ਇੰਟਰਨੈਸ਼ਨਲ ਡੈਸਕ- ਇਕ ਮਹਿਲਾ ਨੂੰ 38 ਹਫ਼ਤੇ ਦੀ ਗਰਭਵਤੀ ਦੱਸਦਿਆਂ ਡਿਲੀਵਰੀ ਲਈ ਹਸਪਤਾਲ ਲਿਜਾਇਆ ਗਿਆ। ਹਸਪਤਾਲ ਨੇ ਵੀ ਤੁਰੰਤ ਆਪਰੇਸ਼ਨ ਦੀ ਤਿਆਰੀ ਕਰ ਲਈ ਪਰ ਆਪਰੇਸ਼ਨ ਦੌਰਾਨ ਡਾਕਟਰਾਂ ਨੂੰ ਪਤਾ ਚੱਲਿਆ ਕਿ ਮਹਿਲਾ ਦੇ ਪੇਟ ਵਿਚ ਬੱਚਾ ਤਾਂ ਹੈ ਹੀ ਨਹੀਂ। ਦੂਜੇ ਪਾਸੇ ਮਹਿਲਾ ਦੇ ਪਰਿਵਾਰ ਵਾਲਿਆਂ ਨੇ ਹਸਪਤਾਲ 'ਤੇ ਬੱਚਾ ਗਾਇਬ ਕਰਨ ਦੇ ਦੋਸ਼ ਲਗਾ ਦਿੱਤੇ। ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਸੀ ਕਿ ਪ੍ਰੈਗਨੈਂਸੀ ਨੂੰ ਕਰੀਬ 9 ਮਹੀਨੇ ਹੋ ਚੁੱਕੇ ਸਨ ਅਤੇ ਉਨ੍ਹਾਂ ਕੋਲ ਮੌਜੂਦ ਅਲਟਰਾਸਾਊਂਡ ਰਿਪੋਰਟ ਵਿਚ ਵੀ ਇਹ ਜਾਣਕਾਰੀ ਦਰਜ ਸੀ। ਫਿਰ ਬੱਚਾ ਕਿੱਥੇ ਗਿਆ।
ਇੱਥੇ ਦੱਸ ਦਈਏ ਕਿ ਇਹ ਹੈਰਾਨੀਜਨਕ ਮਾਮਲਾ ਪਾਕਿਸਤਾਨ ਦੇ ਕਰਾਚੀ ਸ਼ਹਿਰ ਦਾ ਹੈ। ਜਿੱਥੇ ਇਕ ਹਮਪਤਾਲ ਵਿਚ ਜ਼ੁਬੀਆ ਨਾਮ ਦੀ ਮਹਿਲਾ 27 ਅਗਸਤ ਨੂੰ ਪਹੁੰਚੀ। ਉਸ ਦਾ ਪਤੀ ਰਾਸਿਦ ਅਤੇ ਪਰਿਵਾਰਕ ਮੈਂਬਰ ਡਿਲੀਵਰੀ ਮਗਰੋਂ ਬੱਚਾ ਹੋਣ ਦੀ ਆਸ ਲਗਾਈ ਬੈਠਾ ਸੀ। ਹਸਪਤਾਲ ਵਿਚ ਮੌਜੂਦ ਡਾਕਟਰਾਂ ਨੂੰ ਮਹਿਲਾ ਵੱਲੋਂ ਇਕ ਅਲਟਰਾਸਾਊਂਡ ਰਿਪੋਰਟ ਦਿਖਾਈ ਗਈ, ਜਿਸ ਵਿਚ ਉਹ 38 ਹਫ਼ਤਿਆਂ ਦੀ ਗਰਭਵਤੀ ਦੱਸੀ ਗਈ ਸੀ। ਇਸ ਰਿਪੋਰਟ ਨੂੰ ਦੇਖ ਡਾਕਟਰਾਂ ਨੇ ਉਸ ਦੀ ਡਿਲੀਵਰੀ ਦੀ ਤਿਆਰੀ ਕਰ ਲਈ। ਇਸ ਦੌਰਾਨ ਡਿਊਟੀ 'ਤੇ ਮੌਜੂਦ ਇਕ ਡਾਕਟਰ ਨੇ ਮਹਿਲਾ ਦੀ ਮੈਡੀਕਲ ਜਾਂਚ ਹੋਰ ਜ਼ਰੂਰੀ ਟੈਸਟ ਕੀਤੇ। ਇਸ ਮਗਰੋਂ ਮਹਿਲਾ ਨੂੰ ਆਪਰੇਸ਼ਨ ਲਈ ਲਿਜਾਇਆ ਗਿਆ। ਪਰ ਆਪਰੇਸ਼ਨ ਦੌਰਾਨ ਪਤਾ ਚੱਲਿਆ ਕਿ ਮਹਿਲਾ ਦੇ ਪੇਟ ਵਿਚ ਬੱਚਾ ਨਹੀਂ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- Birthright citizenship 'ਤੇ ਅਮਰੀਕੀ ਅਦਾਲਤ ਨੇ ਸੁਣਾ'ਤਾ ਫ਼ੈਸਲਾ ! ਟਰੰਪ ਨੂੰ ਦਿੱਤਾ ਵੱਡਾ ਝਟਕਾ
ਆਪਰੇਸ਼ਨ ਤੋਂ ਬਾਅਦ ਜਦੋਂ ਪਰਿਵਾਰ ਵਾਲਿਆਂ ਨੂੰ ਇਸ ਬਾਰੇ ਦੱਸਿਆ ਗਿਆ ਤਾਂ ਵਿਵਾਦ ਵੱਧ ਗਿਆ। ਪਰਿਵਾਰ ਨੇ ਦੋਸ਼ ਲਗਾਇਆ ਕਿ ਜੇਕਰ ਮਹਿਲਾ ਗਰਭਵਤੀ ਸੀ ਅਤੇ ਅਲਟਰਾਸਾਊਂਡ ਵਿਚ ਬੱਚਾ ਦਿਖਾਈ ਦੇ ਰਿਹਾ ਸੀ ਤਾਂ ਡਿਲੀਵਰੀ ਮਗਰੋਂ ਬੱਚਾ ਕਿੱਥੇ ਗਿਆ। ਪਰਿਵਾਰ ਵਾਲਿਆਂ ਨੇ ਹਸਪਤਾਲ ਪ੍ਰਸ਼ਾਸਨ 'ਤੇ ਬੱਚਾ ਗਾਇਬ ਕਰਨ ਦਾ ਦੋਸ਼ ਵੀ ਲਗਾਇਆ। ਮਾਮਲਾ ਵਧਣ ਤੇ ਪੁਲਸ ਨੂੰ ਬੁਲਾਇਆ ਗਿਆ। ਪੁਲਸ ਦੀ ਸ਼ੁਰੂਆਤੀ ਜਾਂਚ ਵਿਚ ਮਾਮਲਾ ਸਾਫ ਹੋ ਗਿਆ। ਜ਼ੁਬੀਆ ਨੇ ਸਵੀਕਾਰ ਕੀਤਾ ਕਿ ਉਸਨੇ ਪ੍ਰੈਗਨੈਂਸੀ ਬਾਰੇ ਪਰਿਵਾਰ ਨੂੰ ਝੂਠ ਬੋਲਿਆ ਸੀ। ਦਰਅਸਲ ਜ਼ੁਬੀਆ ਦੇ ਵਿਆਹ ਨੂੰ 3 ਸਾਲ ਹੋ ਚੁੱਕੇ ਸਨ ਅਤੇ ਉਸ 'ਤੇ ਬੱਚਾ ਪੈਦਾ ਕਰਨ ਦਾ ਦਬਾਅ ਸੀ। ਇਸੇ ਦਬਾਅ ਵਿਚ ਉਸ ਨੇ ਖ਼ੁਦ ਨੂੰ ਗਰਭਵਤੀ ਦੱਸ ਕੇ ਝੂਠੀ ਰਿਪੋਰਟ ਤਿਆਰ ਕਰਵਾਈ ਸੀ। ਇਸ ਘਟਨਾ ਨੇ ਨਜ਼ੀਮਾਬਾਦ ਦੇ ਹਸਪਤਾਲ ਦੀ ਪ੍ਰਕਿਰਿਆ ਨੂੰ ਲੈ ਕੇ ਵੀ ਸਵਾਲ ਖੜ੍ਹਾ ਕੀਤੇ ਹਨ। ਕਿਉਂਕਿ ਜਦੋਂ ਕਿਸੇ ਮਹਿਲਾ ਨੂੰ ਡਿਲੀਵਰੀ ਲਈ ਆਪਰੇਸ਼ਨ ਕਰਨ ਲਈ ਲਿਜਾਇਆ ਜਾਂਦਾ ਹੈ ਤਾਂ ਆਮ ਤੌਰ 'ਤੇ ਡਾਕਟਰ ਉਸ ਦਾ ਦੁਬਾਰਾ ਅਲਟਰਾ ਸਾਊਂਡ ਕਰਦੇ ਹਨ। ਇਸ ਮਾਮਲੇ ਵਿਚ ਹਮਪਤਾਲ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਉਸ ਨੇ ਮਹਿਲਾ ਦੁਆਰਾ ਦਿਖਾਈ ਗਈ ਅਲਟਰਾਸਾਊਂਡ ਰਿਪੋਰਟ ਦੇ ਆਧਾਰ 'ਤੇ ਮੈਡੀਕਲ ਜਾਂਚ ਅਤੇ ਹੋਰ ਟੈਸਟਾਂ ਦੇ ਬਾਅਦ ਆਪਰੇਸ਼ਨ ਕਰਨ ਦਾ ਫੈਸਲਾ ਲਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਹੜ੍ਹ ਮਗਰੋਂ ਆ ਗਿਆ ਭੂਚਾਲ ! ਨੇਪਾਲ 'ਚ ਮੁੜ ਵਧਿਆ 'ਖ਼ਤਰਾ'
NEXT STORY 
