ਮੈਡ੍ਰਿਡ - ਸਪੇਨ ਵਿਚ ਮੱਧ ਮੈਡ੍ਰਿਡ ਵਿਚ ਵਧਦੀਆਂ ਘਰਾਂ ਦੀਆਂ ਕੀਮਤਾਂ ਖ਼ਿਲਾਫ਼ ਐਤਵਾਰ ਨੂੰ ਹਜ਼ਾਰਾਂ ਲੋਕਾਂ ਨੇ ਰੈਲੀ ਕੱਢੀ। ਹਾਲ ਹੀ ਦੇ ਸਾਲਾਂ ਵਿਚ ਸਪੇਨ ਦੀ ਆਰਥਿਕਤਾ ਵਿਚ ਚੰਗਾ ਵਾਧਾ ਹੋਣ ਦੇ ਬਾਵਜੂਦ ਘਰਾਂ ਦੀਆਂ ਕੀਮਤਾਂ ਵਿਚ ਵਾਧੇ ਵਰਗੀ ਸਮੱਸਿਆ ਕਾਰਨ ਸਪੇਨ ਵਿਚ ਖਾਸ ਕਰ ਕੇ ਰਾਜਧਾਨੀ ਅਤੇ ਬਾਰਸੀਲੋਨਾ ਵਰਗੇ ਸ਼ਹਿਰਾਂ ਵਿਚ ਘਰ ਖਰੀਦਣਾ ਜਾਂ ਕਿਰਾਏ ’ਤੇ ਲੈਣਾ ਲੋਕਾਂ ਦੀ ਪਹੁੰਚ ਤੋਂ ਬਾਹਰ ਹੁੰਦਾ ਜਾ ਰਿਹਾ ਹੈ।
ਸਪੇਨ ਦਾ ਰਿਹਾਇਸ਼ੀ ਸੰਕਟ 2027 ਵਿਚ ਹੋਣ ਵਾਲੀਆਂ ਚੋਣਾਂ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਪੇਡਰੋ ਸਾਂਚੇਜ਼ ਦੀਆਂ ਮੁੱਖ ਸਿਆਸੀ ਕਮਜ਼ੋਰੀਆਂ ’ਚੋਂ ਇਕ ਹੈ। ਵਿਸ਼ਲੇਸ਼ਕਾਂ ਦੇ ਅਨੁਸਾਰ, ਸਪੇਨ ਵਿਚ ਘਰ ਦੇ ਮਾਲਕੀ ਹੱਕ ਦੀ ਮਜ਼ਬੂਤ ਪਰੰਪਰਾ ਰਹੀ ਹੈ, ਜਦਕਿ ਕਿਰਾਏ ’ਤੇ ਉਪਲਬਧ ਜਨਤਕ ਰਿਹਾਇਸ਼ਾਂ ਦੀ ਗਿਣਤੀ ਬਹੁਤ ਘੱਟ ਹੈ। ਇਸ ਤੋਂ ਇਲਾਵਾ ਵਧੇ ਹੋਏ ਸੈਰ-ਸਪਾਟੇ ਅਤੇ ਇਮੀਗ੍ਰੇਸ਼ਨ ਤੋਂ ਆਬਾਦੀ ਵਾਧੇ ਕਾਰਨ ਰਿਹਾਇਸ਼ ਦੀ ਮੰਗ ਵਿਚ ਲਗਾਤਾਰ ਵਾਧਾ ਹੋਇਆ ਹੈ, ਜਿਸ ਨਾਲ ਕਿਰਾਏ ਵਿਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਪ੍ਰਦਰਸ਼ਨਕਾਰੀਆਂ ਨੇ ਨਾਅਰੇਬਾਜ਼ੀ ਕੀਤੀ ਅਤੇ ਰਿਹਾਇਸ਼ ਦੇ ਆਪਣੇ ਅਧਿਕਾਰ ਨਾਲ ਸਬੰਧਤ ਬੈਨਰ ਲਹਿਰਾਏ।
ਚੀਨ ਦੀਆਂ ਚੰਦਰਮਾ 'ਤੇ ਇਨਸਾਨ ਭੇਜਣ ਦੀਆਂ ਤਿਆਰੀਆਂ, ਸ਼ੇਨਜ਼ੂ-23 ਮਿਸ਼ਨ ਤਹਿਤ 3 ਪੁਲਾੜ ਯਾਤਰੀ ਰਵਾਨਾ
NEXT STORY 
