ਵਾਸ਼ਿੰਗਟਨ (ਏ.ਐੱਨ.ਆਈ. - ਐਲੋਨ ਮਸਕ ਦੀ ਕੰਪਨੀ ਸਪੇਸਐਕਸ ਅਗਲੇ ਦੋ ਸਾਲਾਂ 'ਚ ਮੰਗਲ ਗ੍ਰਹਿ 'ਤੇ ਆਪਣਾ ਸਭ ਤੋਂ ਵੱਡਾ ਰਾਕੇਟ ਸਟਾਰਸ਼ਿਪ ਭੇਜਣ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਦੇ ਸੀ.ਈ.ਓ ਐਲੋਨ ਮਸਕ ਨੇ ਇਸ ਦਾ ਐਲਾਨ ਕੀਤਾ ਹੈ। ਐਲੋਨ ਮਸਕ ਨੇ ਕਿਹਾ ਕਿ ਇਹ ਬਿਨਾਂ ਕਰੂ ਵਾਲਾ ਮਿਸ਼ਨ ਹੋਵੇਗਾ, ਜਿਸ ਵਿਚ ਮੰਗਲ ਗ੍ਰਹਿ 'ਤੇ ਰਾਕੇਟ ਦੀ ਸੁਰੱਖਿਅਤ ਲੈਂਡਿੰਗ ਦਾ ਪ੍ਰੀਖਣ ਕੀਤਾ ਜਾਵੇਗਾ।
ਅਗਲੇ 20 ਸਾਲਾਂ ਵਿੱਚ ਮੰਗਲ ਗ੍ਰਹਿ 'ਤੇ ਇੱਕ ਸ਼ਹਿਰ ਵਸਾਉਣ ਦੀ ਤਿਆਰੀ
ਮਸਕ ਨੇ ਕਿਹਾ ਕਿ ਜੇਕਰ ਇਹ ਬਿਨਾਂ ਕਰੂ ਵਾਲਾ ਮਿਸ਼ਨ ਸਫਲ ਹੋ ਜਾਂਦਾ ਹੈ ਤਾਂ ਅਗਲੇ ਚਾਰ ਸਾਲਾਂ 'ਚ ਮੰਗਲ 'ਤੇ ਮਨੁੱਖੀ ਮਿਸ਼ਨ ਭੇਜੇ ਜਾਣਗੇ। ਸਪੇਸਐਕਸ ਦੇ ਮੁਖੀ ਨੇ ਕਿਹਾ ਕਿ ਸਫਲ ਮਿਸ਼ਨ ਤੋਂ ਬਾਅਦ ਮੰਗਲ ਮਿਸ਼ਨ 'ਚ ਤੇਜ਼ੀ ਆਵੇਗੀ ਅਤੇ ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਉਹ ਅਗਲੇ 20 ਸਾਲਾਂ 'ਚ ਮੰਗਲ 'ਤੇ ਪੂਰਾ ਸ਼ਹਿਰ ਸਥਾਪਿਤ ਕਰਨ ਦੀ ਯੋਜਨਾ ਬਣਾ ਰਹੇ ਹਨ। ਮਸਕ ਨੇ ਕਈ ਗ੍ਰਹਿਆਂ 'ਤੇ ਇੱਕੋ ਸਮੇਂ ਮਨੁੱਖੀ ਜੀਵਨ ਦੀ ਸੰਭਾਵਨਾ ਦੀ ਵਕਾਲਤ ਕੀਤੀ ਅਤੇ ਕਿਹਾ ਕਿ ਸਾਨੂੰ ਸਿਰਫ਼ ਇੱਕ ਗ੍ਰਹਿ 'ਤੇ ਨਿਰਭਰ ਨਹੀਂ ਰਹਿਣਾ ਚਾਹੀਦਾ।
ਮਸਕ ਨੇ ਸਪੇਸਐਕਸ ਦੇ ਕਰਮਚਾਰੀਆਂ ਨੂੰ ਮੰਗਲ ਗ੍ਰਹਿ 'ਤੇ ਸ਼ਹਿਰ ਸਥਾਪਿਤ ਕਰਨ ਦੀ ਯੋਜਨਾ 'ਤੇ ਕੰਮ ਸ਼ੁਰੂ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ ਹਨ। ਅਮਰੀਕੀ ਮੀਡੀਆ ਰਿਪੋਰਟਾਂ ਮੁਤਾਬਕ ਮੰਗਲ ਗ੍ਰਹਿ 'ਤੇ ਛੋਟੇ ਗੁੰਬਦ ਵਾਲੇ ਨਿਵਾਸ ਸਥਾਨ ਬਣਾਉਣ ਦੀ ਯੋਜਨਾ ਹੈ। ਇਕ ਹੋਰ ਟੀਮ ਮੰਗਲ ਗ੍ਰਹਿ ਦੇ ਕਠੋਰ ਵਾਤਾਵਰਣ ਨਾਲ ਨਜਿੱਠਣ ਲਈ ਸਪੇਸਸੂਟ ਬਣਾਉਣ 'ਤੇ ਕੰਮ ਕਰ ਰਹੀ ਹੈ, ਜਦੋਂ ਕਿ ਇਕ ਮੈਡੀਕਲ ਟੀਮ ਇਸ ਗੱਲ 'ਤੇ ਖੋਜ ਕਰ ਰਹੀ ਹੈ ਕਿ ਕੀ ਮਨੁੱਖ ਉਥੇ ਬੱਚੇ ਪੈਦਾ ਕਰ ਸਕਦੇ ਹਨ? ਮਸਕ ਨੇ 2016 'ਚ ਕਿਹਾ ਸੀ ਕਿ ਮੰਗਲ 'ਤੇ ਮਨੁੱਖੀ ਬਸਤੀ ਸਥਾਪਤ ਕਰਨ 'ਚ 40 ਤੋਂ 100 ਸਾਲ ਲੱਗਣਗੇ ਪਰ ਹੁਣ ਮਸਕ ਨੇ ਅਗਲੇ 20 ਸਾਲਾਂ 'ਚ ਮੰਗਲ 'ਤੇ ਮਨੁੱਖੀ ਬਸਤੀ ਸਥਾਪਤ ਕਰਨ ਦਾ ਐਲਾਨ ਕੀਤਾ ਹੈ। ਮਸਕ ਦਾ ਟੀਚਾ ਮੰਗਲ ਗ੍ਰਹਿ 'ਤੇ ਲਗਭਗ 10 ਲੱਖ ਲੋਕਾਂ ਨੂੰ ਵਸਾਉਣਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-10 ਲੱਖ ਭਾਰਤੀ ਅਮਰੀਕੀ ਚੋਣਾਂ 'ਚ ਨਿਭਾਉਣਗੇ ਮਹੱਤਵਪੂਰਨ ਭੂਮਿਕਾ
ਮੁੜ ਵਰਤੋਂ ਯੋਗ ਰਾਕੇਟ ਨਾਲ ਮੰਗਲ ਮਿਸ਼ਨ ਦੀ ਲਾਗਤ ਘਟਾਉਣ ਦੀ ਯੋਜਨਾ
ਮਸਕ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਕੰਪਨੀ ਸਪੇਸਐਕਸ ਨੇ ਪਹਿਲਾ ਮੁੜ ਵਰਤੋਂ ਯੋਗ ਰਾਕੇਟ ਬਣਾਇਆ ਹੈ ਅਤੇ ਇਸ ਨਾਲ ਪੁਲਾੜ ਮਿਸ਼ਨਾਂ ਦੀ ਲਾਗਤ ਘੱਟ ਜਾਵੇਗੀ, ਜਿਸ ਕਾਰਨ ਇਕ ਗ੍ਰਹਿ ਤੋਂ ਦੂਜੇ ਗ੍ਰਹਿ 'ਤੇ ਜਾਣਾ ਆਰਥਿਕ ਤੌਰ 'ਤੇ ਮਹਿੰਗਾ ਨਹੀਂ ਹੋਵੇਗਾ। ਮਸਕ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਕੰਪਨੀ ਸਪੇਸਐਕਸ ਨੇ ਪਹਿਲਾ ਮੁੜ ਵਰਤੋਂ ਯੋਗ ਰਾਕੇਟ ਬਣਾਇਆ ਹੈ ਅਤੇ ਇਸ ਨਾਲ ਪੁਲਾੜ ਮਿਸ਼ਨਾਂ ਦੀ ਲਾਗਤ ਘੱਟ ਜਾਵੇਗੀ, ਜਿਸ ਕਾਰਨ ਇਕ ਗ੍ਰਹਿ ਤੋਂ ਦੂਜੇ ਗ੍ਰਹਿ 'ਤੇ ਜਾਣਾ ਆਰਥਿਕ ਤੌਰ 'ਤੇ ਮਹਿੰਗਾ ਨਹੀਂ ਹੋਵੇਗਾ। ਸਪੇਸਐਕਸ ਦੇ ਸਭ ਤੋਂ ਸ਼ਕਤੀਸ਼ਾਲੀ ਲਾਂਚ ਵਾਹਨ ਸਟਾਰਸ਼ਿਪ ਨੇ ਇਸ ਸਾਲ ਜੂਨ ਵਿੱਚ ਸਫਲ ਉਡਾਣ ਭਰੀ ਸੀ। ਇਸਨੂੰ ਟੈਕਸਾਸ ਵਿੱਚ ਇੱਕ ਪ੍ਰਾਈਵੇਟ ਸਟਾਰਬੇਸ ਤੋਂ ਲਾਂਚ ਕੀਤਾ ਗਿਆ ਸੀ ਅਤੇ ਸਪੇਸਐਕਸ ਨੇ ਵੀ ਇਸਦੀ ਉਡਾਣ ਦਾ ਸਿੱਧਾ ਪ੍ਰਸਾਰਣ ਕੀਤਾ ਸੀ। ਇਸ ਤੋਂ ਪਹਿਲਾਂ ਸਪੇਸਐਕਸ ਦੀਆਂ ਤਿੰਨ ਕੋਸ਼ਿਸ਼ਾਂ ਅਸਫਲ ਰਹੀਆਂ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਸ ਦੇਸ਼ ਦੀ ਸਰਕਾਰ ਦਾ ਵੱਡਾ ਐਲਾਨ, ਮੋਬਾਈਲ ਫੋਨ 'ਤੇ ਲਾਈ ਪਾਬੰਦੀ
NEXT STORY 
