ਲੰਡਨ- ਭਾਰਤ ਵਿਚ ਚੱਲ ਰਹੇ ਕਿਸਾਨ ਅੰਦੋਲਨ 'ਤੇ ਹੁਣ ਬ੍ਰਿਟੇਨ ਵਿਚ ਵੀ ਰਾਜਨੀਤੀ ਹੋਣ ਲੱਗੀ ਹੈ। ਬ੍ਰਿਟਿਸ਼ ਲੇਬਰ ਪਾਰਟੀ ਦੇ ਸੰਸਦ ਮੈਂਬਰ ਤਨਮਨਜੀਤ ਸਿੰਘ ਢੇਸੀ ਨੇ ਭਾਰਤ ਵਿਚ ਚੱਲ ਰਹੇ ਕਿਸਾਨ ਅੰਦੋਲਨ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਬੌਰਿਸ ਜਾਨਸਨ ਨੂੰ 100 ਤੋਂ ਜ਼ਿਆਦਾ ਸਾਂਸਦਾਂ ਅਤੇ ਲਾਰਡਸ ਦੇ ਦਸਤਖ਼ਤ ਵਾਲੀ ਚਿੱਠੀ ਭੇਜੀ ਹੈ।
ਚਿੱਠੀ ਵਿਚ ਤਨਮਨਜੀਤ ਸਿੰਘ ਢੇਸੀ ਨੇ ਪੀ. ਐੱਮ. ਜਾਨਸਨ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਆਪਣੇ ਹਮਰੁਤਬਾ ਪੀ. ਐੱਮ. ਮੋਦੀ ਨੂੰ ਅਗਲੀ ਵਾਰ ਮਿਲਣ ਤਾਂ ਕਿਸਾਨਾਂ ਦੇ ਮੁੱਦੇ ਨੂੰ ਜ਼ਰੂਰ ਚੁੱਕਣ ਅਤੇ ਮੌਜੂਦਾ ਸਥਿਤੀ ਦਾ ਜਲਦ ਹੱਲ ਹੋਵੇ।
ਢੇਸੀ ਦੀ ਅਗਵਾਈ ਵਿਚ ਇਸ ਤੋਂ ਪਹਿਲਾਂ 36 ਬ੍ਰਿਟਿਸ਼ ਸਾਂਸਦਾਂ ਨੇ ਰਾਸ਼ਟਰਮੰਡਲ ਸਕੱਤਰ ਡੋਮੀਨਿਕ ਰੌਬ ਨੂੰ ਚਿੱਠੀ ਲਿਖੀ ਸੀ, ਜਿਸ ਵਿਚ ਸਾਂਸਦਾਂ ਨੇ ਖੇਤੀ ਕਾਨੂੰਨ ਦੇ ਵਿਰੋਧ ਵਿਚ ਭਾਰਤ 'ਤੇ ਦਬਾਅ ਵਧਾਉਣ ਦੀ ਮੰਗ ਕੀਤੀ ਸੀ। ਸਾਂਸਦਾਂ ਦੇ ਧੜੇ ਨੇ ਡੋਮੀਨਿਕ ਰੌਬ ਨੂੰ ਕਿਹਾ ਕਿ ਉਹ ਪੰਜਾਬ ਦੇ ਸਿੱਖ ਕਿਸਾਨਾਂ ਦੇ ਸਮਰਥਨ ਵਿਚ ਵਿਦੇਸ਼ ਅਤੇ ਰਾਸ਼ਟਰਮੰਡਲ ਦਫ਼ਤਰਾਂ ਜ਼ਰੀਏ ਭਾਰਤ ਸਰਕਾਰ ਨਾਲ ਗੱਲਬਾਤ ਕਰਨ।
ਇਨ੍ਹਾਂ ਸੰਸਦ ਮੈਂਬਰਾਂ ਨੇ ਦਿੱਤਾ ਹੈ ਸਮਰਥਨ
ਜਿਨ੍ਹਾਂ ਸੰਸਦ ਮੈਂਬਰਾਂ ਨੇ ਪ੍ਰਧਾਨ ਮੰਤਰੀ ਜਾਨਸਨ ਨੂੰ ਭੇਜੇ ਪੱਤਰਾਂ 'ਤੇ ਦਸਤਖ਼ਤ ਕੀਤੇ ਹਨ, ਉਨ੍ਹਾਂ ਵਿਚ ਡੈਬੀ ਅਬਰਾਹਿਮ, ਤਾਹਿਰ ਅਲੀ, ਡਾ. ਰੂਪਾ ਹੱਕ, ਅਪਸਨਾ ਬੇਗਮ, ਸਰ ਪੀਟਰ ਬੌਟਲੀ, ਸਾਰਾ ਚੈਂਪੀਅਨ, ਜੇਰੇਮੀ ਕੋਰਬੀਨ, ਜਾਨ ਕ੍ਰੈਡਡਸ, ਜੌਹਨ ਕ੍ਰੇਅਰ, ਜੈਰੈਂਟ ਡੇਵਿਸ, ਮਾਰਟਿਨ ਡੌਕਰਟੀ ਹਿਊਜ, ਐਲਨ ਸ਼ਾਮਲ ਹਨ। ਡੋਰੈਂਸ, ਐਂਡਰਿਊ ਗਵੇਨ, ਅਫਜ਼ਲ ਖਾਨ, ਇਆਨ ਲੈਵਰੀ, ਏਮਾ ਲਵੇਰੀ, ਕਲਾਈਵ ਲੇਵਿਸ, ਟੋਨੀ ਲੋਇਡ, ਖਾਲਿਦ ਮਹਿਮੂਦ, ਸੀਮਾ ਮਲਹੋਤਰਾ, ਸਟੀਵ ਮੈਕਕੇਬ, ਜੌਨ ਮੈਕਡੋਨਲ, ਪੈਟ ਮੈਕਫੈਡਨ, ਗ੍ਰਾਹਮ ਮੌਰਿਸ, ਕੈਲੋਇਨ ਨੌਰਸ ਆਦਿ ਸ਼ਾਮਲ ਹਨ।
ਬ੍ਰਿਸਬੇਨ : ਕਿਸਾਨਾਂ ਦੇ ਹੱਕ 'ਚ 'ਇੰਡੀਅਨ ਫਾਰਮਰਜ਼ ਐਂਡ ਵਰਕਰਜ਼ ਐਸ਼ੋਸੀਏਸ਼ਨ' ਦਾ ਗਠਨ
NEXT STORY 
