛੂੰਹਦਾ ਹੋਇਆਂ ਸੰਪੰਨ ਹੋਇਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਇੱਕ ਫੀਚਰ ਲਈ 2568 ਕਰੋੜ! ਕੀ Elon Musk ਕਰਨਗੇ Telegram ਨਾਲ ਡੀਲ?
NEXT STORY 
