ਇਸਲਾਮਾਬਾਦ: ਅਮਰੀਕਾ ਵੱਲੋਂ ਈਰਾਨ ਦੀ ਕੀਤੀ ਗਈ ਸਖ਼ਤ ਸਮੁੰਦਰੀ ਨਾਕਾਬੰਦੀ ਦਰਮਿਆਨ ਪਾਕਿਸਤਾਨ ਨੇ ਇੱਕ ਵੱਡਾ ਰਣਨੀਤਕ ਕਦਮ ਚੁੱਕਿਆ ਹੈ। ਪਾਕਿਸਤਾਨ ਨੇ ਈਰਾਨ ਲਈ ਆਪਣੇ ਛੇ ਅਹਿਮ ਜ਼ਮੀਨੀ ਵਪਾਰਕ ਮਾਰਗ ਖੋਲ੍ਹ ਦਿੱਤੇ ਹਨ, ਜਿਸ ਨਾਲ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੁਆਰਾ ਲਗਾਈ ਗਈ ਨਾਕਾਬੰਦੀ ਵਿੱਚ ਸੰਨ੍ਹ ਲੱਗ ਗਈ ਹੈ।
ਅਮਰੀਕੀ ਨੌਸੈਨਾ ਵੱਲੋਂ 'ਸਟ੍ਰੇਟ ਆਫ ਹੋਰਮੂਜ਼' ਵਿੱਚ ਕੀਤੀ ਗਈ ਘੇਰਾਬੰਦੀ ਕਾਰਨ ਈਰਾਨ ਜਾਣ ਵਾਲੇ ਜਹਾਜ਼ਾਂ ਦਾ ਰਸਤਾ ਰੁਕ ਗਿਆ ਸੀ, ਜਿਸ ਨਾਲ ਈਰਾਨ ਦੀ ਸਪਲਾਈ ਚੇਨ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਹੈ।ਇਸ ਸਥਿਤੀ ਕਾਰਨ ਕਰਾਚੀ ਸਮੇਤ ਪਾਕਿਸਤਾਨੀ ਬੰਦਰਗਾਹਾਂ 'ਤੇ ਈਰਾਨ ਜਾਣ ਵਾਲੇ 3,000 ਤੋਂ ਵੱਧ ਕੰਟੇਨਰ ਫਸੇ ਹੋਏ ਸਨ। ਹੁਣ ਪਾਕਿਸਤਾਨ ਸਰਕਾਰ ਨੇ ਇਨ੍ਹਾਂ ਕੰਟੇਨਰਾਂ ਨੂੰ ਸੜਕ ਮਾਰਗ ਰਾਹੀਂ ਈਰਾਨ ਭੇਜਣ ਦੀ ਇਜਾਜ਼ਤ ਦੇ ਦਿੱਤੀ ਹੈ।
ਪਾਕਿਸਤਾਨ ਦੇ ਵਪਾਰ ਮੰਤਰਾਲੇ ਨੇ ਇੱਕ ਰੈਗੂਲੇਟਰੀ ਆਦੇਸ਼ ਜਾਰੀ ਕਰਕੇ 6 ਮਾਰਗਾਂ ਨੂੰ ਮਨਜ਼ੂਰੀ ਦਿੱਤੀ ਹੈ। ਪਾਕਿਸਤਾਨ ਦੇ ਵਪਾਰ ਮੰਤਰਾਲੇ ਨੇ "ਟ੍ਰਾਂਜ਼ਿਟ ਆਫ਼ ਗੁਡਜ਼ ਥਰੂ ਟੈਰੀਟਰੀ ਐਂਡ ਪਾਕਿਸਤਾਨ ਆਰਡਰ 2026" ਜਾਰੀ ਕੀਤਾ ਹੈ, ਜੋ ਕਿ 25 ਅਪ੍ਰੈਲ ਤੋਂ ਲਾਗੂ ਹੋਇਆ ਹੈ। ਪਾਕਿਸਤਾਨ ਨੇ ਅਜਿਹਾ ਸਾਲ 2008 ਦੇ ਪਾਕਿਸਤਾਨ-ਈਰਾਨ ਟਰਾਂਸਪੋਰਟ ਸਮਝੌਤੇ ਦੇ ਤਹਿਤ ਕੀਤਾ ਹੈ। ਸਮਾਚਾਰ ਮੀਡੀਆ ਡਾਨ ਨੇ ਦੱਸਿਆ ਕਿ ਇਸ ਆਦੇਸ਼ ਦੇ ਤਹਿਤ ਤੀਜੇ ਦੇਸ਼ਾਂ ਤੋਂ ਸਾਮਾਨ ਹੁਣ ਪਾਕਿਸਤਾਨ ਰਾਹੀਂ ਈਰਾਨ ਭੇਜਿਆ ਜਾ ਸਕਦਾ ਹੈ, ਪਰ ਵਪਾਰੀਆਂ ਨੂੰ ਬੈਂਕ ਗਾਰੰਟੀ ਦੇਣੀ ਪਵੇਗੀ।
ਜਾਣੋ ਕਿਹੜੇ ਹਨ ਇਹ 6 ਰਸਤੇ
ਗਵਾਦਰ–ਗਬਦ
ਕਰਾਚੀ/ਪੋਰਟ ਕਾਸਿਮ–ਲਿਆਰੀ–ਓਰਮਾਰਾ–ਪਸਨੀ–ਗਬਦ
ਕਰਾਚੀ/ਪੋਰਟ ਕਾਸਿਮ–ਖੁਜ਼ਦਾਰ–ਦਲਬੰਦਿਨ–ਤਾਫ਼ਤਾਨ
ਗਵਾਦਰ–ਕੁਏਟਾ–ਤਾਫ਼ਤਾਨ (ਵੱਖ-ਵੱਖ ਸ਼ਹਿਰਾਂ ਰਾਹੀਂ)
ਗਵਾਦਰ–ਲਿਆਰੀ–ਕੁਏਟਾ–ਤਾਫ਼ਤਾਨ
ਕਰਾਚੀ/ਪੋਰਟ ਕਾਸਿਮ–ਗਵਾਦਰ–ਗਬਦ
ਇਹ ਮਾਰਗ ਪਾਕਿਸਤਾਨ ਦੇ ਮੁੱਖ ਬੰਦਰਗਾਹਾਂ ਨੂੰ ਈਰਾਨੀ ਸਰਹੱਦ ਨਾਲ ਜੋੜਦੇ ਹਨ। ਇਹ ਪ੍ਰਕਿਰਿਆ ਸਾਲ 2008 ਵਿੱਚ ਦੋਵਾਂ ਦੇਸ਼ਾਂ ਵਿਚਾਲੇ ਹੋਏ ਅੰਤਰਰਾਸ਼ਟਰੀ ਸੜਕੀ ਆਵਾਜਾਈ ਸਮਝੌਤੇ 'ਤੇ ਆਧਾਰਿਤ ਹੈ। ਜ਼ਿਕਰਯੋਗ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 13 ਅਪ੍ਰੈਲ ਤੋਂ ਹੋਰਮੂਜ਼ ਵਿੱਚ ਨਾਕਾਬੰਦੀ ਲਗਾਈ ਹੋਈ ਹੈ ਤਾਂ ਜੋ ਤੇਹਰਾਨ 'ਤੇ ਆਰਥਿਕ ਦਬਾਅ ਬਣਾਇਆ ਜਾ ਸਕੇ। ਟਰੰਪ ਦਾ ਦਾਅਵਾ ਹੈ ਕਿ ਇਸ ਨਾਲ ਇਰਾਨ ਨਕਦੀ ਦੀ ਕਿੱਲਤ ਨਾਲ ਜੂਝ ਰਿਹਾ ਹੈ। ਮਾਹਿਰਾਂ ਅਨੁਸਾਰ, ਪਾਕਿਸਤਾਨ ਦਾ ਇਹ ਕਦਮ ਉਸ ਦੀਆਂ ਆਪਣੀਆਂ ਆਰਥਿਕ ਲੋੜਾਂ ਅਤੇ ਅਮਰੀਕੀ ਪ੍ਰਭਾਵ ਦੇ ਵਿਚਕਾਰ ਇੱਕ ਸੰਤੁਲਨ ਬਣਾਉਣ ਦੀ ਕੋਸ਼ਿਸ਼ ਹੈ। ਇਸ ਨਾਲ ਜਿੱਥੇ ਖੇਤਰੀ ਵਪਾਰ ਨੂੰ ਉਤਸ਼ਾਹ ਮਿਲੇਗਾ, ਉੱਥੇ ਹੀ ਗਵਾਦਰ ਬੰਦਰਗਾਹ ਰਾਹੀਂ ਚੀਨ ਦੇ ਪ੍ਰੋਜੈਕਟਾਂ ਨੂੰ ਵੀ ਮਜ਼ਬੂਤੀ ਮਿਲੇਗੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤੀਆਂ ਲਈ Good News; ਅਮਰੀਕਾ 'ਚ ਹੁਣ ਮਿਲੇਗੀ ਅਮਰੀਕੀਆਂ ਦੇ ਬਰਾਬਰ ਤਨਖਾਹ !
NEXT STORY 
