ਸਿਓਲ- ਉੱਤਰ ਕੋਰੀਆ ਦੇ ਸ਼ਾਸਕ ਕਿਮ ਜੋਂਗ ਉਨ ਦੀ ਖਰਾਬ ਸਿਹਤ ਨੂੰ ਲੈ ਕੇ ਅੰਤਰਰਾਸ਼ਟਰੀ ਮੀਡੀਆ ਵਿਚ ਪਿਛਲੇ ਬਹੁਤ ਦਿਨਾਂ ਤੋਂ ਕਈ ਤਰ੍ਹਾਂ ਦੀਆਂ ਖਬਰਾਂ ਆ ਰਹੀਆਂ ਹਨ। ਹਾਲਾਂਕਿ ਕਿਮ ਜੋਂਗ ਕਿੱਥੇ ਹਨ ਤੇ ਕਿਸ ਹਾਲਤ ਵਿਚ ਹਨ, ਇਸ ਰਹੱਸ ਤੋਂ ਹੁਣ ਸ਼ਾਇਦ ਜਲਦੀ ਹੀ ਪਰਦਾ ਉੱਠ ਜਾਵੇਗਾ। ਇਸ ਵਿਚਾਲੇ ਕਿਮ ਜੋਂਗ ਦੀ ਵਿਸ਼ੇਸ਼ ਟਰੇਨ ਉੱਤਰ ਕੋਰੀਆ ਦੇ ਇਕ ਰਿਜ਼ਾਰਟ ਦੇ ਬਾਹਰ ਦੇਖੇ ਜਾਣ ਦੀ ਖਬਰ ਸਾਹਮਣੇ ਆਈ ਹੈ।
ਵਾਸ਼ਿੰਗਟਨ ਸਥਿਤ ਨਾਰਥ ਕੋਰੀਆ ਮਾਨੀਟ੍ਰਿੰਗ ਪ੍ਰੋਜੈਕਟ ਦੇ ਤਹਿਤ ਸੈਟੇਲਾਈਟ ਤਸਵੀਰਾਂ ਦੇ ਰਾਹੀਂ ਕਿਮ ਜੋਂਗ ਦੀ ਸਪੈਸ਼ਲ ਟਰੇਨ ਨੂੰ ਉੱਤਰ ਕੋਰੀਆ ਦੇ ਇਕ ਰਿਜ਼ਾਰਟ ਦੇ ਬਾਹਰ ਦੇਖਿਆ ਗਿਆ ਹੈ। ਮਾਨੀਟ੍ਰਿੰਗ ਪ੍ਰੋਜੈਕਟ '38 ਨਾਰਥ' ਨੇ ਆਪਣੀ ਰਿਪੋਰਟ ਵਿਚ ਦਾਅਵਾ ਕੀਤਾ ਹੈ ਕਿ 21 ਤੋਂ 23 ਅਪ੍ਰੈਲ ਨੂੰ ਵੋਨਸਾਨ ਦੇ ਲੀਡਰਸ਼ਿਪ ਸਟੇਸ਼ਨ 'ਤੇ ਕਿਮ ਜੋਂਗ ਦੀ ਟਰੇਨ ਸਪਾਟ ਹੋਈ ਹੈ। ਰਿਪੋਰਟ ਵਿਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਇਹਨਾਂ ਤਰੀਕਾਂ 'ਤੇ ਇਹ ਸਟੇਸ਼ਨ ਕਿਮ ਜੋਂਗ ਦੇ ਪਰਿਵਾਰ ਦੇ ਲਈ ਰਿਜ਼ਰਵ ਕੀਤਾ ਗਿਆ ਸੀ। ਹਾਲਾਂਕਿ ਰਾਈਟਰ ਨੇ ਇਸ ਦੇ ਕਿਮ ਜੋਂਗ ਦੀ ਟਰੇਨ ਹੋਣ ਜਾਂ ਨਾ ਹੋਣ ਨੂੰ ਲੈ ਕੇ ਕਿਸੇ ਤਰ੍ਹਾਂ ਦਾ ਦਾਅਵਾ ਨਹੀਂ ਕੀਤਾ ਹੈ ਤੇ ਨਾ ਹੀ ਕਿਮ ਜੋਂਗ ਦੇ ਵੋਨਸਾਨ ਵਿਚ ਹੋਣ ਦੀ ਪੁਸ਼ਟੀ ਕੀਤੀ ਹੈ।
ਦੱਸ ਦਈਏ ਕਿ ਦੁਨੀਆ ਭਰ ਦੀ ਮੀਡੀਆ ਵਿਚ ਕਿਮ ਜੋਂਗ ਦੀ ਖਰਾਬ ਸਿਹਤ ਨੂੰ ਲੈ ਕੇ ਕਈ ਤਰ੍ਹਾਂ ਦੇ ਦਾਅਵੇ ਕੀਤੇ ਜਾ ਰਹੇ ਹਨ। ਕਿਮ ਜੋਂਗ ਨੂੰ ਆਖਰੀ ਵਾਰ 12 ਅਪ੍ਰੈਲ ਨੂੰ ਦੇਖਿਆ ਗਿਆ ਸੀ ਤੇ ਤਦ ਤੋਂ ਹੀ ਉਹਨਾਂ ਦੀ ਖਰਾਬ ਸਿਹਤ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਖਬਰਾਂ ਸਾਹਮਣੇ ਆਉਣ ਲੱਗੀਆਂ। ਦੱਸ ਦਈਏ ਕਿ ਅਮਰੀਕਾ ਤੇ ਸਾਊਥ ਕੋਰੀਆ ਦੀ ਮੀਡੀਆ ਰਿਪੋਰਟਾਂ ਵਿਚ ਕਿੰਮ ਜੋਂਗ ਦੀ ਖਰਾਬ ਸਿਹਤ ਨੂੰ ਲੈ ਕੇ ਕਈ ਤਰ੍ਹਾਂ ਦੇ ਦਾਅਵੇ ਕੀਤੇ ਜਾ ਰਹੇ ਸਨ। ਹਾਲਾਂਕਿ ਹੁਣ ਤੱਕ ਉੱਤਰ ਕੋਰੀਆ ਵਲੋਂ ਇਸ 'ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਗਈ ਹੈ।
ਅੰਤਰਰਾਸ਼ਟਰੀ ਮੀਡੀਆ ਦੀ ਰਿਪੋਰਟ ਮੁਤਾਬਕ ਕਾਰਡੀਓਵਸਕਿਊਰ ਡਿਜ਼ੀਸ ਦੇ ਕਾਰਣ ਕਿਮ ਜੋਂਗ ਦਾ ਲੰਬੇ ਸਮੇਂ ਤੋਂ ਇਲਾਜ ਚੱਲ ਰਿਹਾ ਸੀ। ਇਸੇ ਵਿਚਾਲੇ ਉਹਨਾਂ ਦੀ ਤਬੀਅਤ ਜ਼ਿਆਦਾ ਖਰਾਬ ਹੋ ਗਈ। ਇਸ ਨੂੰ ਲੈ ਕੇ ਸਾਊਥ ਕੋਰੀਆ ਤੇ ਅਮਰੀਕੀ ਮੀਡੀਆ ਰਿਪੋਰਟਾਂ ਵਿਚ ਦੋ ਤਰ੍ਹਾਂ ਦੇ ਦਾਅਵੇ ਕੀਤਾ ਗਏ ਸਨ। ਮੀਡੀਆ ਰਿਪੋਰਟਾਂ ਵਿਚ ਅਮਰੀਕੀ ਖੁਫੀਆ ਸੂਤਰਾਂ ਦੇ ਹਵਾਲੇ ਨਾਲ ਲਿਖਿਆ ਕਿ ਕਿਮ ਜੋਂਗ ਜਾਂ ਤਾਂ ਕੋਮਾ ਵਿਚ ਹਨ ਜਾਂ ਉਹਨਾਂ ਦਾ ਬ੍ਰੇਨ ਡੈੱਡ ਹੋ ਚੁੱਕਾ ਹੈ। ਉਥੇ ਹੀ ਸਾਊਥ ਕੋਰੀਆ ਦੇ ਖੁਫੀਆ ਸੂਤਰਾਂ ਦੇ ਹਵਾਲੇ ਨਾਲ ਮੀਡੀਆ ਨੇ ਲਿਖਿਆ ਕਿ ਕਿਮ ਜੋਂਗ ਦੀ ਹਾਰਟ ਸਰਜਰੀ ਚੱਲ ਰਹੀ ਸੀ। ਫਿਲਹਾਲ ਉਹਨਾਂ ਦੀ ਗੰਭੀਰ ਹਾਲਤ ਬਾਰੇ ਕਿਸੇ ਨੂੰ ਜਾਣਕਾਰੀ ਨਹੀਂ ਹੈ।
ਇਟਲੀ 4 ਮਈ ਤੋਂ ਦੁਬਾਰਾ ਸ਼ੁਰੂ ਕਰੇਗਾ ਕਾਰੋਬਾਰ, ਸਤੰਬਰ 'ਚ ਖੁੱਲ੍ਹਣਗੇ ਸਕੂਲ : ਪੀ.ਐੱਮ.
NEXT STORY 
