ਲੰਡਨ (ਬਿਊਰੋ): ਪ੍ਰਿੰਸ ਹੈਰੀ ਅਤੇ ਮੇਗਨ ਮਰਕੇਲ ਨੇ ਨਵੇਂ ਸਾਲ ਵਿਚ ਦਾਖਲ ਹੋਣ ਤੋਂ ਪਹਿਲਾਂ ਆਪਣੇ ਸ਼ਹਿਜਾਦੇ ਆਰਚੀ ਦੀ ਤਸਵੀਰ ਅਤੇ ਵੀਡੀਓ ਸ਼ੇਅਰ ਕੀਤੀ। ਫਾਕਸ ਨਿਊਜ਼ ਦੀ ਰਿਪੋਰਟ ਦੇ ਮੁਤਾਬਕ ਸ਼ਾਹੀ ਜੋੜੇ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਸਾਈਟ 'ਤੇ 2019 ਦੇ ਵਿਭਿੰਨ ਮੌਕਿਆਂ ਦੀਆਂ ਤਸਵੀਰਾਂ ਵਾਲਾ ਵੀਡੀਓ ਪੋਸਟ ਕੀਤਾ ਹੈ। ਇਸ ਵਿਚ ਓਲਿਵ ਗ੍ਰੀਨ ਰੰਗ ਦਾ ਕੋਟ ਪਹਿਨੇ ਹੈਰੀ ਆਪਣੇ ਬੇਟੇ ਆਰਚੀ ਨੂੰ ਗੋਦ ਵਿਚ ਲਏ ਮੁਸਕੁਰਾ ਰਹੇ ਹਨ। ਉੱਥੇ ਆਰਚੀ ਗ੍ਰੇ ਰੰਗ ਦੇ ਕੰਬਲ ਵਿਚ ਹੈ।
ਉਕਤ ਤਸਵੀਰ ਕੈਨੇਡਾ ਦੇ ਵੈਨਕੁਵਰ ਵਿਚ ਮੇਗਨ ਦੀ ਮਾਂ ਡੋਰੀਆ ਰਾਗਲੈਂਡ ਦੇ ਨਾਲ ਪਰਿਵਾਰ ਦੀਆਂ ਛੁੱਟੀਆਂ ਦੇ ਦੌਰਾਨ ਲਈਆਂ ਗਈਆਂ ਤਸਵੀਰਾਂ ਵਿਚੋਂ ਇਕ ਹੈ। ਇੱਥੇ ਦੱਸ ਦਈਏ ਕਿ ਪਰਿਵਾਰ ਦੇ ਹੋਰ ਮੈਂਬਰ ਸੈਂਡਰਿੰਘਮ ਵਿਚ ਕ੍ਰਿਸਮਸ ਦੀਆਂ ਛੁੱਟੀਆਂ ਮਨਾ ਰਹੇ ਹਨ। ਸਸੈਕਸ ਦੇ ਡਿਊਕ ਅਤੇ ਡਚੇਸ ਨੇ ਇਸ ਵੀਡੀਓ ਨੂੰ ਕੈਪਸ਼ਨ ਦਿੱਤਾ ਹੈ 'Looking back at 2019 '। ਇਸ ਦੇ ਨਾਲ ਹੀ ਨਵੇਂ ਸਾਲ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।
ਆਰਚੀ ਦੇ ਜਨਮ ਦੇ ਸਮੇਂ ਪਿਤਾ ਪ੍ਰਿੰਸ ਹੈਰੀ ਨੇ ਕਿਹਾ ਸੀ,''ਇਹ ਇਕ ਸ਼ਾਨਦਾਰ ਅਨੁਭਵ ਰਿਹਾ, ਜਿਸ ਦੀ ਮੈਂ ਕਲਪਨਾ ਵੀ ਨਹੀਂ ਕਰ ਸਕਦਾ। ਕਿਵੇਂ ਕੋਈ ਮਹਿਲਾ ਇਹ ਕਰਦੀ ਹੈ ਸਮਝ ਤੋਂ ਬਾਹਰ ਹੈ।'' ਉਹਨਾਂ ਨੇ ਕਿਹਾ,''ਬਹੁਤ ਅਵਿਸ਼ਵਾਸਯੋਗ ਸੀ। ਮੈਨੂੰ ਆਪਣੀ ਪਤਨੀ 'ਤੇ ਮਾਣ ਹੈ। ਹਰੇਕ ਪਿਤਾ ਵਾਂਗ ਮੈਂ ਵੀ ਕਹਾਂਗਾ ਕਿ ਮੈਂ ਇਸ 'ਤੇ ਆਪਣੀ ਜਾਨ ਦੇ ਸਕਦਾ ਹਾਂ। ਮੈਂ 7ਵੇਂ ਆਸਮਾਨ 'ਤੇ ਹਾਂ।''
ਇਹ ਹੈ ਦਹਾਕੇ ਦਾ ਪਹਿਲਾ ਬੱਚਾ, ਮਿਲੇ ਕਈ ਸ਼ਾਨਦਾਰ ਤੋਹਫੇ (ਤਸਵੀਰਾਂ)
NEXT STORY