ਵਾਸ਼ਿੰਗਟਨ - ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਕੰਪਨੀ OpenAI ਦੇ ਇਕ ਇੰਜੀਨੀਅਰ ਨੂੰ ਇਕ ਮੀਟਿੰਗ ਰੂਮ 'ਚ ਖੁਫੀਆ ਰੂਪ 'ਚ ਰਿਕਾਰਡਿੰਗ ਡਿਵਾਈਸ ਲਗਾਉਣ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ, ਜਿਸ ਦੀ ਜਾਣਕਾਰੀ ਅਧਿਕਾਰੀਆਂ ਨੇ ਮੰਗਵਾਰ ਨੂੰ ਦਿੱਤੀ ਹੈ। ਅਧਿਕਾਰੀਆਂ ਦੇ ਅਨੁਸਾਰ, ਇਸ ਡਿਵਾਈਸ ਦਾ ਉਦੇਸ਼ ਕੰਪਨੀ ਦੀ ਤਕਨਾਲੋਜੀ ਨਾਲ ਸਬੰਧਤ ਸੰਵੇਦਨਸ਼ੀਲ ਗੱਲਬਾਤਾਂ ਨੂੰ ਰਿਕਾਰਡ ਕਰਨਾ ਸੀ।
ਸੈਨ ਫਰਾਂਸਿਸਕੋ ਦੀ ਸੰਘੀ ਅਦਾਲਤ 'ਚ ਦਾਇਰ ਇਕ ਅਪਰਾਧਿਕ ਸ਼ਿਕਾਇਤ ਦੇ ਅਨੁਸਾਰ, ਚੈਟਜੀਪੀਟੀ ਬਣਾਉਣ ਵਾਲੀ ਕੰਪਨੀ ਓਪਨਏਆਈ ਦੇ ਇਕ ਕਰਮਚਾਰੀ ਨੂੰ ਸ਼ੁੱਕਰਵਾਰ ਨੂੰ ਗ੍ਰਿਫਤਾਰ ਕੀਤਾ ਗਿਆ, ਇਕ ਮੀਟਿੰਗ ਰੂਮ 'ਚ ਰਿਕਾਰਡਿੰਗ ਉਪਕਰਣ ਮਿਲਣ ਤੋਂ ਲਗਭਗ ਇਕ ਹਫ਼ਤੇ ਬਾਅਦ।
ਦੋਸ਼ੀ ਦੀ ਪਛਾਣ ਅਬਦੁਲ ਰਹਿਮਾਨ ਅਲਫੋਜ਼ਾਨ (35), ਇਕ ਸਾਊਦੀ ਅਰਬ ਦੇ ਨਾਗਰਿਕ ਵਜੋਂ ਹੋਈ ਹੈ। ਸ਼ਿਕਾਇਤ ਦੇ ਅਨੁਸਾਰ, 30 ਸਤੰਬਰ ਨੂੰ, ਇਕ ਮੀਟਿੰਗ ਰੂਮ 'ਚ ਇਕ ਟੈਲੀਵਿਜ਼ਨ ਦੇ ਪਿੱਛੇ ਇਕ USB ਪੋਰਟ 'ਚ ਇਕ ਰਿਕਾਰਡਿੰਗ ਡਿਵਾਈਸ ਮਿਲੀ। ਇਸਨੂੰ ਟਾਇਲਟ ਪੇਪਰ 'ਚ ਲਪੇਟ ਕੇ ਲੁਕਾਇਆ ਗਿਆ ਸੀ। ਇਸ ਮੀਟਿੰਗ ਰੂਮ ਦੀ ਵਰਤੋਂ ਕੰਪਨੀ ਦੇ ਸੀਨੀਅਰ ਅਧਿਕਾਰੀਆਂ ਵੱਲੋਂ ਕੀਤੀ ਜਾਂਦੀ ਹੈ।
ਸ਼ਿਕਾਇਤ 'ਚ ਕਿਹਾ ਗਿਆ ਹੈ ਕਿ ਜਿਸ ਸਮੇਂ ਰਿਕਾਰਡਿੰਗ ਡਿਵਾਈਸ ਲਗਾਈ ਗਈ ਸੀ, ਉਸ ਸਮੇਂ ਮੀਟਿੰਗ ਰੂਮ ਦੀ ਨਿਗਰਾਨੀ ਕਰਨ ਵਾਲੇ ਕੋਈ ਸੀ.ਸੀ.ਟੀ.ਵੀ. ਕੈਮਰੇ ਨਹੀਂ ਸਨ ਪਰ ਦਫਤਰ ਦੇ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀਆਂ ਰਿਕਾਰਡਿੰਗਾਂ ਤੋਂ ਪਤਾ ਚੱਲਿਆ ਕਿ ਅਲਫੋਜ਼ਾਨ ਨੂੰ ਪਿਛਲੇ ਮਹੀਨੇ ਲਗਭਗ 12 ਵਾਰ ਮੀਟਿੰਗ ਰੂਮ ਦੇ ਆਲੇ-ਦੁਆਲੇ ਦੇਖਿਆ ਗਿਆ ਸੀ, ਹਾਲਾਂਕਿ ਉਸ ਕੋਲ ਕਮਰੇ 'ਚ ਦਾਖਲ ਹੋਣ ਜਾਂ ਉੱਥੇ ਮੀਟਿੰਗਾਂ 'ਚ ਹਿੱਸਾ ਲੈਣ ਦਾ ਕੋਈ ਅਧਿਕਾਰ ਨਹੀਂ ਸੀ।
ਅਲਫੋਜ਼ਾਨ ਮੰਗਲਵਾਰ ਨੂੰ ਪਹਿਲੀ ਵਾਰ ਅਦਾਲਤ 'ਚ ਪੇਸ਼ ਹੋਇਆ। ਉਸ 'ਤੇ ਗੱਲਬਾਤ ਨੂੰ ਗੁਪਤ ਰੂਪ 'ਚ ਰਿਕਾਰਡ ਕਰਨ ਲਈ ਕਿਸੇ ਵੀ ਇਲੈਕਟ੍ਰਾਨਿਕ, ਮਕੈਨੀਕਲ ਜਾਂ ਹੋਰ ਡਿਵਾਈਸ ਦੀ ਵਰਤੋਂ ਕਰਨ ਜਾਂ ਵਰਤੋਂ ਕਰਨ ਦੀ ਕੋਸ਼ਿਸ਼ ਕਰਨ ਦਾ ਦੋਸ਼ ਹੈ। ਇਹ ਤੁਰੰਤ ਸਪੱਸ਼ਟ ਨਹੀਂ ਹੈ ਕਿ ਉਸਦੀ ਪ੍ਰਤੀਨਿਧਤਾ ਲਈ ਕੋਈ ਵਕੀਲ ਹੈ ਜਾਂ ਨਹੀਂ। ਉਸਨੂੰ 19 ਅਕਤੂਬਰ ਨੂੰ ਦੁਬਾਰਾ ਅਦਾਲਤ 'ਚ ਪੇਸ਼ ਹੋਣਾ ਹੈ।
ਦੱਸਣਯੋਗ ਹੈ ਕਿ ਅਦਾਲਤੀ ਸ਼ਿਕਾਇਤ 'ਚ ਕੰਪਨੀ ਦਾ ਸਿੱਧਾ ਨਾਮ ਨਹੀਂ ਹੈ। ਹਾਲਾਂਕਿ, ਓਪਨਏਆਈ ਨੇ ਇਕ ਵੱਖਰੇ ਬਿਆਨ 'ਚ ਪੁਸ਼ਟੀ ਕੀਤੀ ਕਿ ਉਸਦੇ ਇਕ ਦਫਤਰ 'ਚ ਇਕ ਲੁਕਿਆ ਹੋਇਆ ਰਿਕਾਰਡਿੰਗ ਡਿਵਾਈਸ ਮਿਲਿਆ ਹੈ। ਕੰਪਨੀ ਨੇ ਮਾਮਲੇ ਦੀ ਰਿਪੋਰਟ ਫੈਡਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (FBI) ਨੂੰ ਕੀਤੀ ਅਤੇ ਸਬੰਧਤ ਕਰਮਚਾਰੀ ਨੂੰ ਬਰਖਾਸਤ ਕਰ ਦਿੱਤਾ।
'ਵੀਡੀਓ ਪੋਸਟ ਨਾ ਕਰੋ, ਘਰਾਂ ਦੇ ਅੰਦਰ ਰਹੋ' ! ਸਾਊਦੀ ਅਰਬ 'ਚ ਭਾਰਤੀਆਂ ਲਈ ਨਵੀਂ ਐਡਵਾਇਜ਼ਰੀ ਜਾਰੀ
NEXT STORY 
