ਬਿਜ਼ਨੈੱਸ ਡੈਸਕ - 15 ਸਾਲ ਤੋਂ ਐਪਲ ਦੇ ਸੀਈਓ ਦਾ ਅਹੁਦਾ ਸੰਭਾਲ ਰਹੇ ਕਿਮ ਕੁੱਕ ਹੁਣ ਰਿਟਾਇਰ ਹੋ ਚੁੱਕੇ ਹਨ ਅਤੇ ਕੰਪਨੀ ਨੂੰ ਹੁਣ ਇੱਕ ਨਵਾਂ ਸੀਈਓ ਮਿਲ ਗਿਆ ਹੈ। ਹਾਰਡਵੇਅਰ ਇੰਜੀਨੀਅਰਿੰਗ ਦੇ ਸਾਬਕਾ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਜੌਨ ਟਰਨਸ ਨੇ Apple ਦੇ CEO ਵਜੋਂ ਅਹੁਦਾ ਸੰਭਾਲ ਲਿਆ ਹੈ। ਟਰਨਸ ਕੋਲ ਉੱਚ-ਪੱਧਰੀ ਮਾਸਟਰ ਡਿਗਰੀ ਜਾਂ ਐਮਬੀਏ ਨਹੀਂ ਹੈ ਪਰ ਐਪਲ ਦੇ ਸਹਿ-ਸੰਸਥਾਪਕ ਸਟੀਵ ਜੌਬਸ ਵਾਂਗ ਆਪਣੇ ਕੰਮ ਦੀ ਡੂੰਘੀ ਸਮਝ ਰੱਖਦੇ ਹਨ। ਐਪਲ 'ਚ ਸ਼ਾਮਲ ਹੋਣ ਤੋਂ ਪਹਿਲਾਂ ਉਨ੍ਹਾਂ ਨੇ ਵਰਚੁਅਲ ਰਿਸਰਚ ਸਿਸਟਮਜ਼ 'ਚ ਇੱਕ ਮਕੈਨੀਕਲ ਇੰਜੀਨੀਅਰ ਵਜੋਂ ਕੰਮ ਕੀਤਾ ਹੈ।
ਇਹ ਵੀ ਪੜ੍ਹੋ : ਨੇਪਾਲ 'ਚ ਹੜ੍ਹ ਦੇ ਪਾਣੀ ਨਾਲ ਰੁੜ੍ਹ ਕੇ ਆਇਆ ਬੈਂਕ ਦਾ ਨੋਟਾਂ ਨਾਲ ਭਰਿਆ ਟਰੰਕ, ਲੋਕਾਂ ਨੇ ਲੁੱਟੇ ਬੰਡਲ
ਜੌਨ ਟਰਨਸ 2001 ਵਿੱਚ ਐਪਲ ਵਿੱਚ ਸ਼ਾਮਲ ਹੋਏ ਅਤੇ ਹੌਲੀ-ਹੌਲੀ ਆਪਣੀ ਕਾਬਲੀਅਤ ਦੇ ਦਮ 'ਤੇ ਰੈਂਕਾਂ ਵਿੱਚ ਵਾਧਾ ਕੀਤਾ। ਜੌਨ ਨੇ ਆਈਫੋਨ, ਮੈਕ, ਆਈਪੈਡ, ਏਅਰਪੌਡਸ ਅਤੇ ਐਪਲ ਵਾਚ ਵਰਗੇ ਉਤਪਾਦਾਂ ਲਈ ਹਾਰਡਵੇਅਰ ਇੰਜੀਨੀਅਰਿੰਗ ਦੀ ਅਗਵਾਈ ਕੀਤੀ। 1 ਸਤੰਬਰ, 2026 ਤੋਂ ਟਰਨਸ ਅਧਿਕਾਰਤ ਤੌਰ 'ਤੇ ਐਪਲ ਦਾ ਸੀਈਓ ਬਣ ਗਏ ਹਨ। ਇੱਕ ਮਕੈਨੀਕਲ ਇੰਜੀਨੀਅਰ ਤੋਂ ਲੈ ਕੇ ਦੁਨੀਆ ਦੀਆਂ ਸਭ ਤੋਂ ਵੱਡੀਆਂ ਤਕਨਾਲੋਜੀ ਕੰਪਨੀਆਂ ਵਿੱਚੋਂ ਇੱਕ ਨੂੰ ਚਲਾਉਣ ਤੱਕ, ਉਸਦਾ ਸਫ਼ਰ ਦਰਸਾਉਂਦਾ ਹੈ ਕਿ ਲੀਡਰਸ਼ਿਪ ਲਈ ਵੱਡੀਆਂ ਡਿਗਰੀਆਂ ਦੀ ਜ਼ਰੂਰਤ ਨਹੀਂ ਹੁੰਦੀ। ਕਈ ਵਾਰ, ਡੂੰਘਾ ਗਿਆਨ, ਤਕਨੀਕੀ ਮੁਹਾਰਤ ਅਤੇ ਸਾਲਾਂ ਮਿਹਨਤ ਰੰਗ ਦਿਖਾ ਦਿੰਦੀ ਹੈ।
ਇਹ ਵੀ ਪੜ੍ਹੋ : Toll Plaza 'ਤੇ ਕਰੋੜਾਂ ਦੀ ਠੱਗੀ ਦੇ ਵੱਡੇ ਨੈੱਟਵਰਕ ਦਾ ਪਰਦਾਫਾਸ਼, ਮਾਮਲਾ ਜਾਣ ਉੱਡਣਗੇ ਹੋਸ਼
2024 'ਚ ਪੇਨ ਇੰਜੀਨੀਅਰਿੰਗ ਦੇ ਭਾਸ਼ਣ ਦੌਰਾਨ, ਜੌਨ ਟਰਨਸ ਨੇ ਉਸ ਸਮੇਂ ਨੂੰ ਯਾਦ ਕੀਤਾ ਜਦੋਂ ਐਪਲ 'ਤੇ ਆਪਣੇ ਪਹਿਲੇ ਪ੍ਰੋਜੈਕਟ - ਸਿਨੇਮਾ ਡਿਸਪਲੇਅ ਮਾਨੀਟਰ ਨੂੰ ਕੰਪਲੀਟ ਕਰ ਰਹੇ ਸਨ। ਆਪਣੇ ਭਾਸ਼ਣ ਵਿੱਚ, ਟਰਨਸ ਨੇ ਮੰਨਿਆ ਕਿ ਉਨ੍ਹਾਂ ਦਾ ਧਿਆਨ ਸਿਨੇਮਾ ਡਿਸਪਲੇਅ ਦੇ ਪਿਛਲੇ ਪਾਸੇ ਲੱਗੇ ਸਟੇਨਲੈਸ ਸਟੀਲ ਦੇ ਪੇਚਾਂ ਦੇ ਛੋਟੇ-ਛੋਟੇ ਖਾਂਚੇ 'ਤੇ ਟਿਕਿਆ ਹੋਇਆ ਸੀ। ਇਹ ਪੇਚ ਮਾਨੀਟਰ ਦੇ ਪਿਛਲੇ ਪਾਸੇ ਸਥਿਤ ਸਨ ਅਤੇ ਜ਼ਿਆਦਾਤਰ ਉਪਭੋਗਤਾ ਇਸ ਵੱਲ ਬਹੁਤਾ ਧਿਆਨ ਨਹੀਂ ਦਿੰਦੇ ਹਨ। ਪਰ ਸਟੀਵ ਜੌਬਸ ਵਾਂਗ, ਜੌਨ ਟਰਨਸ ਹਰ ਮਾਮਲੇ 'ਚ ਬਹੁਤ ਸੁਚੇਤ ਸਨ ਕਿ ਪੇਚ ਸਹੀ ਢੰਗ ਨਾਲ ਬਣਾਏ ਜਾਣ। ਉਸ ਨੇ ਕਿਹਾ, "ਮੈਂ ਘਰ ਤੋਂ ਬਹੁਤ ਦੂਰ ਸੀ, ਅੱਧੀ ਰਾਤ ਹੋ ਗਈ ਸੀ। ਮੈਂ ਡਿਸਪਲੇ ਦੇ ਪਿਛਲੇ ਪਾਸੇ ਵਾਲੇ ਇਸ ਪੇਚ ਦੇ ਸਿਰੇ 'ਤੇ ਬਣੇ ਖਾਂਚਿਆਂ ਦੀ ਗਿਣਤੀ ਕਰ ਰਿਹਾ ਸੀ ਜਿਹੜੇ ਡਿਸਪਲੇਅ ਦੇ ਪਿੱਛੇ ਲੱਗੇ ਹੁੰਦੇ ਹਨ ਅਤੇ ਮੈਂ ਸਪਲਾਇਰ ਨਾਲ ਬਹਿਸ ਕਰ ਰਿਹਾ ਸੀ ਕਿਉਂਕਿ ਇਹਨਾਂ ਹਿੱਸਿਆਂ ਵਿੱਚ 35 ਖਾਂਚੇ ਸਨ, ਜਦੋਂ ਕਿ ਇਹਨਾਂ ਵਿੱਚ 25 ਖਾਂਚੇ ਹੋਣੇ ਚਾਹੀਦੇ ਸਨ।"
ਇਹ ਵੀ ਪੜ੍ਹੋ : ਵੱਡੀ ਖ਼ਬਰ! PNB ਬੈਂਕ 'ਚੋਂ ਮਿਲੇ 17 ਕਰੋੜ ਦੇ ਨਕਲੀ ਨੋਟ, ਅਧਿਕਾਰੀਆਂ ਦੇ ਉੱਡੇ ਹੋਸ਼
ਉਸ ਪਲ ਨੂੰ ਯਾਦ ਕਰਦੇ ਹੋਏ, ਟਰਨਸ ਨੇ ਕਿਹਾ ਕਿ ਉਸ ਨੇ ਸੋਚਿਆ ਅਤੇ ਆਪਣੇ ਆਪ ਤੋਂ ਪੁੱਛਿਆ, "ਮੈਂ ਕੀ ਕਰ ਰਿਹਾ ਹਾਂ? ਕੀ ਇਹ ਆਮ ਹੈ?" ਉਸ ਸਮੇਂ, ਭਵਿੱਖ ਦੇ ਐਪਲ ਸੀਈਓ ਨੇ ਮੰਨਿਆ, "ਇਹ ਆਮ ਨਹੀਂ ਹੋ ਸਕਦਾ, ਪਰ ਇਹ ਸਹੀ ਹੈ।"
ਟਰਨਸ ਅਨੁਸਾਰ, ਉਸਨੂੰ ਲੱਗਾ ਕਿ ਇਹ ਕਰਨਾ ਸਹੀ ਗੱਲ ਸੀ ਕਿਉਂਕਿ, ਇੱਕ ਉਤਪਾਦ 'ਤੇ ਮਹੀਨਿਆਂ ਦੀ ਮਿਹਨਤ ਅਤੇ ਮੋਟਾ ਨਿਵੇਸ਼ ਕਰਨ ਤੋਂ ਬਾਅਦ, ਉਹ ਅਤੇ ਉਸਦੀ ਟੀਮ ਆਪਣੀ ਪੂਰੀ ਕੋਸ਼ਿਸ਼ ਕਰਨਾ ਚਾਹੁੰਦੇ ਸਨ ਕਿ ਉਤਪਾਦ ਵਿਚ ਕੋਈ ਕਮੀ ਨਾ ਰਹੇ। ਭਾਵੇਂ ਗਾਹਕਾਂ ਨੇ ਉਸ ਛੋਟੀ ਜਿਹੀ ਗੱਲ ਵੱਲ ਧਿਆਨ ਦਿੱਤਾ ਹੋਵੇ ਜਾਂ ਨਾ। ਉਸਨੇ ਕਿਹਾ, "ਗਾਹਕ ਧਿਆਨ ਦੇ ਸਕਦੇ ਹਨ, ਉਹ ਸ਼ਾਇਦ ਨਾ ਵੀ ਦੇਣ, ਪਰ ਇਹ ਮੇਰੇ ਲਈ ਮਾਇਨੇ ਰੱਖਦਾ ਹੈ।" ਇਸ ਘਟਨਾ ਤੋਂ ਪਤਾ ਲਗਦਾ ਹੈ ਕਿ ਜੌਨ ਟਰਨਸ ਵੀ ਸਟੀਵ ਜੌਬਸ ਵਾਂਗ ਬਰੀਕਿਆਂ ਵੱਲ ਜ਼ਿਆਦਾ ਧਿਆਨ ਦਿੰਦੇ ਸਨ।
ਇਹ ਵੀ ਪੜ੍ਹੋ : ਭਾਰਤ ’ਚ 3 ਵੇਲੇ ਦੀ ਰੋਟੀ-ਸਬਜ਼ੀ ਵਾਲੀ ਥਾਲੀ ਬਦਲੀ, ਇਨ੍ਹਾਂ ਖਾਣ ਵਾਲੀਆਂ ਚੀਜ਼ਾਂ ਦਾ ਵਧਿਆ ਰੁਝਾਨ
ਜੌਨ ਟਰਨਸ ਕੌਣ ਹੈ?
ਐਪਲ ਦੇ ਨਵੇਂ ਨਿਯੁਕਤ ਸੀਈਓ ਭਾਵੇਂ ਆਪਣੇ ਕੰਮ ਨੂੰ ਲੈ ਕੇ ਵਧੇਰੇ ਤਜਰਬੇਕਾਰ ਹਨ ਪਰ ਸੋਸ਼ਲ ਮੀਡੀਆ 'ਤੇ ਜ਼ਿਆਦਾ ਐਕਟਿਵ ਨਹੀਂ ਰਹਿੰਦੇ। ਜਦੋਂ ਐਪਲ ਨੇ ਅਪ੍ਰੈਲ ਵਿੱਚ ਟਰਨਸ ਨੂੰ ਆਪਣਾ ਅਗਲਾ ਸੀਈਓ ਐਲਾਨਿਆ, ਤਾਂ ਉਸਦੀ ਲਿੰਕਡਇਨ ਪ੍ਰੋਫਾਈਲ ਵਿੱਚ ਇੱਕ ਪ੍ਰੋਫਾਈਲ ਤਸਵੀਰ ਵੀ ਨਹੀਂ ਸੀ। ਐਪਲ ਦੇ ਸੀਈਓ ਬਣਨ ਤੋਂ ਬਾਅਦ, ਜੌਨ ਟਰਨਸ ਨੇ ਇੱਕ ਐਕਸ ਖਾਤਾ ਬਣਾਇਆ ਅਤੇ ਉਸਦੀ ਪਹਿਲੀ ਪੋਸਟ ਵਿਚ ਸਿਰਫ਼ "ਹੈਲੋ" ਲਿਖਿਆ ਸੀ।
ਉਸਨੇ 2001 ਵਿੱਚ ਕੰਪਨੀ ਦੀ ਉਤਪਾਦ ਡਿਜ਼ਾਈਨ ਟੀਮ ਵਿੱਚ ਕੰਮ ਕਰਨਾ ਸ਼ੁਰੂ ਕੀਤਾ। ਜੌਨ ਟਰਨਸ 2013 ਵਿੱਚ ਹਾਰਡਵੇਅਰ ਇੰਜੀਨੀਅਰਿੰਗ ਦੇ ਉਪ ਚੇਅਰਮੈਨ ਬਣੇ ਅਤੇ 2021 ਵਿੱਚ ਹਾਰਡਵੇਅਰ ਇੰਜੀਨੀਅਰਿੰਗ ਦੇ ਸੀਨੀਅਰ ਚੇਅਰਮੈਨ ਵਜੋਂ ਕਾਰਜਕਾਰੀ ਟੀਮ ਵਿੱਚ ਸ਼ਾਮਲ ਹੋਏ।
ਇਹ ਵੀ ਪੜ੍ਹੋ : 600 ਕਰਮਚਾਰੀਆਂ ਨੂੰ ਲੱਗਾ ਝਟਕਾ, ਵਿਦੇਸ਼ੀ ਕੰਪਨੀ ਨੇ ਅਚਾਨਕ ਨੋਕਰੀਓਂ ਕੱਢ'ਤੇ ਭਾਰਤੀ ਮੁਲਾਜ਼ਮ
ਐਪਲ ਵਿਖੇ, ਜੌਨ ਟਰਨਸ ਨੇ ਆਈਫੋਨ, ਮੈਕ ਅਤੇ ਆਈਪੈਡ ਲਈ ਹਾਰਡਵੇਅਰ ਇੰਜੀਨੀਅਰਿੰਗ ਫੰਕਸ਼ਨਾਂ ਦੀ ਨਿਗਰਾਨੀ ਕੀਤੀ ਹੈ। ਉਸਨੇ ਐਪਲ ਵਾਚ ਅਤੇ ਏਅਰਪੌਡ ਉਤਪਾਦਾਂ ਦੇ ਵਿਕਾਸ ਵਿੱਚ ਵੀ ਮੁੱਖ ਭੂਮਿਕਾ ਨਿਭਾਈ। ਮੈਕ ਡਿਵਾਈਸਾਂ ਲਈ ਐਪਲ ਦੇ ਆਪਣੇ ਐਮ-ਸੀਰੀਜ਼ ਚਿਪਸ ਨੂੰ ਅਪਣਾਉਣ ਦੀ ਅਗਵਾਈ ਕਰਨ ਦਾ ਸਿਹਰਾ ਵਿਆਪਕ ਤੌਰ 'ਤੇ ਜੌਨ ਟਰਨਸ ਨੂੰ ਦਿੱਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਖ਼ੁਸ਼ਖ਼ਬਰੀ ! SBI 'ਚ ਨੌਕਰੀ ਦਾ ਸੁਨਹਿਰੀ ਮੌਕਾ, ਇਨ੍ਹਾਂ ਅਹੁਦਿਆਂ ਲਈ ਬੈਂਕ ਕਰੇਗਾ 12,000 ਭਰਤੀਆਂ
ਰਿਪੋਰਟਾਂ ਅਨੁਸਾਰ ਸੀਈਓ ਬਣਨ ਤੋਂ ਪਹਿਲਾਂ, ਜੌਨ ਟਰਨਸ ਨੇ ਉਨ੍ਹਾਂ ਡਿਵਾਈਸਾਂ ਦੇ ਵਿਕਾਸ ਦੀ ਅਗਵਾਈ ਕੀਤੀ ਜਿਸ ਤੋਂ ਐਪਲ ਨੂੰ ਲਗਭਗ 80 ਪ੍ਰਤੀਸ਼ਤ ਮਾਲੀਆ ਮਿਲਦਾ ਹੈ। ਐਪਲ ਤੋਂ ਪਹਿਲਾਂ, ਉਹ ਵਰਚੁਅਲ ਰਿਸਰਚ ਸਿਸਟਮ ਵਿੱਚ ਇੱਕ ਮਕੈਨੀਕਲ ਇੰਜੀਨੀਅਰ ਵਜੋਂ ਕੰਮ ਕਰਦੇ ਸਨ।
ਸੀਈਓ ਵਜੋਂ ਆਪਣੇ ਪਹਿਲੇ ਦਿਨ, ਟਰਨਸ ਨੇ ਐਪਲ ਕਰਮਚਾਰੀਆਂ ਨੂੰ ਇੱਕ ਮੀਮੋ ਭੇਜਿਆ। ਉਸਨੇ 9 ਸਤੰਬਰ ਨੂੰ ਹੋਣ ਵਾਲੇ ਕੰਪਨੀ ਦੇ ਲਾਂਚਿੰਗ ਪ੍ਰੋਗਰਾਮ ਨੂੰ "ਅਸਾਧਾਰਨ" ਦੱਸਿਆ। ਅਫਵਾਹਾਂ ਮੁਤਾਬਕ ਐਪਲ ਆਈਫੋਨ 18 ਪ੍ਰੋ ਸੀਰੀਜ਼ ਦੇ ਨਾਲ-ਨਾਲ ਪਹਿਲਾ ਆਈਫੋਨ ਫੋਲਡ ਲਾਂਚ ਕਰੇਗਾ। ਆਈਫੋਨ ਫੋਲਡ ਨੂੰ 2007 ਵਿੱਚ ਆਪਣੀ ਸ਼ੁਰੂਆਤ ਤੋਂ ਬਾਅਦ ਆਈਫੋਨ ਵਿੱਚ ਸਭ ਤੋਂ ਵੱਡਾ ਬਦਲਾਅ ਮੰਨਿਆ ਜਾਂਦਾ ਹੈ। ਜੌਨ ਟਰਨਸ ਸੰਭਾਵਤ ਤੌਰ 'ਤੇ ਇਸ ਨਵੇਂ ਐਪਲ ਡਿਵਾਈਸ ਦਾ ਉਦਘਾਟਨ ਕਰਨ ਵਾਲੇ ਹਨ।
ਇਹ ਵੀ ਪੜ੍ਹੋ : ਇਲਾਇਚੀ ਦੀਆਂ ਕੀਮਤਾਂ 'ਚ ਭਾਰੀ ਉਛਾਲ; ਇਸ ਕਾਰਨ ਰੇਟ ਹੋਰ ਵਧਣ ਦੇ ਮਿਲ ਰਹੇ ਸੰਕੇਤ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਜ਼ਰਾ ਬਚ ਕੇ..! ਭਾਰਤੀ ਨੌਜਵਾਨਾਂ ਨੂੰ ਸ਼ਿਕਾਰ ਬਣਾ ਰਹੀਆਂ ਪਾਕਿਸਤਾਨੀ ਖ਼ੁਫ਼ੀਆ ਏਜੰਸੀਆਂ, ਜਾਰੀ ਹੋਈ ਐਡਵਾਈਜ਼ਰੀ
NEXT STORY 
