ਵਾਸ਼ਿੰਗਟਨ (ਬਿਊਰੋ): ਕੁਦਰਤ ਰਹੱਸਾਂ ਨਾਲ ਭਰਪੂਰ ਹੈ। ਇਸ ਦੇ ਅਦੁਭੱਤ ਨਜ਼ਾਰੇ ਮਨੁੱਖੀ ਸੋਚ ਨੂੰ ਹੈਰਾਨ ਕਰ ਦਿੰਦੇ ਹਨ। ਕੁਦਰਤ ਦਾ ਇਕ ਦੁਰਲੱਭ ਨਜ਼ਾਰਾ ਬੀਤੇ ਦਿਨੀਂ ਦੇਖਣ ਨੂੰ ਮਿਲਿਆ। ਨੀਲੇ ਆਸਮਾਨ ਵਿਚ ਕਰੀਬ 76 ਸਾਲਾਂ ਬਾਅਦ ਇਕ ਵਾਰ ਫਿਰ ਦੁਰਲੱਭ ਨਜ਼ਾਰਾ ਦੇਖਣ ਨੂੰ ਮਿਲਿਆ। 1944 ਤੋਂ ਬਾਅਦ ਦੂਜੇ ਵਿਸ਼ਵ ਯੁੱਧ ਦੌਰਾਨ ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਇਕ ਨੀਲਾ ਚੰਨ ਹੈਲੋਵੀਨ 'ਤੇ ਪੂਰੀ ਦੁਨੀਆ ਵਿਚ ਦਿਖਾਈ ਦਿੱਤਾ। ਸਾਲ 1944 ਦੇ ਬਾਅਦ ਪਹਿਲੀ ਵਾਰ ਅਰਜਨਟੀਨਾ, ਅਮਰੀਕਾ, ਸਪੇਨ, ਤੁਰਕੀ ਅਤੇ ਇਜ਼ਰਾਇਲ ਵਿਚ ਹੈਲੋਵੀਨ 'ਤੇ ਨੀਲਾ ਚੰਨ ਦਿਖਾਈ ਦਿੱਤਾ। ਅਕਤੂਬਰ ਮਹੀਨੇ ਵਿਚ ਅਜਿਹਾ ਦੂਜੀ ਵਾਰ ਹੈ ਜਦੋਂ ਪੂਰਾ ਚੰਨ ਨਜ਼ਰ ਆਇਆ ਹੈ। ਦੁਨੀਆ ਭਰ ਵਿਚ ਲੋਕਾਂ ਨੇ ਨੀਲੇ ਚੰਨ ਨੂੰ ਦੇਖਿਆ। ਕਈ ਲੋਕਾਂ ਨੇ ਪੂਰੀ ਰਾਤ ਜਾਗ ਕੇ ਇਹ ਦੁਰਲੱਭ ਨਜ਼ਾਰਾ ਦੇਖਿਆ। ਇਹੀ ਨਹੀਂ ਲੋਕਾਂ ਨੇ ਨੀਲੇ ਚੰਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਜੰਮ ਕੇ ਸ਼ੇਅਰ ਕੀਤੀਆਂ।
ਇਸ ਕਾਰਨ 76 ਸਾਲ ਬਾਅਦ ਦਿਸਿਆ ਇਹ ਅਦਭੁੱਤ ਨਜ਼ਾਰਾ
ਅਸਲ ਵਿਚ ਅਕਤੂਬਰ ਦਾ ਮਹੀਨਾ 31 ਦਿਨ ਦਾ ਹੁੰਦਾ ਹੈ ਅਤੇ ਇਕ ਪੂਰੇ ਚੰਨ ਨੂੰ ਨਿਕਲਣ ਵਿਚ ਔਸਤਨ 29.5 ਦਿਨ ਦਾ ਸਮਾਂ ਲੱਗਦਾ ਹੈ। ਤਕਨੀਕੀ ਰੂਪ ਨਾਲ ਹਰੇਕ 19 ਸਾਲ ਬਾਅਦ 31 ਅਕਤੂਬਰ ਨੂੰ ਇਕ ਪੂਰਾ ਨੀਲਾ ਚੰਨ ਨਿਕਲਦਾ ਹੈ। ਸਾਲ 1944 ਦੇ ਬਾਅਦ ਇਸ ਵਿਚ ਤਬਦੀਲੀ ਆਈ ਹੈ ਅਤੇ ਦੁਨੀਆ ਵਿਚ 1 ਨਵੰਬਰ ਨੂੰ ਪੂਰਾ ਨੀਲਾ ਚੰਨ ਨਿਕਲਣ ਲੱਗਾ। ਭਾਵੇਂਕਿ 76 ਸਾਲ ਦੇ ਲੰਬੇ ਅੰਤਰਾਲ ਦੇ ਬਾਅਦ ਇਕ ਵਾਰ ਮੁੜ ਤੋਂ ਇਸ ਸਾਲ ਹੈਲੋਵੀਨ 'ਤੇ 31 ਅਕਤੂਬਰ ਦੀ ਰਾਤ ਨੂੰ ਪੂਰਾ ਨੀਲਾ ਚੰਨ ਨਜ਼ਰ ਆਇਆ। ਹੈਲੋਵੀਨ ਇਕ ਤਿਉਹਾਰ ਹੈ, ਜਿਸ ਨੂੰ ਦੁਨੀਆ ਦੇ ਕਈ ਦੇਸ਼ਾਂ ਵਿਚ ਰਾਤ ਦੇ ਸਮੇਂ ਪੂਰੇ ਆਨੰਦ ਨਾਲ ਮਨਾਇਆ ਜਾਂਦਾ ਹੈ।
ਜਾਣੋ ਹੈਲੀਵਾਨ ਦੇ ਬਾਰੇ ਵਿਚ
ਹੈਲੋਵੀਨ ਤਿਉਹਾਰ ਹਮੇਸ਼ਾ ਤੋਂ ਹੀ ਇਸ ਤਰ੍ਹਾਂ ਨਾਲ ਨਹੀਂ ਮਨਾਇਆ ਜਾਂਦਾ ਰਿਹਾ ਹੈ। ਜਿਵੇਂਕਿ ਹੁਣ ਮਨਾਇਆ ਜਾਂਦਾ ਹੈ। ਅੱਜ ਤੋਂ ਕਰੀਬ 2 ਹਜ਼ਾਰ ਸਾਲ ਪਹਿਲਾਂ ਇਸ ਨੂੰ ਸਮਹੈਨ ਦੇ ਰੂਪ ਵਿਚ ਮਨਾਇਆ ਜਾਂਦਾ ਸੀ। ਇਸ ਦੌਰਾਨ ਲੋਕ ਅੱਗ ਬਾਲਦੇ ਸਨ ਅਤੇ ਅਜਿਹੇ ਕੱਪੜੇ ਪਾਉਂਦੇ ਸਨ ਜਿਸ ਨਾਲ ਬੁਰੀਆਂ ਆਤਮਾਵਾਂ ਨੂੰ ਦੂਰ ਭਜਾਇਆ ਜਾ ਸਕੇ। 8ਵੀਂ ਸਦੀ ਵਿਚ ਪੋਪ ਗ੍ਰੇਗਰੀ ਤੀਜੇ ਨੇ 1 ਨਵੰਬਰ ਨੂੰ 'ਆਲ ਸੈਂਟ ਡੇਅ' ਦੇ ਰੂਪ ਵਿਚ ਘੋਸ਼ਿਤ ਕੀਤਾ ਅਤੇ ਇਸ ਤੋਂ ਠੀਕ ਪਹਿਲਾਂ 31 ਅਕਤੂਬਰ ਦੀ ਸ਼ਾਮ ਨੂੰ 'ਆਲ ਹੈਲੋਜ ਈਵ' ਨਾਮ ਦਿੱਤਾ ਸੀ।
ਹੈਲੋਵੀਨ 'ਤੇ ਚੜ੍ਹਿਆ ਆਧੁਨਿਕਤਾ ਦਾ ਰੰਗ
ਆਧੁਨਿਕ ਸਮੇਂ ਵਿਚ ਹੈਲੋਵੀਨ ਵਿਚ ਕਾਫੀ ਤਬਦੀਲੀ ਆਈ ਹੈ। ਲੋਕ ਬਹੁਤ ਹੀ ਦਿਲਚਸਪ ਢੰਗ ਨਾਲ ਪਹਿਰਾਵੇ ਪਾਉਂਦੇ ਹਨ ਅਤੇ ਭੂਤੀਆ ਘਰ ਵੀ ਬਣਾਇਆ ਜਾਂਦਾ ਹੈ। ਸਾਲ 1963, 1982 ਅਤੇ 2001 ਦੇ ਹੈਲੋਵੀਨ ਦੇ ਸਮੇਂ 'ਤੇ ਪੂਰਾ ਚੰਨ ਨਜ਼ਰ ਨਹੀਂ ਆਇਆ ਸੀ ਪਰ ਸਾਲ 2039, 2058, 2077 ਅਤੇ ਸਾਲ 2096 ਵਿਚ 19 ਸਾਲ ਪੂਰੇ ਹੋਣ 'ਤੇ ਹੈਲੋਵਨ ਮੌਕੇ ਪੂਰਾ ਨੀਲਾ ਚੰਨ ਨਜ਼ਰ ਆਵੇਗਾ। ਬ੍ਰਿਟੇਨ ਵਿਚ ਸ਼ਨੀਵਾਰ ਨੂੰ ਹੈਲੋਵੀਨ 'ਤੇ ਪੂਰਾ ਚੰਨ ਨਜ਼ਰ ਆਉਣ 'ਤੇ ਲੋਕਾਂ ਨੇ ਜੰਮ ਕੇ ਜਸ਼ਨ ਮਨਾਇਆ। ਪੂਰੇ ਨੀਲੇ ਚੰਨ ਨੂੰ ਅਮਰੀਕਾ, ਸਪੇਨ, ਤੁਰਕੀ ਅਤੇ ਇਜ਼ਰਾਇਲ ਵਿਚ ਦੇਖਿਆ ਗਿਆ। ਕੋਰੋਨਾਵਾਇਰਸ ਦੇ ਕਾਰਨ ਕਈ ਦੇਸ਼ਾਂ ਵਿਚ ਪਾਬੰਦੀਆਂ ਲਗਾਈਆਂ ਗਈਆਂ ਹਨ। ਇਸ ਕਾਰਨ ਕੁਝ ਥਾਵਾਂ 'ਤੇ ਲੋਕ ਉਤਸ਼ਾਹ ਨਾਲ ਜਸ਼ਨ ਨਹੀਂ ਮਨਾ ਸਕੇ।
ਟੈਕਸਾਸ ਹਾਈਵੇਅ 'ਤੇ ਟਰੰਪ ਸਮਰਥਕਾਂ ਨੇ ਕੀਤੀ ਬਾਈਡੇਨ ਦੀ ਸਟਾਫ਼ ਬੱਸ ਨੂੰ ਰੋਕਣ ਦੀ ਕੋਸ਼ਿਸ਼
NEXT STORY 
