ਇੰਟਰਨੈਸ਼ਨਲ ਡੈਸਕ- ਦੁਨੀਆ ਭਰ ਵਿਚ ਲੋਕ ਨਵੇਂ ਸਾਲ ਦਾ ਜਸ਼ਨ ਮਨਾ ਰਹੇ ਹਨ। ਪਰ ਬਹੁਤ ਸਾਰੇ ਲੋਕ ਇਹ ਜਾਣਨਾ ਚਾਹੁੰਦੇ ਹਨ ਕਿ ਨਵਾਂ ਸਾਲ ਉਨ੍ਹਾਂ ਲਈ ਕਿਵੇਂ ਦਾ ਰਹੇਗਾ? ਦੇਸ਼ ਅਤੇ ਦੁਨੀਆ ਦਾ ਕੀ ਹਾਲ ਹੋਵੇਗਾ? ਇਸ ਸਬੰਧੀ ਬਾਬਾ ਵੇਂਗਾ ਨੇ 2025 ‘ਚ ਧਰਤੀ ‘ਤੇ ਤਬਾਹੀ ਦੀ ਸੰਭਾਵਨਾ ਪ੍ਰਗਟਾਈ ਹੈ। ਪਰ ਅੱਜ ਅਸੀਂ ਤੁਹਾਨੂੰ ਇੱਕ 38 ਸਾਲ ਦੇ ਵਿਅਕਤੀ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੇ ਹੁਣ ਤੱਕ ਜੋ ਵੀ ਭਵਿੱਖਬਾਣੀਆਂ ਕੀਤੀਆਂ ਹਨ, ਉਹ ਸੱਚ ਸਾਬਤ ਹੋਈਆਂ ਹਨ। ਇਸ ਵਿਅਕਤੀ ਨੇ ਪਹਿਲੀ ਵਾਰ ਦੱਸਿਆ ਸੀ ਕਿ 2018 ਵਿੱਚ ਕੋਰੋਨਾ ਵਰਗੀ ਮਹਾਮਾਰੀ ਆਉਣ ਵਾਲੀ ਹੈ, ਜਿਸ ਵਿੱਚ ਲੱਖਾਂ ਲੋਕ ਮਰ ਜਾਣਗੇ। ਹੁਣ ਇਸੇ ਵਿਅਕਤੀ ਨੇ 2025 ਲਈ ਭਵਿੱਖਬਾਣੀ ਕੀਤੀ ਹੈ। ਤੁਸੀਂ ਵੀ ਜਾਣ ਕੇ ਹੈਰਾਨ ਹੋ ਜਾਵੋਗੇ।
ਨਿਕੋਲਸ ਔਜੁਲਾ ਨੇ ਕੀਤੀ ਇਹ ਭਵਿੱਖਬਾਣੀ
ਮਿਰਰ ਦੀ ਰਿਪੋਰਟ ਮੁਤਾਬਕ ਲੰਡਨ ਦੇ ਹਿਪਨੋਥੈਰੇਪਿਸਟ ਨਿਕੋਲਸ ਔਜੁਲਾ ਨੇ ਦੁਨੀਆ ਨੂੰ ਲੈ ਕੇ ਖ਼ਤਰਨਾਕ ਭਵਿੱਖਬਾਣੀ ਕੀਤੀ ਹੈ। ਔਜੁਲਾ ਨੇ ਕਿਹਾ ਹੈ ਕਿ 2025 ਵਿੱਚ ਤੀਜਾ ਵਿਸ਼ਵ ਯੁੱਧ ਤੈਅ ਹੈ। ਲੋਕ ਧਰਮ ਅਤੇ ਰਾਸ਼ਟਰਵਾਦ ਦੇ ਨਾਂ ‘ਤੇ ਇਕ ਦੂਜੇ ਦਾ ਗਲਾ ਵੱਢਦੇ ਨਜ਼ਰ ਆਉਣਗੇ। ਸਿਆਸੀ ਕਤਲ ਹੋਣਗੇ। ਬੁਰਾਈ ਅਤੇ ਹਿੰਸਾ ਇਸ ਧਰਤੀ ਨੂੰ ਬੰਦੀ ਬਣਾ ਲਵੇਗੀ। ਨਿਕੋਲਸ ਔਜੁਲਾ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਨਵੇਂ ਸਾਲ ਵਿੱਚ ਲੈਬ ਵਿੱਚ ਅੰਗਾਂ ਦਾ ਨਿਰਮਾਣ ਕੀਤਾ ਜਾਵੇਗਾ। ਬਹੁਤ ਜ਼ਿਆਦਾ ਮੀਂਹ ਪੈਣਗੇ ਤੇ ਹੜ੍ਹ ਆਉਣਗੇ। ਇਸ ਕਾਰਨ ਲੱਖਾਂ ਘਰਾਂ ਦਾ ਨੁਕਸਾਨ ਹੋਵੇਗਾ। ਲੱਖਾਂ ਲੋਕ ਬੇਘਰ ਹੋ ਜਾਣਗੇ। ਸਮੁੰਦਰ ਦਾ ਪੱਧਰ ਤੇਜ਼ੀ ਨਾਲ ਵਧੇਗਾ, ਜਿਸ ਕਾਰਨ ਕਈ ਸ਼ਹਿਰ ਡੁੱਬ ਜਾਣਗੇ। ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਨੂੰ ਸਿਆਸੀ ਪਤਨ ਦਾ ਸਾਹਮਣਾ ਕਰਨਾ ਪਵੇਗਾ। ਸੰਸਾਰ ਵਿੱਚ ਮਹਿੰਗਾਈ ਤੇਜ਼ੀ ਨਾਲ ਵਧੇਗੀ। ਇੰਨਾ ਹੀ ਨਹੀਂ ਬ੍ਰਿਟੇਨ ਦੇ ਪ੍ਰਿੰਸ ਵਿਲੀਅਮ ਅਤੇ ਹੈਰੀ ਵਿਚਾਲੇ ਸੁਲ੍ਹਾ ਵੀ ਹੋਵੇਗੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਅੱਜ ਤੋਂ ਪੈਦਾ ਹੋਣ ਵਾਲੇ ਬੱਚੇ ਕਹਾਉਣਗੇ Beta kids
ਨਿਕੋਲਸ ਔਜੁਲਾ ਦਾ ਦਾਅਵਾ
ਨਿਕੋਲਸ ਔਜੁਲਾ ਦਾ ਦਾਅਵਾ ਹੈ ਕਿ ਜਦੋਂ ਉਹ 17 ਸਾਲ ਦਾ ਸੀ, ਤਾਂ ਕੋਈ ਉਸ ਦੇ ਸੁਪਨੇ ਵਿੱਚ ਆਇਆ ਅਤੇ ਉਸ ਨੂੰ ਭਵਿੱਖ ਬਾਰੇ ਦੱਸਿਆ। ਉਸ ਨੇ ਹੁਣ ਤੱਕ ਜੋ ਵੀ ਭਵਿੱਖਬਾਣੀ ਕੀਤੀ ਹੈ, ਉਹ ਉਸ ਸੁਪਨੇ ‘ਤੇ ਆਧਾਰਿਤ ਹੈ। ਤੁਸੀਂ ਯਕੀਨ ਨਹੀਂ ਕਰੋਗੇ ਕਿ ਔਜੁਲਾ ਨੇ ਅਮਰੀਕਾ ਦੇ ਸਭ ਤੋਂ ਵੱਡੇ ਅੰਦੋਲਨਾਂ ਵਿੱਚੋਂ ਇੱਕ ਬਲੈਕ ਲਾਈਵਜ਼ ਮੈਟਰ, ਡੋਨਾਲਡ ਟਰੰਪ ਦੀ ਜਿੱਤ, ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਵਿੱਚ ਵਾਧਾ, ਨੋਟਰੇ ਡੈਮ ਫਾਇਰ, ਕੋਵਿਡ, ਰੋਬੋਟ ਆਰਮੀ ਬਾਰੇ ਸਹੀ ਭਵਿੱਖਬਾਣੀ ਕੀਤੀ ਸੀ। ਇਹ ਸਭ ਹੁਣ ਤੱਕ ਸੱਚ ਸਾਬਤ ਹੋਇਆ ਹੈ।
ਇਸ ਤਰ੍ਹਾਂ ਆਇਆ ਚਰਚਾ ਵਿੱਚ
ਨਿਕੋਲਸ ਨੇ ਦੱਸਿਆ ਕਿ ਜਦੋਂ ਉਹ ਅੱਲੜ੍ਹ ਉਮਰ ਵਿੱਚ ਸੀ ਤਾਂ ਉਸ ਨੂੰ ਅਹਿਸਾਸ ਹੋਇਆ ਕਿ ਉਸ ਵਿੱਚ ਇਸ ਤਰ੍ਹਾਂ ਦੀ ਮਾਨਸਿਕ ਯੋਗਤਾ ਹੈ। ਉਹ ਕੁਝ ਦਿਨਾਂ ਲਈ ਕੋਮਾ ਵਿੱਚ ਚਲਾ ਗਿਆ। ਉਹ ਆਪਣੇ ਪਿਛਲੇ ਜਨਮ ਦੇ ਦ੍ਰਿਸ਼ ਦੇਖਣ ਲੱਗ ਪਿਆ। ਨਿਕੋਲਸ ਨੇ ਕਿਹਾ, ਮੈਂ ਦੇਖਿਆ ਕਿ ਮੈਂ ਮਿਸਰ ਦੀ ਰਾਣੀ ਸੀ। ਚੀਨ ਵਿੱਚ ਇੱਕ ਦਰਜ਼ੀ ਅਤੇ ਹਿਮਾਲਿਆ ਵਿੱਚ ਇੱਕ ਨਨ ਵਜੋਂ ਕੰਮ ਕੀਤਾ। ਜਦੋਂ ਮੈਂ ਅਫ਼ਰੀਕਾ ਵਿੱਚ ਪੈਦਾ ਹੋਇਆ ਸੀ, ਮੈਂ ਇੱਕ ਜਾਦੂਗਰਨੀ ਦੇ ਰੂਪ ਵਿੱਚ ਪੈਦਾ ਹੋਇਆ ਸੀ। ਫਿਰ ਮੈਂ ਵੀ ਸ਼ੇਰ ਬਣ ਕੇ ਜੰਮਿਆ। ਇੱਥੇ ਬਹੁਤ ਸਾਰੇ ਵੱਖ-ਵੱਖ ਅਨੁਭਵ ਹਨ ਜੋ ਮੈਨੂੰ ਭਵਿੱਖਬਾਣੀਆਂ ਕਰਨ ਦੀ ਸ਼ਕਤੀ ਦਿੰਦੇ ਹਨ। ਅਸੀਂ ਜਾਣਦੇ ਹਾਂ ਕਿ ਆਤਮਾ ਕਦੇ ਨਹੀਂ ਮਰਦੀ। ਅਸੀਂ ਦੁਬਾਰਾ ਜਨਮ ਲੈਂਦੇ ਹਾਂ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਟਲੀ ਦੇ ਸ਼ਹਿਰ ਆਰਜੀਨਿਆਨੋ ਵਿਖੇ ਲੱਗੇ ਦਸਮੇਸ਼ ਪਿਤਾ ਦੇ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਡਿਜੀਟਲ ਬੋਰਡ
NEXT STORY 
