ਇੰਟਰਨੈਸ਼ਨਲ ਡੈਸਕ- ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਪਿਛਲੇ ਕਈ ਦਿਨਾਂ ਤੋਂ ਜੰਗ ਜਾਰੀ ਹੈ, ਜਿਸ 'ਚ 11 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਦੌਰਾਨ ਇਜ਼ਰਾਇਲੀ ਫੌਜ ਨੇ ਦਾਅਵਾ ਕੀਤਾ ਕਿ ਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਅਲ-ਸ਼ਿਫਾ ਹਸਪਤਾਲ ਦੇ ਹੇਠਾਂ ਇੱਕ ਸੁਰੰਗ ਮਿਲੀ ਹੈ। ਦੱਸ ਦਈਏ ਕਿ ਇਜ਼ਰਾਇਲੀ ਫੌਜ ਨੇ ਹਾਲ ਹੀ 'ਚ ਅਲ-ਸ਼ਿਫਾ ਹਸਪਤਾਲ 'ਤੇ ਕਬਜ਼ਾ ਕਰ ਲਿਆ ਸੀ, ਜਿਸ ਤੋਂ ਬਾਅਦ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਨੂੰ ਹਸਪਤਾਲ ਦੇ ਅੰਦਰ ਹਥਿਆਰ ਮਿਲੇ ਹਨ।
ਇਜ਼ਰਾਇਲੀ ਫੌਜ ਨੇ ਐਤਵਾਰ ਨੂੰ ਇੱਕ ਵੀਡੀਓ ਜਾਰੀ ਕੀਤਾ, ਜਿਸ ਵਿੱਚ ਫੌਜ ਨੇ ਦਾਅਵਾ ਕੀਤਾ ਕਿ ਅਲ-ਸ਼ਿਫਾ ਦੇ ਹੇਠਾਂ ਇੱਕ ਸੁਰੰਗ ਦਿਖਾਈ ਗਈ ਹੈ। ਇਸ ਦੇ ਇੰਜੀਨੀਅਰਾਂ ਨੇ 10 ਮੀਟਰ ਡੂੰਘੀ ਅਤੇ ਵਿਸਫੋਟਕ ਪਰੂਫ ਸੁਰੰਗ ਦੀ ਖੋਜ ਕੀਤੀ ਹੈ। ਇਸਦੀ ਵਰਤੋਂ ਇਜ਼ਰਾਈਲੀ ਬਲਾਂ ਨੂੰ ਹਮਾਸ ਨਾਲ ਸਬੰਧਤ ਕਮਾਂਡ ਸੈਂਟਰਾਂ ਅਤੇ ਭੂਮੀਗਤ ਸੰਪਤੀਆਂ ਵਿੱਚ ਦਾਖਲ ਹੋਣ ਤੋਂ ਰੋਕਣ ਲਈ ਕੀਤੀ ਜਾਂਦੀ ਹੈ। ਹਮਾਸ ਦੇ ਅੱਤਵਾਦੀਆਂ ਨੇ ਇਹ ਸੁਰੰਗ ਬਣਾਈ ਹੈ। ਸੁਰੰਗ ਦੇ ਅੰਦਰੋਂ ਹਥਿਆਰ ਮਿਲੇ ਹਨ। ਹਮਾਸ ਨੇ ਇਜ਼ਰਾਈਲ ਦੇ ਦਾਅਵੇ 'ਤੇ ਆਪਣਾ ਸਪੱਸ਼ਟੀਕਰਨ ਦਿੱਤਾ ਹੈ। ਹਮਾਸ ਨੇ ਮੰਨਿਆ ਕਿ ਉਨ੍ਹਾਂ ਕੋਲ ਸੈਂਕੜੇ ਕਿਲੋਮੀਟਰ ਲੰਬੀਆਂ ਗੁਪਤ ਸੁਰੰਗਾਂ ਹਨ, ਜੋ ਪੂਰੇ ਫਲਸਤੀਨ ਵਿੱਚ ਫੈਲੀਆਂ ਹੋਈਆਂ ਹਨ, ਪਰ ਉਨ੍ਹਾਂ ਕੋਲ ਹਸਪਤਾਲ ਵਿੱਚ ਸੁਰੰਗ ਨਹੀਂ ਹੈ।
ਇਜ਼ਰਾਈਲੀ ਫੌਜ ਨੇ ਮਿਲਿਆ ਇਹ ਸਾਮਾਨ
ਅਲ-ਸ਼ਿਫਾ 'ਤੇ ਕਬਜ਼ਾ ਕਰਨ ਤੋਂ ਬਾਅਦ ਇਜ਼ਰਾਈਲੀ ਫੌਜ ਨੇ ਕਿਹਾ ਕਿ ਸੈਨਿਕ ਹਸਪਤਾਲ ਦੀ ਤਲਾਸ਼ੀ ਲੈ ਰਹੇ ਹਨ। ਇਸ ਦੌਰਾਨ ਉਨ੍ਹਾਂ ਨੂੰ ਇੱਕ ਲੈਪਟਾਪ ਮਿਲਿਆ, ਜਿਸ ਵਿੱਚ ਬੰਧਕਾਂ ਦੀਆਂ ਵੀਡੀਓ ਅਤੇ ਤਸਵੀਰਾਂ ਸਨ। ਆਈਡੀਐਫ ਨੇ ਕਿਹਾ ਸੀ ਕਿ ਸੈਨਿਕਾਂ ਨੇ ਇਮਾਰਤਾਂ, ਹਥਿਆਰਾਂ ਸਮੇਤ ਕਈ ਖੁਫ਼ੀਆ ਵਸਤੂਆਂ ਦੀ ਜਾਂਚ ਕੀਤੀ ਹੈ, ਜਿਸ ਵਿੱਚ ਜੰਗ ਨਾਲ ਜੁੜੀਆਂ ਕਈ ਜਾਣਕਾਰੀਆਂ ਸਾਹਮਣੇ ਆਈਆਂ ਹਨ। ਜ਼ਬਤ ਸਮੱਗਰੀ ਨੂੰ ਜਾਂਚ ਲਈ ਭੇਜ ਦਿੱਤਾ ਗਿਆ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ ਔਰਤ ਨੇ ਪਤੀ ਨੂੰ ਮਾਰਿਆ ਚਾਕੂ, ਬੱਚਿਆਂ ਸਮੇਤ ਕਾਰ ਝੀਲ 'ਚ ਸੁੱਟੀ
ਹਮਾਸ ਨੇ ਇਜ਼ਰਾਇਲੀ ਦਾਅਵੇ 'ਤੇ ਦਿੱਤਾ ਸਪੱਸ਼ਟੀਕਰਨ
ਹਸਪਤਾਲ ਵਿੱਚ ਇਜ਼ਰਾਈਲੀ ਕੈਦੀਆਂ ਨੂੰ ਬੰਧਕ ਬਣਾਏ ਜਾਣ ਦੇ ਇਜ਼ਰਾਈਲ ਦੇ ਦਾਅਵੇ 'ਤੇ ਹਮਾਸ ਦੀ ਕਾਸਮ ਬ੍ਰਿਗੇਡ ਨੇ ਕਿਹਾ ਸੀ ਕਿ ਜੰਗ ਕਾਰਨ ਕਈ ਇਜ਼ਰਾਈਲੀ ਕੈਦੀਆਂ ਦੀ ਸਿਹਤ ਵਿਗੜ ਰਹੀ ਹੈ ਅਤੇ ਉਨ੍ਹਾਂ ਨੂੰ ਇਲਾਜ ਦੀ ਲੋੜ ਹੈ। ਇਸ ਲਈ ਉਸ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਹਸਪਤਾਲ ਵਿੱਚ ਬੰਧਕਾਂ ਦੀ ਦੇਖਭਾਲ ਕੀਤੀ ਜਾ ਰਹੀ ਸੀ ਅਤੇ ਜਿਵੇਂ-ਜਿਵੇਂ ਬੰਧਕ ਠੀਕ ਹੋ ਰਹੇ ਸਨ, ਉਨ੍ਹਾਂ ਨੂੰ ਹਿਰਾਸਤ ਵਾਲੀ ਥਾਂ 'ਤੇ ਲਿਆਂਦਾ ਜਾ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਵੱਡੀ ਖ਼ਬਰ: UK ਦੇ ਸਿੱਖ ਐੱਮ. ਪੀ. ਤਨਮਨਜੀਤ ਸਿੰਘ ਢੇਸੀ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ
NEXT STORY 
