ਹਿਊਸਟਨ(ਭਾਸ਼ਾ)— ਭਾਰਤੀ ਅਮਰੀਕੀਆਂ ਨੇ ਅਸਮਰਥ ਅਤੇ ਵਿਸ਼ੇਸ਼ ਜਰੂਰਤਾਂ ਵਾਲੇ ਲੋਕਾਂ ਨਾਲ ਇੱਥੇ 'ਥੈਂਕਸ ਗਿਵਿੰਗ ਡੇਅ' ਮਨਾਇਆ। ਇਸ ਨੂੰ ਭਾਈਚਾਰੇ ਦੀ ਭਾਵੀ ਪੀੜ੍ਹੀ ਨੂੰ ਮੁੱਖਧਾਰਾ ਦੇ ਅਮਰੀਕੀਆਂ ਅਤੇ ਉਨ੍ਹਾਂ ਦੀਆਂ ਪਰੰਪਰਾਵਾਂ ਨਾਲ ਜੋੜਨ ਦੀ ਕੋਸ਼ਿਸ਼ ਦੇ ਤੌਰ ਉੱਤੇ ਦੇਖਿਆ ਜਾ ਰਿਹਾ ਹੈ। ਭਾਰਤੀ ਵਣਜ ਦੂਤਘਰ, ਇੰਡੀਅਨ-ਅਮੈਰੀਕਨ ਯੂਥ ਆਫ ਗਰੇਟਰ ਹਿਊਸਟਨ, 'ਡੂ ਯੋਰ ਬਿਟ' ਫਾਊਂਡੇਸ਼ਨ ਅਤੇ ਵਾਲੰਟੀਅਰਸ ਆਫ ਅਮਰੀਕਾ ਦੇ ਲੋਕ ਇਸ ਪਹਿਲ ਲਈ ਨਾਲ ਆਏ ਅਤੇ ਸ਼ੁੱਕਰਵਾਰ ਨੂੰ ਥੈਂਕਸ ਗਿਵਿੰਗ ਭੋਜਨ ਦੀ ਮੇਜ਼ਬਾਨੀ ਕੀਤੀ। ਇਸ ਦੌਰਾਨ 50 ਤੋਂ ਜ਼ਿਆਦਾ ਵਿਸ਼ੇਸ਼ ਜਰੂਰਤਾਂ ਵਾਲੇ ਲੋਕਾਂ ਨੂੰ ਲਜੀਜ਼ ਰਵਾਇਤੀ ਵਿਅੰਜਨ ਪਰੋਸੇ ਗਏ। ਰਾਹੁਲ ਅਤੇ ਵਰੁਣ ਅਗਰਵਾਲ ਦੀ ਅਗਵਾਈ ਵਾਲੇ 'ਡੂ ਯੋਰ ਬਿਟ' ਫਾਊਂਡੇਸ਼ਨ ਨੇ ਦੁਪਹਿਰ ਦੇ ਭੋਜਨ ਨੂੰ ਆਯੋਜਿਤ ਕੀਤਾ ਅਤੇ ਵਾਲੰਟੀਅਰਸ ਆਫ ਅਮਰੀਕਾ ਦੇ ਕਰਮਚਾਰੀਆਂ ਨੇ ਇਸ ਦੀ ਮੇਜ਼ਬਾਨੀ ਕੀਤੀ। ਸਾਰਿਆਂ ਨੇ ਰਵਾਇਤੀ ਤੁਰਕੀ, ਰਵਾਇਤੀ ਪਾਈ ਅਤੇ ਲੋਕਪ੍ਰਿਯ ਛੋਲੇ ਭਟੂਰੇ ਦਾ ਲੁਤਫ ਲਿਆ। ਰਾਹੁਲ ਅਤੇ ਵਰੁਣ ਨੇ ਇਸ ਭੋਜਨ ਲਈ ਉੱਚ ਪਾਠਸ਼ਾਲਾ ਦੇ ਵਿਦਿਆਰਥੀਆਂ ਨੂੰ ਨਾਲ ਲਿਆ ਕੇ ਅਤੇ ਬਾਸਕੇਟਬਾਲ ਖੇਡ ਦਾ ਪ੍ਰਬੰਧ ਕਰਕੇ ਪੈਸਾ ਜੁਟਾਇਆ। ਅਨੇਕ ਅਸਮਰਥ ਲੋਕ ਭਾਵੁਕ ਹੋ ਗਏ ਅਤੇ ਉਨ੍ਹਾਂ ਨੇ ਇਸ ਤਰ੍ਹਾਂ ਦੀ ਗਰਮਜੋਸ਼ੀ ਦਿਖਾਉਣ ਲਈ ਭਾਰਤੀ ਅਮਰੀਕੀਆਂ ਨੂੰ ਗਲੇ ਲਗਾਇਆ ਅਤੇ ਉਨ੍ਹਾਂ ਨੂੰ ਧੰਨਵਾਦ ਕਿਹਾ। ਇਸ ਮੌਕੇ ਉੱਤੇ ਭਾਰਤੀ-ਅਮਰੀਕੀ ਭਾਈਚਾਰੇ ਦੇ ਪ੍ਰਸਿੱਧ ਨੇਤਾ, ਭਾਰਤੀ ਵਣਜ ਦੂਤ ਡਾ.ਅਨੁਪਮ ਰੇ, ਵਣਜ ਦੂਤਘਰ ਦੇ ਕਰਮਚਾਰੀ, ਰਾਜ ਪ੍ਰਤੀਨਿੱਧੀ ਕੇਵਿਨ ਰਾਬਰਟ ਮੌਜੂਦ ਸਨ।
ਆਸਟ੍ਰੇਲੀਆ ਦੇ ਇਸ ਕਬਰਸਤਾਨ 'ਚ ਹੁੰਦੀ ਹੈ ਡਿਨਰ ਪਾਰਟੀ ਤੇ ਸੰਗੀਤ ਸਮਾਰੋਹ
NEXT STORY