ਨਿਊਯਾਰਕ (ਰਾਇਟਰ) : ਪਾਕਿਸਤਾਨ ਆਪਣੀਆਂ ਹਰਕਤਾਂ ਤੋਂ ਬਾਜ ਨਹੀਂ ਆ ਰਿਹਾ ਹੈ। ਉਹ ਹਰ ਮੰਚ 'ਤੇ ਕਸ਼ਮੀਰ ਰਾਗ ਅਲਾਪਦਾ ਰਹਿੰਦਾ ਹੈ ਜਦੋਂ ਕਿ ਕੋਈ ਵੀ ਦੇਸ਼ ਉਸ ਦਾ ਸਾਥ ਨਹੀਂ ਦਿੰਦਾ। ਸੋਮਵਾਰ ਨੂੰ ਵੀ ਉਸ ਨੇ ਸੰਯੁਕਤ ਰਾਸ਼ਟਰ ਮਨੁੱਖੀ ਅਧਿਕਾਰ ਕੌਂਸਲ (ਯੂ.ਐੱਨ.ਐੱਚ.ਆਰ.ਸੀ.) 'ਚ ਕਸ਼ਮੀਰ ਦਾ ਮੁੱਦਾ ਚੁੱਕਿਆ ਜੋ ਉਸ ਨੂੰ ਭਾਰੀ ਪੈ ਗਿਆ। ਇਸ ਨੂੰ ਲੈ ਕੇ ਭਾਰਤ ਨੇ ਉਸ ਨੂੰ ਨਾ ਸਿਰਫ ਸ਼ੀਸ਼ਾ ਦਿਖਾਇਆ ਸਗੋਂ ਜੰਮ ਕੇ ਝਾੜਿਆ ਅਤੇ ਉਸ ਦੀ ਹਿੰਮਤ 'ਤੇ ਗੰਭੀਰ ਚਿੰਤਾ ਵੀ ਜ਼ਾਹਿਰ ਕੀਤੀ।
ਯੂ.ਐੱਨ.ਐੱਚ.ਆਰ.ਸੀ. ਦੇ 43ਵੇਂ ਸੈਸ਼ਨ 'ਚ ਪਾਕਿਸਤਾਨ ਵੱਲੋਂ ਕਸ਼ਮੀਰ ਦਾ ਮੁੱਦਾ ਚੁੱਕਣ 'ਤੇ ‘ਰਾਇਟ ਟੂ ਰਿਪਲਾਈ’ ਦਾ ਇਸਤੇਮਾਲ ਕਰਦੇ ਹੋਏ ਭਾਰਤ ਦੇ ਸਥਾਈ ਮਿਸ਼ਨ ਦੇ ਪਹਿਲੇ ਸਕੱਤਰ ਸੇਂਥਿਲ ਕੁਮਾਰ ਨੇ ਇਸਲਾਮਾਬਾਦ ਨੂੰ ‘ਰਾਇਟਸ ਫੋਰਮ’ ਦੀ ਦੁਰਵਰਤੋਂ ਕਰਣ 'ਤੇ ਝਾੜ ਪਾਈ। ਉਨ੍ਹਾਂ ਨੇ ਗੁਆਂਢੀ ਦੇਸ਼ ਨੂੰ ਕਿਹਾ ਕਿ ਉਹ ਕਿਸੇ ਨੂੰ ਵੀ ਅਣਚਾਹੀ ਸਲਾਹ ਦੇਣ ਤੋਂ ਪਹਿਲਾਂ ਆਪਣੇ ਇੱਥੇ ਦੀ ਗੰਭੀਰ ਮਨੁੱਖੀ ਅਧਿਕਾਰ ਹਲਾਤਾਂ ਦਾ ਸਵੈ-ਨਿਰੀਖਣ ਕਰਣ।
ਭਾਰਤ ਨੇ ਕਿਹਾ ਕਿ ਜਿਸ ਤਰ੍ਹਾਂ ਯੋਜਨਾਬੱਧ ਅਤੇ ਸੰਸਥਾਗਤ ਤੌਰ 'ਤੇ ਈਸ਼ਨਿੰਦਾ ਨੂੰ ਹਥਿਆਰ ਬਣਾ ਕੇ ਪਾਕਿਸਤਾਨ ਆਪਣੇ ਇੱਥੇ ਘੱਟ ਗਿਣਤੀਆਂ ਦੇ ਨਾਲ ਭੇਦਭਾਵ ਕਰ ਰਿਹਾ ਹੈ ਉਹ ਦੇਖਣ ਵਾਲੀ ਗੱਲ ਹੈ। ਪਾਕਿਸਤਾਨ 'ਚ ਲੋਕ ਅਚਾਨਕ ਗਾਇਬ ਹੋ ਜਾਂਦੇ ਹਨ। ਸੂਬੇ ਵੱਲੋਂ ਪ੍ਰਸਤਾਵਿਤ ਹਿੰਸਾ, ਜ਼ਬਰਦਸਤੀ ਸਾਮੂਹਕ ਵਿਸਥਾਪਨ, ਹੱਤਿਆਵਾਂ, ਇਕਾਗਰਤਾ ਕੈਂਪਾਂ ਅਤੇ ਬਲੂਚਿਸਤਾਨ 'ਚ ਫ਼ੌਜੀ ਕੈਂਪਾਂ ਦਾ ਡਰ ਆਮ ਗੱਲ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਵੱਲੋਂ ਪਿਛਲੇ ਸਾਲ ਆਰਟੀਕਲ 370 ਨੂੰ ਲੈ ਕੇ ਲਿਆ ਗਿਆ ਫੈਸਲਾ ਬਾਹਰੀ ਪ੍ਰਭਾਵ ਤੋਂ ਅਜ਼ਾਦ ਸੀ। ਉਨ੍ਹਾਂ ਕਿਹਾ ਕਿ ਜੰਮੂ-ਕਸ਼ਮੀਰ ਦੇ ਲੋਕਾਂ ਨੇ ਸ਼ਾਂਤੀ ਭੰਗ ਕਰਣ ਦੀਆਂ ਪਾਕਿਸਤਾਨੀ ਕੋਸ਼ਿਸ਼ਾਂ ਨੂੰ ਅਸਫਲ ਕੀਤਾ ਹੈ।
ਬਲੂਚ ਅਤੇ ਸਿੰਧ ਨੂੰ ਦੇਖੇ ਇਮਰਾਨ ਸਰਕਾਰ
ਕੁਮਾਰ ਨੇ ਕਿਹਾ ਕਿ ਕੋਈ ਨਹੀਂ ਜਾਣਦਾ 47,000 ਬਲੂਚ ਅਤੇ 35,000 ਪਸ਼ਤੂਨ ਕਿੱਥੇ ਹਨ? ਪਾਕਿਸਤਾਨ 'ਚ ਜਿਸ ਤਰ੍ਹਾਂ ਫਿਰਕੂ ਆਧਾਰਿਤ ਹਿੰਸਾ ਹੋਈ ਹੈ ਉਸ 'ਚ 50,000 ਬਲੂਚ ਨੂੰ ਨਾ ਸਿਰਫ ਮਾਰ ਦਿੱਤਾ ਗਿਆ ਸਗੋਂ 1 ਲੱਖ ਤੋਂ ਜ਼ਿਆਦਾ ਲੋਕ ਦੇਸ਼ ਛੱਡ ਕੇ ਭੱਜ ਗਏ। ਪਾਕਿਸਤਾਨ ਅਧਿਕਾਰਤ ਕਸ਼ਮੀਰ (ਪੀ.ਓ.ਕੇ.) ਦੇ ਗਿਲਗਿਤ ਬਾਲਟਿਸਤਾਨ 'ਚ ਲੋਕਾਂ 'ਤੇ ਜ਼ੁਲਮ ਢਾਹੇ ਜਾਂਦੇ ਹਨ। ਭਾਰਤ 'ਤੇ ਦੋਸ਼ ਲਗਾਉਣ ਤੋਂ ਪਹਿਲਾਂ ਪਾਕਿਸਤਾਨ ਨੂੰ ਆਪਣੇ ਆਪ ਦੇ ਬਾਰੇ ਸੋਚਣਾ ਚਾਹੀਦਾ ਹੈ। ਸਿੰਧ ਪ੍ਰਾਂਤ 'ਚ ਕੀ ਕੁੱਝ ਹੋ ਰਿਹਾ ਹੈ ਉਸ 'ਤੇ ਧਿਆਨ ਦਿਓ।
ਇੱਕ ਹੋਰ ਬਲੂਚ ਮਹਿਲਾ ਦਾ ਬੱਚਿਆਂ ਦੇ ਸਾਹਮਣੇ ਕੱਟ ਦਿੱਤਾ ਗਲਾ
ਕਵੇਟਾ (ਪਾਕਿਸਤਾਨ) : ਬਲੂਚਿਸਤਾਨ ਦੇ ਡਜੇਨ 'ਚ ਇੱਕ ਹੋਰ ਮਹਿਲਾ ਦੀ ਬੱਚਿਆਂ ਸਾਹਮਣੇ ਗਲਾ ਕੱਟ ਕੇ ਹੱਤਿਆ ਕਰ ਦਿੱਤੀ ਗਈ। ਰਾਜਨੀਤਕ ਵਰਕਰਾਂ ਨੇ ਦੋਸ਼ ਲਗਾਇਆ ਹੈ ਕਿ ਇਸ ਵਾਰਦਾਤ ਨੂੰ ਐਤਵਾਰ ਰਾਤ ਪਾਕਿ ਫ਼ੌਜ ਸਮਰਥਿਤ ਗੁੰਡਿਆਂ ਨੇ ਅੰਜਾਮ ਦਿੱਤਾ ਹੈ। ਮ੍ਰਿਤਕ ਮਹਿਲਾ ਦੀ ਪਛਾਣ ਕੁਲਸੁਮ ਬਲੂਚ ਦੇ ਰੂਪ 'ਚ ਹੋਈ ਹੈ। ਪੀੜਤਾ ਦੇ ਪਰਿਵਾਰ ਦੇ ਮੈਬਰਾਂ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤਾ ਕਿ ਕੁਲਸੁਮ ਦੀ ਅਣਮਨੁੱਖੀ ਹੱਤਿਆ ਤੋਂ ਬਾਅਦ ਉਸ ਦੇ ਬੱਚੇ ਅਜੇ ਵੀ ਗੰਭੀਰ ਸਦਮੇ 'ਚ ਹਨ ਅਤੇ ਉਹ ਬੇਹੋਸ਼ ਹੈ।
ਬਲੂਚ ਦੇ ਪੱਤਰਕਾਰ ਸੋਹੇਬ ਬਲੂਚ ਨੇ ਟਵੀਟ ਕੀਤਾ, ‘‘ਅਜਿਹੀਆਂ ਵਾਰਦਾਤਾਂ ਨੂੰ ਅੰਜਾਮ ਸਿਰਫ ਲੁੱਟ-ਖੋਹ ਦੇ ਇਰਾਦੇ ਨਾਲ ਨਹੀਂ ਸਗੋਂ ਬਲੂਚ ਵਰਕਰਾਂ ਨੂੰ ਇੱਕ ਸੁਨੇਹਾ ਦੇਣ ਲਈ ਕੀਤਾ ਜਾ ਰਿਹਾ ਹੈ ਕਿ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਜਾ ਸਕਦਾ ਹੈ।’’
ਜਰਮਨੀ 'ਚ ਕੋਰੋਨਾ ਵਾਇਰਸ ਦੀ ਵਧੀ ਰਫਤਾਰ
NEXT STORY 
