ਇਸਲਾਮਾਬਾਦ— ਕੌਮਾਂਤਰੀ ਮੁੰਦਰਾ ਫੰਡ (ਆਈ. ਐੱਮ. ਐੱਫ.) ਦੀ ਇਕ 8 ਮੈਂਬਰੀ ਟੀਮ ਮੰਗਲਵਾਰ ਅਰਥਵਿਵਸਥਾ ਦੇ ਸੰਕਟ ਨਾਲ ਜੂਝ ਰਹੇ ਪਾਕਿਸਤਾਨ 'ਚ ਪੁੱਜੀ। ਟੀਮ ਨੇ ਦੇਸ਼ ਦੇ ਕੁਝ ਹਿੱਸਿਆਂ ਦਾ ਦੌਰਾ ਕਰ ਕੇ ਸਮੁੱਚੀ ਆਰਥਿਕ ਸਥਿਤੀ ਦੀ ਸਮੀਖਿਆ ਕੀਤੀ। ਆਈ. ਐੱਮ. ਐੱਫ. ਦੇ ਮੱਧ-ਪੂਰਬ ਤੇ ਮੱਧ ਏਸ਼ੀਆ ਦੇ ਨਿਰਦੇਸ਼ਕ ਜਹਾਦ ਅਜੂਰ ਦੀ ਅਗਵਾਈ ਹੇਠ ਟੀਮ ਚੋਟੀ ਦੇ ਸਰਕਾਰੀ ਅਧਿਕਾਰੀਆਂ ਨਾਲ ਗੈਰ-ਰਸਮੀ ਗੱਲਬਾਤ ਵੀ ਕਰੇਗੀ।
'ਡਾਨ' ਮੁਤਾਬਕ ਪਾਕਿਸਤਾਨ ਨੇ ਬਿਜਲੀ ਅਤੇ ਗੈਸ ਖਪਤਕਾਰਾਂ ਕੋਲੋਂ ਲਗਭਗ 85 ਅਰਬ ਰੁਪਏ ਦੇ ਵਾਧੂ ਮਾਲੀਏ ਦੀ ਵਸੂਲੀ ਦੇ ਯਤਨਾਂ ਨੂੰ ਤੇਜ਼ ਕਰ ਦਿੱਤਾ ਹੈ। ਇਸ ਲਈ ਇਕ ਯੋਜਨਾ ਤਿਆਰ ਕੀਤੀ ਗਈ ਹੈ। ਆਈ. ਐੱਮ. ਐੱਫ. ਨੇ ਅਸਲ 'ਚ ਦੀਵਾਲੀਆ ਹੋਣ ਦੇ ਕੰਢੇ ਖੜ੍ਹੇ ਪਾਕਿਸਤਾਨ ਨੂੰ ਦਿੱਤੇ ਜਾਣ ਵਾਲੇ 6 ਅਰਬ ਡਾਲਰ ਦੇ ਕਰਜ਼ੇ ਨੂੰ ਜੁਲਾਈ 'ਚ ਪ੍ਰਵਾਨਗੀ ਦਿੱਤੀ ਸੀ। ਇਸੇ ਸਬੰਧੀ ਟੀਮ ਪਾਕਿਸਤਾਨ ਆਈ ਹੈ।
ਪਾਕਿ ਵੀਡੀਓ ਗੇਮ ਨੂੰ ਲੈ ਕੇ ਹੋਏ ਝਗੜੇ 'ਚ ਲੜਕੇ ਨੇ ਲਈ ਦੋਸਤ ਦੀ ਜਾਨ
NEXT STORY