ਇੰਟਰਨੈਸ਼ਨਲ ਡੈਸਕ : ਕੀ ਤੁਸੀਂ ਜਾਣਦੇ ਹੋ ਕਿ ਇੱਕ ਅਜਿਹਾ ਦੇਸ਼ ਹੈ ਜਿਸ ਨੂੰ ਸੈਲਾਨੀਆਂ ਦੀ ਸਵਰਗ ਕਿਹਾ ਜਾਂਦਾ ਹੈ, ਜਿੱਥੇ ਭਾਰਤ ਦੇ 100 ਰੁਪਏ ਦੀ ਕੀਮਤ 2000 ਰੁਪਏ ਦੇ ਕਰੀਬ ਬਣਦੀ ਹੈ। ਇਸ ਕਾਰਨ ਭਾਰਤੀ ਸੈਲਾਨੀ ਇੱਥੇ ਬਹੁਤ ਜਾਂਦੇ ਹਨ ਅਤੇ ਖੂਬ ਪੈਸਾ ਖਰਚਾ ਕਰਦੇ ਹਨ। ਇਹ ਦੇਸ਼ ਵੀ ਕੁਝ ਸਦੀਆਂ ਪਹਿਲਾਂ ਹਿੰਦੂ ਦੇਸ਼ ਹੋਇਆ ਕਰਦਾ ਸੀ। ਪਰ ਹੁਣ ਇਹ ਦੁਨੀਆ ਦੇ ਸਭ ਤੋਂ ਵੱਡੇ ਮੁਸਲਿਮ ਦੇਸ਼ਾਂ ਵਿੱਚ ਆਉਂਦਾ ਹੈ। ਇੱਥੇ ਤੁਹਾਨੂੰ ਕਈ ਥਾਵਾਂ 'ਤੇ ਹਿੰਦੂ ਸੰਸਕ੍ਰਿਤੀ ਦੀ ਝਲਕ ਵੀ ਮਿਲਦੀ ਹੈ।
![PunjabKesari](https://static.jagbani.com/multimedia/22_09_219298299indo4-ll.jpg)
ਇਕ ਭਾਰਤੀ ਰੁਪਏ ਦੀ ਕੀਮਤ 189.56 ਬਰਾਬਰ
ਇਸ ਦੇਸ਼ ਦਾ ਨਾਮ ਇੰਡੋਨੇਸ਼ੀਆ ਹੈ। ਇੱਥੋਂ ਦੀ ਕਰੰਸੀ ਵੀ ਰੁਪਏ ਹੈ। ਜੁਲਾਈ 2024 ਤਕ, 1 ਭਾਰਤੀ ਰੁਪਿਆ ਲਗਭਗ 189.56 ਇੰਡੋਨੇਸ਼ੀਆਈ ਰੁਪਏ ਦੇ ਬਰਾਬਰ ਹੈ। ਭਾਵ ਭਾਰਤ ਵਿੱਚ 100 ਰੁਪਏ ਇੱਥੇ ਲਗਭਗ 1900 ਰੁਪਏ ਹਨ।
ਮਜ਼ਬੂਤ ਰੁਪਏ ਕਾਰਨ ਭਾਰਤੀਆਂ ਲਈ ਸਸਤੀ ਥਾਂ
ਇੰਡੋਨੇਸ਼ੀਆ ਭਾਰਤੀਆਂ ਲਈ ਇੱਕ ਪ੍ਰਸਿੱਧ ਛੁੱਟੀਆਂ ਅਤੇ ਸੈਰ-ਸਪਾਟਾ ਸਥਾਨ ਹੈ। ਦਰਅਸਲ, ਬਾਲੀ ਵਿਚ ਦੁਨੀਆ ਭਰ ਤੋਂ ਬਹੁਤ ਸਾਰੇ ਸੈਲਾਨੀ ਆਉਂਦੇ ਹਨ। ਇੱਥੇ ਰੁਪਏ ਦੀ ਜ਼ਬਰਦਸਤ ਮਜ਼ਬੂਤੀ ਇਸ ਜਗ੍ਹਾ ਨੂੰ ਭਾਰਤੀਆਂ ਲਈ ਹੋਰ ਕਿਫਾਇਤੀ ਬਣਾਉਂਦੀ ਹੈ। ਅਸੀਂ ਤੁਹਾਨੂੰ ਅੱਗੇ ਇਹ ਵੀ ਦੱਸਾਂਗੇ ਕਿ ਇੱਥੇ ਕਿੰਨੇ ਦਾ ਖਾਣਾ ਮਿਲਦਾ ਹੈ ਅਤੇ ਤੁਸੀਂ ਪੰਜ ਤਾਰਾ ਹੋਟਲ ਵਿੱਚ ਕਿੰਨੇ ਖਰਚੇ 'ਚ ਠਹਿਰ ਸਕਦੇ ਹੋ।
![PunjabKesari](https://static.jagbani.com/multimedia/22_09_217579818indo3-ll.jpg)
ਇੰਡੋਨੇਸ਼ੀਆ ਭਾਰਤੀਆਂ ਨੂੰ ਫ੍ਰੀ ਵੀਜ਼ਾ ਆਨ ਅਰਾਈਵਲ ਪ੍ਰਦਾਨ ਕਰਦਾ ਹੈ, ਜਿਸ ਨਾਲ ਭਾਰਤੀ ਇੱਥੇ ਬਹੁਤ ਸਾਰਾ ਕਾਰੋਬਾਰ ਵੀ ਕਰਦੇ ਹਨ। ਦਰਅਸਲ, ਇੰਡੋਨੇਸ਼ੀਆ ਵਿੱਚ ਵਧੇਰੇ ਰਾਜਨੀਤਿਕ ਅਨਿਸ਼ਚਿਤਤਾ ਹੈ, ਇਸ ਲਈ ਇਹ ਇੰਡੋਨੇਸ਼ੀਆ ਦੇ ਰੁਪਏ ਨੂੰ ਵੀ ਪ੍ਰਭਾਵਿਤ ਕਰਦਾ ਹੈ। ਇਸ ਕਾਰਨ, ਇੱਥੇ ਭਾਰਤੀ ਰੁਪਿਆ ਹਮੇਸ਼ਾ ਮਜ਼ਬੂਤ ਰਿਹਾ ਹੈ ਅਤੇ ਹੋਟਲ ਸਸਤੇ ਹਨ।
ਇੰਡੋਨੇਸ਼ੀਆ ਵਿਚ ਇੱਕ ਪੰਜ-ਸਿਤਾਰਾ ਹੋਟਲ ਦਾ ਕਮਰਾ 3,333 ਰੁਪਏ ਦੀ ਰਾਤ ਦੀ ਦਰ 'ਤੇ ਉਪਲਬਧ ਹੈ। ਹਾਲਾਂਕਿ ਸਪੇਸ ਅਤੇ ਲਗਜ਼ਰੀ ਦੇ ਹਿਸਾਬ ਨਾਲ ਫਾਈਵ ਸਟਾਰ ਹੋਟਲਾਂ ਦਾ ਕਿਰਾਇਆ ਵੀ ਜ਼ਿਆਦਾ ਹੈ। ਉਦਾਹਰਨ ਲਈ, ਬਾਲੀ ਸਭ ਤੋਂ ਮਸ਼ਹੂਰ ਅਤੇ ਮਹਿੰਗਾ ਇਲਾਕਾ ਹੈ, ਇਸ ਲਈ ਇੱਥੇ ਹੋਟਲ ਜ਼ਿਆਦਾ ਮਹਿੰਗੇ ਹਨ। ਇੱਥੇ ਦੁੱਧ ਮਹਿੰਗਾ ਹੈ। ਦੁੱਧ ਦੀ ਇੱਕ ਲੀਟਰ ਦੀ ਬੋਤਲ ਲਗਭਗ 103 ਭਾਰਤੀ ਰੁਪਏ ਦੀ ਹੈ ਅਤੇ ਬੀਅਰ ਵੀ ਭਾਰਤੀ ਕੀਮਤਾਂ ਵਿੱਚ ਉਪਲਬਧ ਹੈ। ਸਥਾਨਕ ਹੋਟਲਾਂ ਵਿੱਚ ਤੁਸੀਂ 30 ਤੋਂ 50 ਰੁਪਏ ਵਿੱਚ ਚੌਲਾਂ ਦੀ ਕੋਈ ਵੀ ਡਿਸ਼ ਖਾ ਸਕਦੇ ਹੋ। ਤੁਸੀਂ ਸਥਾਨਕ ਹੋਟਲਾਂ ਵਿੱਚ 30 ਤੋਂ 40 ਰੁਪਏ ਵਿੱਚ ਭਰਪੇਟ ਭੋਜਨ ਖਾ ਸਕਦੇ ਹੋ।
ਕਦੇ ਕਰੰਸੀ 'ਤੇ ਸੀ ਗਣੇਸ਼ ਜੀ ਦੀ ਤਸਵੀਰ
![PunjabKesari](https://static.jagbani.com/multimedia/22_09_216644391indo1-ll.jpg)
ਪਹਿਲਾਂ ਇੰਡੋਨੇਸ਼ੀਆਈ ਕਰੰਸੀ ਰੁਪਿਆ 'ਤੇ ਭਗਵਾਨ ਗਣੇਸ਼ ਦੀ ਤਸਵੀਰ ਹੁੰਦੀ ਸੀ ਪਰ ਹੁਣ ਇਹ ਨੋਟ ਵਾਪਸ ਲੈ ਲਿਆ ਗਿਆ ਹੈ। 1998 ਵਿਚ ਬੈਂਕ ਆਫ਼ ਇੰਡੋਨੇਸ਼ੀਆ ਨੇ ਇੱਕ 20,000 ਰੁਪਏ ਦਾ ਨੋਟ ਜਾਰੀ ਕੀਤਾ, ਜਿਸ ਦੇ ਇੱਕ ਪਾਸੇ ਇੰਡੋਨੇਸ਼ੀਆ ਦੇ ਸਾਬਕਾ ਰਾਸ਼ਟਰੀ ਸਿੱਖਿਆ ਮੰਤਰੀ ਹਦਜਰ ਦੀਵਾਨਤਾਰਾ ਦੇ ਨਾਲ ਭਗਵਾਨ ਗਣੇਸ਼ ਦੀ ਤਸਵੀਰ ਅਤੇ ਦੂਜੇ ਪਾਸੇ ਬੱਚਿਆਂ ਦੇ ਨਾਲ ਇੱਕ ਕਲਾਸਰੂਮ ਦਾ ਦ੍ਰਿਸ਼ ਸੀ।
ਭਾਰਤੀ-ਅਮਰੀਕੀ ਵਕੀਲ ਹਰਮੀਤ ਢਿੱਲੋਂ ਨੇ ਟਰੰਪ ਦੀ ਮੌਜੂਦਗੀ 'ਚ ਕੀਤੀ ਅਰਦਾਸ (ਵੀਡੀਓ)
NEXT STORY