ਆਸਟ੍ਰੇਲੀਆ/ਪਰਥ (ਪਿਆਰਾ ਸਿੰਘ ਨਾਭਾ)-ਸਿਡਨੀ ਦੇ ਇਕ ਜਿਮ ’ਚ ਗੋਲੀਬਾਰੀ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜਿਨ੍ਹਾਂ ਦੋ ਲੋਕਾਂ ’ਤੇ ਗੋਲੀਬਾਰੀ ਕੀਤੀ ਗਈ, ਉਨ੍ਹਾਂ ਨੂੰ ਕੁਝ ਦਿਨ ਪਹਿਲਾਂ ਚਿਤਾਵਨੀ ਦਿੱਤੀ ਗਈ ਸੀ ਕਿ ਉਨ੍ਹਾਂ ਦੀ ਜਾਨ ਨੂੰ ਖ਼ਤਰਾ ਹੈ। ਇਸ ਗੋਲੀਬਾਰੀ ਦੌਰਾਨ ਇਕ ਵਿਅਕਤੀ ਦੀ ਮੌਤ ਹੋ ਗਈ, ਜਦਕਿ ਦੂਜਾ ਜ਼ਖ਼ਮੀ ਹੈ। ਪੁਲਸ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਕੋਮਾਨਚੇਰੋ ਬਾਈਕੀ ਬੌਸ ਤਾਰੇਕ ਜ਼ਾਹਿਦ (41) ਅਤੇ ਉਸ ਦਾ ਭਰਾ (39) ਮੰਗਲਵਾਰ ਰਾਤ ਨੂੰ ਪੈਰਾਮਾਟਾ ਰੋਡ ’ਤੇ ਬਾਡੀਫਿਟ ਫਿੱਟਨੈੱਸ ਸੈਂਟਰ ’ਚ ਕੰਮ ਕਰ ਰਹੇ ਸਨ, ਜਦੋਂ ਉਨ੍ਹਾਂ ’ਤੇ ਗੋਲੀਬਾਰੀ ਕੀਤੀ ਗਈ। ਮੌਕੇ ’ਤੇ ਪਹੁੰਚੀ ਐੱਨ. ਐੱਸ. ਡਬਲਯੂ. ਐਂਬੂਲੈਂਸ ਦੇ ਪੈਰਾਮੈਡਿਕਸ ਵੱਲੋਂ ਇਨ੍ਹਾਂ ਭਰਾਵਾਂ ਦਾ ਇਲਾਜ ਕੀਤਾ ਗਿਆ। ਐੱਨ. ਐੱਸ. ਡਬਲਯੂ. ਐਂਬੂਲੈਂਸ ਦੇ ਇੰਸਪੈਕਟਰ ਕੇਵਿਨ ਮੈਕਸਵੀਨੀ ਨੇ ਕਿਹਾ, ‘‘ਜਦੋਂ ਅਸੀਂ ਮੌਕੇ ’ਤੇ ਪਹੁੰਚੇ ਤਾਂ ਦੋਵਾਂ ਮਰੀਜ਼ਾਂ ਨੂੰ ਖ਼ੂਨ ਦੀ ਕਮੀ ਹੋ ਚੁੱਕੀ ਸੀ। ਇਹ ਇਕ ਭਿਆਨਕ ਅਤੇ ਟਕਰਾਅ ਵਾਲਾ ਦ੍ਰਿਸ਼ ਸੀ ਪਰ ਖੁਸ਼ਕਿਸਮਤੀ ਰਹੀ ਕਿ ਕੋਈ ਹੋਰ ਵਿਅਕਤੀ ਜ਼ਖ਼ਮੀ ਨਹੀਂ ਹੋਇਆ।’’
ਤਾਰੇਕ ਨੂੰ ਅਗਲਾ ਰਾਸ਼ਟਰੀ ਕੋਮਨਚੇਰੋ ਬਾਈਕੀ ਬੌਸ ਬਣਨ ਲਈ ਤਿਆਰ ਕੀਤਾ ਗਿਆ ਸੀ ਅਤੇ ਹਾਲ ਹੀ ’ਚ ਪੁਲਸ ਵੱਲੋਂ ਦੱਸਿਆ ਗਿਆ ਸੀ ਕਿ ਸਿਡਨੀ ’ਚ ਉਸ ’ਤੇ ਇਕ ਇਨਾਮ ਰੱਖਿਆ ਗਿਆ ਹੈ। ਉਸ ਨੂੰ ਪਿਛਲੇ ਵੀਰਵਾਰ ਵਾਂਗ ਹੀ ਚਿਤਾਵਨੀ ਦਿੱਤੀ ਗਈ ਸੀ ਕਿ ਉਸ ਦੀ ਜਾਨ ਨੂੰ ਖ਼ਤਰਾ ਹੈ ਅਤੇ ਸਿਡਨੀ ’ਚ ਰਹਿਣਾ ਉਸ ਲਈ ਸੁਰੱਖਿਅਤ ਨਹੀਂ ਹੈ ਪਰ ਉਸ ਨੇ ਉਨ੍ਹਾਂ ਚਿਤਾਵਨੀਆਂ ਵੱਲ ਧਿਆਨ ਨਹੀਂ ਦਿੱਤਾ। ਸਹਾਇਕ ਕਮਿਸ਼ਨਰ ਮਾਈਕਲ ਫਿਟਜ਼ਗੇਰਾਲਡ ਨੇ ਕਿਹਾ ਕਿ ਗੋਲੀਬਾਰੀ ਤੋਂ ਬਾਅਦ ਦੋ ਸੜੀਆਂ ਹੋਈਆਂ ਕਾਰਾਂ, ਜੋ ਘਟਨਾ ਨਾਲ ਜੁੜੀਆਂ ਮੰਨੀਆਂ ਜਾਂਦੀਆਂ ਹਨ, ਬੇਰਲਾ ਤੇ ਗ੍ਰੀਨਕਰ ਦੇ ਨੇੜਲੇ ਉਪਨਗਰਾਂ ’ਚ ਮਿਲੀਆਂ।
ਮੈਂ ਸੱਤਾ 'ਚ ਮੌਜੂਦ ਲੋਕਾਂ ਦੇ ਨੰਬਰ ਕੀਤੇ 'ਬਲਾਕ' : ਇਮਰਾਨ ਖਾਨ
NEXT STORY 
