ਰਿਆਦ : ਸਾਊਦੀ ਅਰਬ ਅਤੇ ਖੇਤਰ ਵਿੱਚ ਬਦਲ ਰਹੇ ਹਾਲਾਤਾਂ ਦੇ ਮੱਦੇਨਜ਼ਰ, ਰਿਆਦ ਸਥਿਤ ਭਾਰਤੀ ਦੂਤਾਵਾਸ ਨੇ ਉੱਥੇ ਰਹਿ ਰਹੇ ਭਾਰਤੀ ਨਾਗਰਿਕਾਂ ਲਈ ਇੱਕ ਅਹਿਮ ਐਡਵਾਈਜ਼ਰੀ (Advisory) ਜਾਰੀ ਕੀਤੀ ਹੈ। ਦੂਤਾਵਾਸ ਨੇ ਸਾਰੇ ਭਾਰਤੀਆਂ ਨੂੰ ਚੌਕਸ ਰਹਿਣ ਅਤੇ ਸਥਾਨਕ ਅਧਿਕਾਰੀਆਂ ਵੱਲੋਂ ਜਾਰੀ ਸੁਰੱਖਿਆ ਨਿਰਦੇਸ਼ਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਨ ਦੀ ਅਪੀਲ ਕੀਤੀ ਹੈ।
ਭਾਰਤੀ ਦੂਤਾਵਾਸ ਨੇ ਵਿਸ਼ੇਸ਼ ਤੌਰ 'ਤੇ ਹਦਾਇਤ ਕੀਤੀ ਹੈ ਕਿ ਭਾਰਤੀ ਨਾਗਰਿਕ ਮੌਜੂਦਾ ਘਟਨਾਵਾਂ ਨਾਲ ਸਬੰਧਤ ਕਿਸੇ ਵੀ ਤਰ੍ਹਾਂ ਦੀਆਂ ਵੀਡੀਓਜ਼ ਜਾਂ ਖ਼ਬਰਾਂ ਨੂੰ ਸੋਸ਼ਲ ਮੀਡੀਆ 'ਤੇ ਅੱਗੇ ਭੇਜਣ (Repost/Circulate) ਤੋਂ ਗੁਰੇਜ਼ ਕਰਨ। ਦੂਤਾਵਾਸ ਨੇ ਲੋਕਾਂ ਨੂੰ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲਜ਼ ਰਾਹੀਂ ਦਿੱਤੀ ਜਾਣ ਵਾਲੀ ਜਾਣਕਾਰੀ 'ਤੇ ਹੀ ਭਰੋਸਾ ਕਰਨ ਲਈ ਕਿਹਾ ਹੈ।
ਹਵਾਈ ਯਾਤਰਾ ਬਾਰੇ ਜਾਣਕਾਰੀ ਦਿੰਦਿਆਂ ਦੂਤਾਵਾਸ ਨੇ ਦੱਸਿਆ ਕਿ ਭਾਰਤੀ ਜਹਾਜ਼ ਕੰਪਨੀਆਂ ਨੇ ਰਿਆਦ ਤੋਂ ਆਪਣੀਆਂ ਉਡਾਣਾਂ ਮੁੜ ਸ਼ੁਰੂ ਕਰ ਦਿੱਤੀਆਂ ਹਨ। ਇਸ ਤੋਂ ਇਲਾਵਾ ਜੇਦਾਹ ਅਤੇ ਮਦੀਨਾ ਤੋਂ ਭਾਰਤ ਲਈ ਨਿਯਮਤ ਉਡਾਣਾਂ ਜਾਰੀ ਹਨ, ਜਦੋਂ ਕਿ ਸਾਊਦੀ ਜਹਾਜ਼ ਰਿਆਦ ਅਤੇ ਦੰਮਾਮ ਤੋਂ ਆਪਣੀਆਂ ਸੇਵਾਵਾਂ ਦੇ ਰਹੇ ਹਨ। ਭਾਰਤ ਜਾਣ ਦੇ ਚਾਹਵਾਨ ਯਾਤਰੀ ਉਪਲਬਧਤਾ ਅਨੁਸਾਰ ਆਪਣੀਆਂ ਟਿਕਟਾਂ ਬੁੱਕ ਕਰ ਸਕਦੇ ਹਨ।
ਰਿਆਦ ਵਿੱਚ ਭਾਰਤੀ ਦੂਤਾਵਾਸ ਅਤੇ ਜੇਦਾਹ ਵਿੱਚ ਕੌਂਸਲੇਟ ਦਾ ਕੰਮਕਾਜ, VFS ਸੇਵਾਵਾਂ ਸਮੇਤ, ਆਮ ਵਾਂਗ ਚੱਲ ਰਿਹਾ ਹੈ। ਕੌਂਸਲਰ ਕੈਂਪ (Consular Camps) ਵੀ ਨਿਰੰਤਰ ਲਗਾਏ ਜਾ ਰਹੇ ਹਨ।
ਮਦਦ ਲਈ ਹੈਲਪਲਾਈਨ ਨੰਬਰ ਜਾਰੀ
ਦੂਤਾਵਾਸ ਨੇ ਕਿਸੇ ਵੀ ਐਮਰਜੈਂਸੀ ਦੀ ਸਥਿਤੀ ਵਿੱਚ ਸੰਪਰਕ ਕਰਨ ਲਈ 24*7 ਹੈਲਪਲਾਈਨ ਨੰਬਰ ਵੀ ਜਾਰੀ ਕੀਤੇ ਹਨ:
ਰਿਆਦ (Riyadh): 00-966-11-4884697, 00-966-542126748 (ਸਿਰਫ਼ ਵਟਸਐਪ), ਅਤੇ ਟੋਲ ਫ੍ਰੀ ਨੰਬਰ 800 247 1234।
ਜੇਦਾਹ (Jeddah): +966 536209704 (ਵਟਸਐਪ), 00 966 12 6648660, ਅਤੇ ਟੋਲ ਫ੍ਰੀ ਨੰਬਰ 800 244 0003।
ਨਾਗਰਿਕਾਂ ਨੂੰ ਕਿਸੇ ਵੀ ਅਧਿਕਾਰਤ ਜਾਣਕਾਰੀ ਲਈ ਦੂਤਾਵਾਸ ਦੇ ਐਕਸ (X), ਫੇਸਬੁੱਕ, ਇੰਸਟਾਗ੍ਰਾਮ ਅਤੇ ਲਿੰਕਡਇਨ ਪੇਜਾਂ ਨੂੰ ਨਿਯਮਤ ਤੌਰ 'ਤੇ ਫਾਲੋ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
ਜੰਗ ਵਿਚਾਲੇ ਈਰਾਨ ਨੇ ਪਹਿਲੀ ਵਾਰ ਦਾਗੀ 'ਡਾਂਸਿੰਗ ਮਿਜ਼ਾਈਲ', 2000KM ਤੱਕ ਮਾਰ ਕਰਨ ਦੀ ਸਮਰੱਥਾ
NEXT STORY 
