ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਵਿਚ ਭਾਰਤੀ ਮੂਲ ਦੇ 13 ਸਾਲਾ ਫੈਜ਼ਾਨ ਜ਼ਾਕੀ ਨੇ ਸਪੈਲ ਬੀ ਮੁਕਾਬਲਾ ਜਿੱਤਿਆ ਹੈ। ਫੈਜ਼ਾਨ ਜ਼ਾਕੀ ਨੇ ਅਮਰੀਕਾ ਦਾ ਸਭ ਤੋਂ ਔਖਾ ਮੁਕਾਬਲਾ ਮੰਨੇ ਜਾਣ ਵਾਲੇ 'ਸਕ੍ਰਿਪਸ ਨੈਸ਼ਨਲ ਸਪੈਲਿੰਗ ਬੀ' ਦਾ ਖਿਤਾਬ ਜਿੱਤਿਆ ਹੈ। ਉਸਨੇ ਫਰਾਂਸੀਸੀ ਸ਼ਬਦ 'eclaircissement' ਦਾ ਸਹੀ ਉਚਾਰਨ ਕਰਕੇ ਇਹ ਖਿਤਾਬ ਜਿੱਤਿਆ। ਇਸ ਵਾਰ ਮੁਕਾਬਲਾ ਜਿੱਤ ਕੇ ਫੈਜ਼ਾਨ ਚੌਥੀ ਵਾਰ ਚੈਂਪੀਅਨ ਬਣਿਆ ਹੈ। ਟੈਕਸਾਸ ਦੇ ਫੈਜ਼ਾਨ ਬੀਤੇ ਸਾਲ ਰਨਰਅੱਪ ਰਿਹਾ ਸੀ।
ਜਿੱਤ ਤੋਂ ਬਾਅਦ ਮਿਲੇ 45 ਲੱਖ ਰੁਪਏ
ਇਸ ਵਾਰ ਫੈਜ਼ਾਨ ਨੇ 21 ਰਾਊਂਡ ਤੱਕ ਲਗਾਤਾਰ ਸਹੀ ਸਪੈਲ ਕੀਤਾ ਅਤੇ ਜਿੱਤ ਹਾਸਲ ਕੀਤੀ। ਫੈਜ਼ਾਨ 5ਵੇਂ ਅਜਿਹੇ ਮੁਕਾਬਲੇਬਾਜ਼ ਹਨ ਜਿਨ੍ਹਾਂ ਨੇ ਰਨਰ ਅੱਪ ਰਹਿਣ ਦੇ ਅਗਲੇ ਸਾਲ ਖਿਤਾਬ ਜਿੱਤਿਆ। ਡੱਲਾਸ, ਟੈਕਸਾਸ ਦੇ 13 ਸਾਲਾ ਫੈਜ਼ਾਨ ਜ਼ਾਕੀ ਨੇ ਮੁਕਾਬਲੇ ਦੇ ਇਤਿਹਾਸਕ 100ਵੇਂ ਵਰ੍ਹੇਗੰਢ ਐਡੀਸ਼ਨ ਵਿੱਚ 50,000 ਡਾਲਰ ਅਤੇ ਸਕ੍ਰਿਪਸ ਕੱਪ ਜਿੱਤਿਆ। ਉਸਦੀ ਮਹੱਤਵਪੂਰਨ ਜਿੱਤ ਵਿੱਚ ਵੱਕਾਰੀ ਸਕ੍ਰਿਪਸ ਕੱਪ ਟਰਾਫੀ, ਇੱਕ ਯਾਦਗਾਰੀ ਤਗਮਾ, ਅਤੇ 50,000 ਡਾਲਰ ਦਾ ਨਕਦ ਇਨਾਮ ਸ਼ਾਮਲ ਸੀ।
ਸੀਐਮ ਰਾਈਸ ਮਿਡਲ ਸਕੂਲ ਵਿੱਚ ਸੱਤਵੀਂ ਜਮਾਤ ਦੇ ਵਿਦਿਆਰਥੀ ਫੈਜ਼ਾਨ ਨੇ 7 ਸਾਲ ਦੀ ਉਮਰ ਵਿੱਚ ਆਪਣੀ ਸਪੈਲਿੰਗ ਯਾਤਰਾ ਸ਼ੁਰੂ ਕੀਤੀ ਸੀ। ਉਹ ਰੋਜ਼ਾਨਾ 7 ਘੰਟੇ ਪ੍ਰੈਕਟਿਸ ਕਰਦਾ ਸੀ। ਫੈਜ਼ਾਨ ਦੱਸਦਾ ਹੈ ਕਿ ਜਦੋਂ ਉਹ ਨਰਵਸ ਹੁੰਦਾ ਹੈ ਤਾਂ ਖੁਦ ਨੂੰ ਕਹਿੰਦਾ ਹੈ ਮੈਂ ਇਹ ਸ਼ਬਦ ਜਾਣਦਾ ਹਾਂ, ਕੁਝ ਵੀ ਕਰ ਸਕਦਾ ਹਾਂ। ਖ਼ੁਦ ਨਾਲ ਗੱਲਬਾਤ ਮੇਰੇ ਵਿਚ ਜੋਸ਼ ਭਰ ਦਿੰਦੀ ਹੈ, ਪ੍ਰਦਰਸ਼ਨ ਬਿਹਤਰ ਹੋ ਜਾਂਦਾ ਹੈ। ਚੌਥੀ ਜਮਾਤ ਤੱਕ ਜਿੱਤਣ ਦੀ ਕੋਈ ਇਰਾਦਾ ਨਹੀਂ ਸੀ, ਸੋਚਿਆ ਸੀ ਸਿਰਫ ਮੌਜ-ਮਸਤੀ ਲਈ ਜਾਵਾਂਗਾ। ਪਰ ਸਪੈਲਿੰਗ ਦੇ ਜਨੂੰਨ ਨੇ ਮੈਨੂੰ ਉੱਚਾਈ 'ਤੇ ਪਹੁੰਚਾ ਦਿੱਤਾ। ਉਸ ਦੀ ਮਾਂ ਅਰਸ਼ੀਆ ਕਾਦਰੀ ਨੇ ਕਿਹਾ,"ਇਹ ਕੁਝ ਅਜਿਹਾ ਹੈ ਜੋ ਉਸਨੂੰ ਕੁਦਰਤੀ ਤੌਰ 'ਤੇ ਆਉਂਦਾ ਹੈ"। ਉਸਦੇ ਪਿਤਾ ਜ਼ਕੀ ਅਨਵਰ ਨੇ ਦੱਸਿਆ,"ਅਸੀਂ ਸਿਰਫ਼ ਇਹ ਚਾਹੁੰਦੇ ਸੀ ਕਿ ਉਹ ਮੁਕਾਬਲੇ ਦੇ ਤਜਰਬੇ ਦਾ ਆਨੰਦ ਮਾਣੇ। ਜੇ ਉਹ ਕੁਝ ਸ਼ਬਦ ਬੋਲ ਸਕਦਾ ਹੈ ਅਤੇ ਕੁਝ ਦੌਰਾਂ ਵਿੱਚੋਂ ਲੰਘ ਸਕਦਾ ਹੈ ਤਾਂ ਇਹ ਬਹੁਤ ਵਧੀਆ ਹੋਵੇਗਾ। ਪਰ ਇਹ ਹੈਰਾਨੀਜਨਕ ਹੈ!”
ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ 'ਚ ਸਿੱਖ ਸੰਗਠਨਾਂ ਦਾ ਭਾਰਤ ਵਿਰੋਧੀ ਏਜੰਡਾ, ਬੋਲੇ-G7 ਸੰਮੇਲਨ 'ਚ ਮੋਦੀ ਨੂੰ ਨਾ ਬੁਲਾਓ
ਮੁਕਾਬਲੇ ਵਿੱਚ 243 ਭਾਗੀਦਾਰਾਂ ਨੇ ਲਿਆ ਹਿੱਸਾ
ਇਸ ਸਾਲ ਦਾ ਸਪੈਲਿੰਗ ਬੀ ਖਾਸ ਤੌਰ 'ਤੇ ਮਹੱਤਵਪੂਰਨ ਸੀ ਕਿਉਂਕਿ ਇਸਨੇ ਆਪਣੀ 100ਵੀਂ ਵਰ੍ਹੇਗੰਢ ਮਨਾਈ। ਇਸ ਮੁਕਾਬਲੇ ਵਿੱਚ ਦੁਨੀਆ ਭਰ ਦੇ 8 ਤੋਂ 14 ਸਾਲ ਦੀ ਉਮਰ ਦੇ 243 ਭਾਗੀਦਾਰ ਸ਼ਾਮਲ ਸਨ ਜੋ 27-30 ਮਈ ਤੱਕ ਨੈਸ਼ਨਲ ਹਾਰਬਰ, ਮੈਰੀਲੈਂਡ ਦੇ ਗੇਲੋਰਡ ਨੈਸ਼ਨਲ ਰਿਜ਼ੋਰਟ ਅਤੇ ਕਨਵੈਨਸ਼ਨ ਸੈਂਟਰ ਵਿੱਚ ਇਕੱਠੇ ਹੋਏ ਸਨ। ਸਿਰਫ਼ ਨੌਂ ਭਾਗੀਦਾਰ ਹੀ ਅੰਤਿਮ ਦੌਰ ਵਿੱਚ ਪਹੁੰਚੇ। ਫੈਜ਼ਾਨ ਨੇ 21ਵੇਂ ਦੌਰ ਵਿੱਚ ਆਪਣੀ ਜਿੱਤ ਦਾ ਸ਼ਬਦ ਬੋਲਿਆ।
ਚੌਥੀ ਵਾਰ ਜਿੱਤਿਆ ਮੁਕਾਬਲਾ
ਫੈਜ਼ਾਨ ਨੇ ਚੌਥੀ ਵਾਰ ਰਾਸ਼ਟਰੀ ਮੁਕਾਬਲੇ ਵਿੱਚ ਜਿੱਤ ਹਾਸਲ ਕੀਤੀ। ਪਿਛਲੇ ਸਾਲ ਉਸਨੂੰ ਟਾਈਬ੍ਰੇਕਰ ਰਾਊਂਡ ਵਿੱਚ ਉਸਦੇ ਦੋਸਤ ਬਰੂਹਤ ਸੋਮਾ ਨੇ ਥੋੜ੍ਹੇ ਫਰਕ ਨਾਲ ਹਰਾਇਆ ਸੀ। ਫੈਜ਼ਾਨ ਦੀ ਜਿੱਤ ਅਣਗਿਣਤ ਨੌਜਵਾਨ ਸਪੈਲਰਾਂ ਨੂੰ ਵੀ ਪ੍ਰੇਰਿਤ ਕਰਦੀ ਹੈ। ਇੱਥੇ ਦੱਸ ਦਈਏ ਕਿ ਸਪੈਲ ਬੀ ਮੁਕਾਬਲੇ ਵਿਚ 36 ਵਿਚੋਂ 30 ਵਾਰ ਭਾਰਤੀ ਮੂਲ ਦੇ ਵਿਦਿਆਰਥੀ ਚੈਂਪੀਅਨ ਬਣੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਕੈਨੇਡਾ 'ਚ ਸਿੱਖ ਸੰਗਠਨਾਂ ਦਾ ਭਾਰਤ ਵਿਰੋਧੀ ਏਜੰਡਾ, ਬੋਲੇ-G7 ਸੰਮੇਲਨ 'ਚ ਮੋਦੀ ਨੂੰ ਨਾ ਬੁਲਾਓ
NEXT STORY 
