ਰਿਆਦ (ਬਿਊਰੋ): ਸਾਊਦੀ ਅਰਬ ਕਰੋੜਾਂ ਡਾਲਰ (766 ਅਰਬ ਰੁਪਏ) ਦੀ ਲਾਗਤ ਨਾਲ 'ਸਾਈਡਵੇਅ ਸਕਾਈਸਕ੍ਰੈਪਰ' ਬਣਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਹ ਇਮਾਰਤ ਲਗਭਗ 120 ਕਿਲੋਮੀਟਰ ਲੰਬੀ ਹੋਵੇਗੀ ਅਤੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਸ ਵਿੱਚ 50 ਲੱਖ ਲੋਕ ਰਹਿਣਗੇ। ਇਸ ਪ੍ਰਾਜੈਕਟ ਨੂੰ 'ਮਿਰਰ ਲਾਈਨ' ਦਾ ਨਾਂ ਦਿੱਤਾ ਗਿਆ ਹੈ ਕਿਉਂਕਿ ਇਸ ਦੇ ਨਿਰਮਾਣ 'ਚ ਸ਼ੀਸ਼ੇ ਦੀ ਵਰਤੋਂ ਕੀਤੀ ਜਾਵੇਗੀ। ਕਿਹਾ ਜਾ ਰਿਹਾ ਹੈ ਕਿ ਇਸ ਦਾ ਆਕਾਰ ਲਗਭਗ ਮੈਸਾਚੁਸੇਟਸ ਦੇ ਬਰਾਬਰ ਹੋਵੇਗਾ ਅਤੇ ਇਹ ਐਂਪਾਇਰ ਸਟੇਟ ਬਿਲਡਿੰਗ ਤੋਂ ਵੀ ਉੱਚੀ ਹੋਵੇਗੀ।
ਰਿਪੋਰਟਾਂ ਮੁਤਾਬਕ ਸਾਊਦੀ ਕਰਾਊਨ ਪ੍ਰਿੰਸ ਮੁਹੰਮਦ ਬਿਨ ਸਲਮਾਨ ਨੇ ਜਨਵਰੀ 2021 ਵਿੱਚ ਇਸ ਵਿਸ਼ਾਲ ਇਮਾਰਤ ਲਈ ਆਪਣੀ ਯੋਜਨਾ ਦਾ ਖੁਲਾਸਾ ਕੀਤਾ ਸੀ। ਮਿਸਰ ਦੇ ਪਿਰਾਮਿਡਾਂ ਦੀ ਤਰਜ਼ 'ਤੇ ਸਾਊਦੀ ਅਰਬ ਦੇ ਆਪਣੇ ਪਿਰਾਮਿਡ ਬਣਾਉਣ ਦੇ ਮਕਸਦ ਬਾਰੇ ਵੀ ਦੱਸਿਆ। ਪਰ ਯੋਜਨਾਕਾਰ ਪ੍ਰੋਜੈਕਟ ਦੀ ਲਾਗਤ 'ਤੇ ਸਵਾਲ ਉਠਾ ਰਹੇ ਹਨ ਅਤੇ ਪੁੱਛ ਰਹੇ ਹਨ ਕੀ ਲੋਕ ਮਹਾਮਾਰੀ ਤੋਂ ਬਾਅਦ ਇੱਕ ਸੀਮਤ ਜਗ੍ਹਾ ਵਿੱਚ ਰਹਿਣ ਲਈ ਤਿਆਰ ਹੋਣਗੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਮਿਆਂਮਾਰ ਸਰਕਾਰ ਦੀ ਬੇਰਹਿਮੀ, ਪ੍ਰਮੁੱਖ ਲੋਕਤੰਤਰੀ ਕਾਰਕੁਨਾਂ ਨੂੰ ਦਿੱਤੀ ਫਾਂਸੀ
50 ਸਾਲਾਂ ਵਿੱਚ ਬਣ ਕੇ ਤਿਆਰ ਹੋ ਜਾਣਗੀਆਂ ਇਮਾਰਤਾਂ
ਸਾਈਡਵੇ ਸਕਾਈਸਕ੍ਰੈਪਰ 'ਮਿਰਰ ਲਾਈਨ' 'ਨੀਓਮ' ਨਾਮਕ ਮਾਰੂਥਲ ਸ਼ਹਿਰ ਦਾ ਹਿੱਸਾ ਹੋਵੇਗੀ ਅਤੇ ਇਸ ਵਿਚ ਦੋ 1,600 ਫੁੱਟ ਉੱਚੀਆਂ ਇਮਾਰਤਾਂ ਹੋਣਗੀਆਂ ਜੋ ਰੇਗਿਸਤਾਨ ਵਿਚ ਇਕ ਦੂਜੇ ਦੇ ਸਮਾਨਾਂਤਰ ਹੋਣਗੀਆਂ ਅਤੇ ਇਸ ਨੂੰ ਬਣਾਉਣ ਵਿਚ 50 ਸਾਲ ਲੱਗਣਗੇ। ਇਹ ਇੰਨੀਆਂ ਲੰਬੇ ਹੋਣਗੀਆਂ ਕਿ ਇੰਜਨੀਅਰਾਂ ਨੂੰ ਧਰਤੀ ਦੀ ਵਕਰਤਾ ਦਾ ਲੇਖਾ-ਜੋਖਾ ਕਰਨ ਲਈ ਸਟਰਟਸ ਦੀ ਲੋੜ ਹੋਵੇਗੀ ਅਤੇ ਇਸਦੀ ਆਪਣੀ ਹਾਈ-ਸਪੀਡ ਰੇਲਵੇ ਲਾਈਨ ਹੋਵੇਗੀ। ਵਾਲ ਸਟਰੀਟ ਜਰਨਲ ਨੇ ਰਿਪੋਰਟ ਦਿੱਤੀ ਕਿ ਵਿਸ਼ਾਲ ਪ੍ਰੋਜੈਕਟ ਦੇਸ਼ ਦੇ ਪੱਛਮ ਵਿੱਚ ਅਕਾਬਾ ਦੀ ਖਾੜੀ ਤੋਂ ਇੱਕ ਪਹਾੜੀ ਲੜੀ ਅਤੇ ਇੱਕ ਮਾਰੂਥਲ ਵਿੱਚੋਂ ਲੰਘੇਗਾ।
ਇਮਾਰਤ ਵਿੱਚ ਹੋਣਗੇ ਘਰ ਅਤੇ ਖੇਤ
ਇਮਾਰਤ ਨੂੰ ਇੱਕ ਸਿਰੇ ਤੋਂ ਦੂਜੇ ਸਿਰੇ ਤੱਕ ਜਾਣ ਵਿੱਚ 20 ਮਿੰਟ ਲੱਗਣਗੇ ਅਤੇ ਨਵਿਆਉਣਯੋਗ ਊਰਜਾ ਦੁਆਰਾ ਸੰਚਾਲਿਤ ਹੋਵੇਗੀ। ਇਸ ਵਿੱਚ ਮੀਲਾਂ ਦੀ ਹਰਿਆਲੀ ਅਤੇ ਘਰ ਅਤੇ ਖੇਤ ਵੀ ਹੋਣਗੇ, ਜਿੱਥੋਂ 50 ਲੱਖ ਲੋਕਾਂ ਨੂੰ ਭੋਜਨ ਮਿਲੇਗਾ। ਇੱਥੇ ਰਹਿਣ ਵਾਲੇ ਲੋਕਾਂ ਨੂੰ ਦਿਨ ਵਿੱਚ ਤਿੰਨ ਸਮੇਂ ਦੇ ਭੋਜਨ ਲਈ ਇਮਾਰਤ ਦੀ ਗਾਹਕੀ ਲੈਣੀ ਪਵੇਗੀ। ਪ੍ਰਿੰਸ ਐਮਬੀਐਸ ਨੇ ਕਿਹਾ ਕਿ ਇਹ ਇਮਾਰਤ ਕਾਰਬਨ ਨਿਊਟ੍ਰਲ ਹੋਵੇਗੀ ਅਤੇ ਜ਼ਮੀਨ ਤੋਂ 1,000 ਫੁੱਟ ਉੱਪਰ ਇਸ ਦਾ ਆਪਣਾ ਸਟੇਡੀਅਮ ਹੋਵੇਗਾ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮਿਆਂਮਾਰ ਸਰਕਾਰ ਦੀ ਬੇਰਹਿਮੀ, ਪ੍ਰਮੁੱਖ ਲੋਕਤੰਤਰੀ ਕਾਰਕੁਨਾਂ ਨੂੰ ਦਿੱਤੀ ਫਾਂਸੀ
NEXT STORY 
